Mak 13:13 - Krio Fɔs Oli Baybul

¹³ Pipul nɔ go lɛk una bikɔs una biliv pan mi, bɔt ɛnibɔdi we bia sote i day, go sev.

Mak 13:13 Iomraidhean Croise

Daniɛl 12:12

Blɛsin go de fɔ di pɔsin we go ebul wet ɛn si di wan tawzin, tri ɔndrɛd ɛn tati fayv de.

Matyu 10:22

Nɔbɔdi nɔ go lɛk una bikɔs una de du wetin a tɛl una fɔ du, bɔt ɛnibɔdi we bia sote ɔl di trɔbul dɔn, a go sev da pɔsin de.

Matyu 24:13

Bɔt Gɔd go sev ɛnibɔdi we bia sote i day.

Matyu 24:9

“Da tɛm de, dɛn go ol sɔm pan una, ɛn gi una to pipul we go mek una sɔfa, dɔn dɛn go kil una. Pipul nɔ go lɛk una bikɔs una biliv pan mi.

Mak 13:12

Brɔda go an brɔda oba gi pipul fɔ mek dɛn kil am, semwe, papa go an in pikin gi pipul fɔ mek dɛn kil am. Pikin go fɛt in papa ɛn mama, ɛn i go mek pipul kil dɛn.

Lyuk 21:17

Pipul nɔ go lɛk una bikɔs una biliv pan mi.

Lyuk 6:22

“Una gɛt blɛsin wɛn mɔtalman nɔ lɛk una ɛn dɛn nɔ want gɛt ɛnitin fɔ du wit una, ɛn wɛn dɛn de kɔs una ɛn tɔk bad bɔt una, bikɔs una biliv Mɔtalman Pikin ɛn una de fala am!

Jɔn 15:21

Bɔt dɛn go du una ɔl dɛn tin ya bikɔs una na mi yon pipul, ɛn dɛn nɔ no di wan we sɛn mi.

Jɔn 17:14

A dɔn tɛl dɛn ɔl wetin yu tɛl mi fɔ tɛl dɛn, dat mek di ɔda pipul dɛn na wɔl nɔ lɛk dɛn, bikɔs dɛn ɔl nɔ de si wan we, lɛkɛ aw misɛf nɔ de si wan we wit di ɔda pipul dɛn.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Lɛta Fɔ Galeshya 6:9

So una lɛ wi nɔ taya fɔ du gud, if wi nɔ taya fɔ du gud, di tɛm go kam we wi go gɛt di pe.

Di Ibru Pipul Dɛn 10:39

Wi nɔto dɛn pipul we go tɔn bak ɛn tap fɔ fala Gɔd, so wi nɔ go sev. Bɔt wi biliv Gɔd, so dat i go sev wi ɛn wi go de sote go.

Di Ibru Pipul Dɛn 3:14

Una fɔ mɛmba se, if wi put wi at pan ɔl wetin Gɔd tɛl wi se in go du lɛkɛ aw wi bin de du di tɛm we wi jɛs bi Kristiɛn, ɛn wi nɔ tap fɔ du dat, wi go gɛt pan ɔl wetin Krays gɛt.

Jems 1:12

Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

Jɔn In Fɔs Lɛta 3:13

So, mi brɔda dɛn, una nɔ wɔnda if di pipul dɛn na di wɔl nɔ lɛk una.

Rɛvɛleshɔn 2:10

Una nɔ fred ɛnitin we una de kam sɔfa. Una lisin! Setan go tray una fɔ si if una biliv Gɔd fɔ tru, i go put una na jel. Na tɛn de nɔmɔ una go sɔfa da sɔfa de. Una nɔ lɛf fɔ biliv pan mi, if dat min sɛf se una go day fɔ mi sek, a go gi una layf we go de sote go, ɛn una go gɛt ɔna sote go na ɛvin.

Rɛvɛleshɔn 3:10

Una dɔn du wetin a tɛl una fɔ du una dɔn tinap traŋa ɛn una dɔn bia; fɔseka dat a nɔ go mek una sɔfa wɛn di tɛm kam we tin go traŋa na wɔl, fɔ tray ɔlman we de na di wɔl fɔ si if dɛn biliv pan Gɔd, fɔ tru.