Mak 13:7 - Krio Fɔs Oli Baybul

⁷ Ɛn una nɔ fɔ wɔri wɛn una yɛri bɔt wa we de klos una ɔ wɛn una yɛri bɔt wa we de fawe. Dɛn tin de mɔs bi, bɔt di wɔl nɔ go ɛnd yet!

Mak 13:7 Iomraidhean Croise

2 Samiɛl 14:14

I se mɔtalman tan lɛk we wata trowe na grɔn we i nɔ de gɛda bak na so ɔlman gɛt fɔ day bɔt PAPA GƆD in nɔ de lɛf nɔbɔdi fɔ day so. I se wans di pɔsin no se PAPA GƆD de, i de fɛn we fɔ drɔ da pɔsin we bin dɔn rɔnawe kam bak to am.

Di Sam Dɛm 112:7

I nɔ de fred fɔ yɛri bad nyuz i de gɛt kolat ɛn jɛs de luk ɔp to PAPA GƆD.

Di Sam Dɛm 27:3

If ivin wanol ami wan chalenj mi, a nɔ go yɛk sɛf; bifo a se dɛn wan mek wa pan mi, a nɔ go stil fred, a go trɔs PAPA GƆD.

Prɔvabs 3:25

Yu nɔ go fred sɛf wɛn yu yɛri “Lɔd a masi o, faya!” Lɛkɛ aw trɔbul kin mit bad mɔtalman.

Ayzaya 8:12

“Nɔ kɔl ɔl wetin dɛn pipul ya kɔl, ‘sikrit plan fɔ du bad’ se na sikrit plan fɔ du bad, ɛn nɔ fred wetin dɛn de fred, ɛn lɛ natin nɔ shek una at.

Jɛrimaya 51:46

Lɛ una at nɔ pwɛl, ɛn una nɔ fred fɔseka di kayn rumɔ we una de yɛri na di land, wɛn yu yɛri wan rumɔ dis ia, na ɔda rumɔ yu go yɛri di ɔda ia, ɛn fɛt de na di land, ɛn rula de fɛt in kɔmpin rula.

Matyu 18:7

I bad fɔ ɔlman bikɔs tin dɛn de na di wɔl we de mek pipul dɛn nɔ biliv pan mi. Dɛn tin ya mɔs bi, bɔt i go bad fɔ di pɔsin we mek dɛn bi.

Matyu 2:3

Wɛn Kiŋ Ɛrɔd yɛri dat, in at pwɛl, ɛn na semwe so ɔlman at pwɛl na Jerusɛlɛm.

Mak 13:6

Plɛnti pipul go tek mi nem kam, dɛn go se dɛn na di Mɛsaya, dɛn go mek plɛnti pipul ful.

Mak 13:8

Wan kɔntri go fɛt ɔda kɔntri, ɛn wan neshɔn go fɛt ɔda neshɔn. Di grɔn go trimbul plɛnti say, natin nɔ go de fɔ it. Ɔl dɛn bad tin de na di fɔs waala dɛn we go fɔdɔm. Wɔs wan dɛn go de biɛn.

Jɔn 14:1

Jizɔs tɛl in lanin bɔy dɛn se, “Una put una at dɔŋ, una nɔ wɔri. Una biliv pan Gɔd, ɛn una biliv pan misɛf.

Jɔn 14:27

“A nɔ de gi una di kayn kol at we di pipul dɛn ɛn di tin dɛn na dis wɔl ya de gi, bɔt a de gi una mi yon kol at. A nɔ de gi mi yon kol at lɛkɛ aw di pipul dɛn na wɔl de gi kol at. Una nɔ ɛŋ at fɔ ɛnitin, una nɔ mek ɛnitin wɔri una.