Mak 13:9 - Krio Fɔs Oli Baybul

⁹ “Una bikyaful, pipul go ol una ɛn kɛr una go bifo dɛn pipul we de jɔj na kot. Pipul go bit una na dɛn Ju mitin os; dɛn go kɛr una go bifo dɛn pipul we de rul, bikɔs una biliv pan mi; da tɛm de una fɔ tɔk di tru tin we una no bɔt mi.

Mak 13:9 Iomraidhean Croise

Matyu 5:22

Bɔt mi de tɛl una se: dɛn go jɔj ɛnibɔdi we vɛks pan in brɔda. Dɛn go kɛr ɛnibɔdi we kɔs in brɔda go bifo di Ju gran kot, ɛn ɛnibɔdi we tɛl in brɔda se, ‘Yu fulman!’ Da pɔsin de go sɔfa na di faya we de na ɛl.

Mak 13:5

Jizɔs ansa se, “Una tek tɛm mek nɔbɔdi nɔ mek una ful.

Mak 13:8

Wan kɔntri go fɛt ɔda kɔntri, ɛn wan neshɔn go fɛt ɔda neshɔn. Di grɔn go trimbul plɛnti say, natin nɔ go de fɔ it. Ɔl dɛn bad tin de na di fɔs waala dɛn we go fɔdɔm. Wɔs wan dɛn go de biɛn.

Mak 6:11

If una go na ɛni tɔŋ we di pipul dɛn nɔ rɛspɛkt una ɛn dɛn nɔ gri yɛri wetin una de tɛl dɛn; bifo una kɔmɔt de, una fɔ shek di dɔti we de ɔnda una fut, fɔ sho se di pipul dɛn dɔn du bad.”

Lyuk 9:5

If una go na ɛni tɔŋ we di pipul dɛn nɔ gri lisin to una, una kɔmɔt na da tɔŋ de, ɛn shek di dɔti we de ɔnda una fut fɔ mek dɛn no se dɛn dɔn du bad.”

Jɔn 15:20

Una fɔ mɛmba wetin a bin tɛl una we a se: ‘Slev nɔ pas in masta’. If pipul dɔn mek a sɔfa, dɛn go mek unasɛf sɔfa; if dɛn du wetin a lan dɛn, dɛn go du wetin unasɛf lan dɛn.

Jɔn 16:2

Dɛn go drɛb una kɔmɔt na dɛn Ju mitin os, ɛn tɛm de kam we ɛnibɔdi we kil una sɛf go tink se i de du wetin Gɔd want am fɔ du.

Apɔsul Dɛn Wok 21:11

I kam to wi, i tek Pɔl in bɛlt ɛn tay in yon tu an ɛn tu fut. I se, “Gɔd in Spirit se, ‘Na so dɛn Ju pipul na Jerusɛlɛm go tay di pɔsin we gɛt dis bɛlt ɛn dɛn go an am oba gi dɛn pipul we nɔto Ju.’”

Apɔsul Dɛn Wok 7:54

Wɛn dɛn bigman na di Ju gran kot yɛri wetin Stivin tɔk, dɛn vɛks bad.

Apɔsul Dɛn Wok 9:16

Misɛf go sho Sɔl plɛnti tin we i go sɔfa fɔ mek ɔda pipul sabi mi.”

Lɛta Fɔ Filipay 1:29

Na Gɔd insɛf gi una dis wɔndaful chans fɔ biliv pan Krays ɛn fɔ sɔfa fɔseka am.

Sɛkɛn Lɛta Fɔ Tɛsalonayka 1:5

Ɔl wetin una de sɔfa sho se Gɔd go jɔj ɔlman lɛkɛ aw i fɔ jɔj dɛn, ɛn bikɔs una de sɔfa, Gɔd go mek una fit fɔ mek i rul una.

Jɔn In Sɛkɛn Lɛta 1:8

Una tek tɛm, mek una nɔ lɔs wetin una dɔn wok fɔ, so una go gɛt ɔl wetin Gɔd dɔn prɔmis una.

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.

Rɛvɛleshɔn 2:10

Una nɔ fred ɛnitin we una de kam sɔfa. Una lisin! Setan go tray una fɔ si if una biliv Gɔd fɔ tru, i go put una na jel. Na tɛn de nɔmɔ una go sɔfa da sɔfa de. Una nɔ lɛf fɔ biliv pan mi, if dat min sɛf se una go day fɔ mi sek, a go gi una layf we go de sote go, ɛn una go gɛt ɔna sote go na ɛvin.

Rɛvɛleshɔn 2:13

A no usay una de, una de na di say we Setan de rul. A no se wande una nɔ dinay se mi na una Masta. Di tɛm sɛf we dɛn kil Anti pas we bin biliv pan mi wit ɔl in at bikɔs i tɔk opin wan se in biliv pan mi, pan ɔl we dɛn kil am da say de we una de, ɛn we Setan insɛf de, dat nɔ mek una dinay se unasɛf biliv pan mi.