Mak 13:2 - Krio Fɔs Oli Baybul

² Jizɔs se, “Una si dɛn big bildin ya? Tɛm de kam we dɛn ɔl go fɔdɔm, ɛn wan ston nɔ go lɛf pantap in kɔmpin.”

Mak 13:2 Iomraidhean Croise

Jɛrimaya 26:18

“Mayka na Mɔrɛshɛt, bin de prɔfisay di tɛm we Ɛzikaya na bin kiŋ na Juda, ɛn i bin tɛl ɔl di pipul dɛn na Juda se: ‘Na dis PAPA GƆD Ɔlmayti se, Dɛn go dig Zayɔn lɛkɛ fam; Jerusɛlɛm go tɔn dɔti ip, ɛn di il na PAPA GƆD in os, go tɔn fɔrɛst.

Daniɛl 9:26

Wɛn di siksti tu wik go dɔn dɔn, dɛn go kil di pɔsin we dɛn dɔn anɔynt ɛn i go tɔn po man. Ɛn di prins we go gɛt fɔ kam, in pipul dɛm go nyakanyaka di siti ɛn di ples we dɛn de pre. Ɔltin go dɔn wantɛm wantɛm. Bay di tɛm we ɔltin go dɔn, wa go fɔdɔm. I go bi lɔ se dɛn fɔ nyakanyaka di siti.

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.

Matyu 24:2

Jizɔs tɛl dɛn se, “Una si ɔl dis, nɔto so? A de tɛl una se, dɛn go skata dɛn, wan ston nɔ go lɛf pantap in kɔmpin.”

Lyuk 21:6

Bɔt Jizɔs tɛl dɛn se, “Tɛm de kam we ɔl dɛn tin ya we una de si ɛn tɔk bɔt so nɔ go de igen. Ɔl dɛn ston ya go skata, wan ston sɛf nɔ go lɛf pantap in kɔmpin.”

Apɔsul Dɛn Wok 6:14

Wi dɔn yɛri i de tɔk se Jizɔs, da man we kɔmɔt Nazarɛt, go brok Gɔd in Os kam dɔŋ ɛn i go chenj ɔl wetin Mozis bin lan wi grampapa papa dɛn we wi de du tide.”

Rɛvɛleshɔn 11:2

Bɔt nɔ mɛnshɔ di sɛkɛn opin ples we de rawnd Gɔd in Os bikɔs da ples de na fɔ dɛn pipul we nɔto Gɔd yon pipul, ɛn dɛn pipul de go mas Gɔd in tɔŋ ɔnda dɛn fut fɔ fɔti-tu mɔnt.