Mak 15:10 - Krio Fɔs Oli Baybul

¹⁰ I bin no se di bigman dɛn we de mek sakrifays fɔ pipul sin an Jizɔs oba gi am bikɔs dɛn jɛlɔs Jizɔs.

Mak 15:10 Iomraidhean Croise

Jɛnɛsis 37:11

Josɛf in brɔda dɛn bin de jɛlɔs am bɔt in papa in bin de tink bɔt di drim ɛn de wɔnda wetin i min.

Prɔvabs 27:4

Pɔsin we gɛt wamat ɛn lɛk plaba kin pwɛl in kɔmpin, bɔt jɛlɔs pɔsin wɔs pas am.

Ɛkliziastis 4:4

A si se ɔl di wok ɛn sɛns we mɔtalman de sho pan in wok na bikɔs i wan tan lɛk ɔda pɔsin. Bɔt ɔl dat na fɔ natin. I tan lɛk we yu de tray fɔ kech briz.

Matyu 27:18

Paylet bin no gud gud se, di Ju bigman dɛn an ova Jizɔs to am bikɔs dɛn jɛlɔs Jizɔs.

Mak 15:11

Dɛn tɛl di pipul dɛn fɔ tɛl Paylet se, na Bara bas i fɔ pul kɔmɔt na jel.

Mak 15:9

Paylet aks dɛn se, “Una want fɔ mek a fri di Ju pipul dɛn kiŋ?”

Apɔsul Dɛn Wok 13:45

Wɛn di Ju pipul dɛn si ɔl di pipul dɛn na di Ju mitin os, dɛn jɛlɔs Pɔl ɛn Banabas. Dɛn se na lay Pɔl de lay ɛn dɛn tɔk bad bɔt am.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Jems 4:5

Una min se na fɔ natin Gɔd in Buk se, “Gɔd in Spirit we i put insay wi, want wi fɔ insɛf nɔmɔ?”

Jɔn In Fɔs Lɛta 3:12

Wi nɔ fɔ tan lɛkɛ Ken we bin kil in brɔda; Ken bin blant Setan. Wetin du Ken kil in brɔda? Na bikɔs i bin de du dɛn tin we Gɔd nɔ want, ɛn in brɔda bin de du wetin rayt na Gɔd yay.