Mak 13:11 - Krio Fɔs Oli Baybul

¹¹ Ɛnitɛm we dɛn ol una ɛn kɛr una go kot, una nɔ fɔ wɔri bɔt wetin una go tɔk, una nɔ fɔ tink bɔt dat bifo di tɛm rich, bɔt wɛn di tɛm rich, ɛnitin we Gɔd in Spirit put na una mɔt, nain una go tɔk. Da tɛm de nɔto unasɛf go tɔk, na Gɔd in Spirit go tɔk fɔ una.

Mak 13:11 Iomraidhean Croise

2 Samiɛl 23:2

Na PAPA GƆD de mek a tɔk ɔl wetin a gɛt fɔ se.

Ayzaya 50:4

Papa Gɔd we na Gɔd dɔn mek a sabi tɔk lɛk dɛn wan we dɛn tich, so dat a go no aw a go tɔk fɔ kɔrej pɔsin we dɔn fɛdɔp. Ɛvri mɔnin, i de wek, I de wek mi yes fɔ lisin lɛk di wan dɛn we dɛn tich.

Matyu 10:17

Una go kɛlɛkɛlɛ, bikɔs di Ju pipul dɛn go ol una ɛn kɛr una go kot, ɛn dɛn go bit una na dɛn Ju mitin os.

Mak 13:12

Brɔda go an brɔda oba gi pipul fɔ mek dɛn kil am, semwe, papa go an in pikin gi pipul fɔ mek dɛn kil am. Pikin go fɛt in papa ɛn mama, ɛn i go mek pipul kil dɛn.

Mak 13:9

“Una bikyaful, pipul go ol una ɛn kɛr una go bifo dɛn pipul we de jɔj na kot. Pipul go bit una na dɛn Ju mitin os; dɛn go kɛr una go bifo dɛn pipul we de rul, bikɔs una biliv pan mi; da tɛm de una fɔ tɔk di tru tin we una no bɔt mi.

Lyuk 21:12

Bɔt bifo ɔl dɛn tin ya bi, pipul go ol una ɛn du una plɛnti bad tin. Dɛn go drɛg una go bifo dɛn bigman na di Ju mitin os ɛn dɛn go put una na jel. Dɛn go kɛr una go bifo dɛn kiŋ ɛn dɛn gɔvna bikɔs una biliv pan mi.

Jɔn 3:27

Jɔn tɛl dɛn se, “Natin lɛkɛ dis nɔ de bi to pɔsin pas Gɔd mek i bi.

Apɔsul Dɛn Wok 2:4

Gɔd in Spirit kam insay dɛn ɔl we bin lib de ɛn mek dɛn ɔl bigin tɔk laŋwej we dɛn nɔ lan; ɛnitin we Gɔd in Spirit want mek dɛn tɔk, nain dɛn tɔk.

Apɔsul Dɛn Wok 3:13

Na di Gɔd we wi grampapa papa dɛn, Ebraam, Ayzak, ɛn Jekɔb bin de pre to, na dis sem Gɔd dɔn gi Jizɔs we nain savant, di pawa fɔ mɛn dis man. Wɛn una bin kɛr Jizɔs go bifo Paylet ɛn Paylet bin want mek Jizɔs fri, una bin tɔk bad bɔt am.

Apɔsul Dɛn Wok 4:31

Wɛn dɛn dɔn pre dɔn, di ples we dɛn bin de, shek. Gɔd in Spirit kam pan dɛn ɛn dat mek dɛn nɔ fred fɔ tɔk Gɔd in mɛsej.

Apɔsul Dɛn Wok 6:10

Bɔt Gɔd in Spirit gi Stivin plɛnti sɛns, so dat wɛn i tɔk nɔbɔdi nɔba gɛt natin fɔ se.

Apɔsul Dɛn Wok 6:15

Ɔl di pipul dɛn we bin sidɔm na di Ju gran kot bin de luk Stivin insay in yay, ɛn dɛn si se in fes bin tan lɛkɛ enjɛl fes.

Apɔsul Dɛn Wok 7:55

Bɔt Gɔd in Spirit bin de wit Stivin, i luk ɔp na ɛvin, i si Gɔd in layt de shayn ɛn i si Jizɔs tinap na Gɔd in raytan.

1 Kɔrint 2:13

Nɔto di we we mɔtalman sho wi, wit dɛn yon sɛns, fɔ tɔk dɛn tin ya, wi de tɔk dɛn, na bay aw Gɔd in Spirit sho wi, na di sɛns we di Spirit gi wi, wi de tek tɔk bɔt dɛn tru tin we di Spirit de tɛl wi.

Lɛta Fɔ Ɛfisɔs 3:5

Gɔd nɔ bin tɛl wi lɔntɛm pipul dɛn dis sikrit ya, bɔt naw Gɔd dɔn mek in Spirit sho di apɔsul ɛn di prɔfɛt dɛn dis sikrit.

Jems 1:5

If ɛni wan pan una want mɔ sɛns fɔ du ɛnitin, mek i aks Gɔd, Gɔd go gi am, bikɔs Gɔd de gi mɔtalman plɛnti tin dɛn ɛn i gladi fɔ du dat.

Pita In Fɔs Lɛta 1:12

Gɔd sho dɛn prɔfɛt ya se nɔto fɔ ɛp dɛnsɛf dɛn de wok, bɔt na fɔ ɛp una. Di wok we dɛn de du na we dɛn de tɔk bɔt dɛn tin we una dɔn yɛri, we dɛn wan we de tɛl pipul di Gud Nyuz dɔn tɔk. Na Gɔd in Spirit we Gɔd sɛn kɔmɔt ɛvin, nain mek dɛn pipul ya ebul tɛl pipul di Gud Nyuz. Na dɛn tin ya dɛn enjɛl dɛnsɛf go lɛk fɔ ɔndastand.