Mak 12:7 - Krio Fɔs Oli Baybul

⁷ Wɛn di pipul dɛn we rɛnt di gadin si di man in pikin, dɛn se, ‘Na dis pikin dis prɔpati ya go lɛf to, lɛ wi kil am, so dat di prɔpati go kam na wi an.’

Mak 12:7 Iomraidhean Croise

Jɛnɛsis 3:15

A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”

Jɛnɛsis 37:20

Una lɛ wi kil am ɛn trowe in bɔdi insay wan pan dɛn dray wɛl ya so. Wi go se na wan wayl bush animal kil am. Dɔn wi go si wetin go apin to in drim dɛn.”

Ayzaya 49:7

Na dis PAPA GƆD, we na Izrɛl in Ridima ɛn in Oli Wan se, to di wan we ɔlman dɔn shub na kɔna ɔltogɛda, we di neshɔn dɛn dɔn shub fa, we na di rula dɛn wokman: “kiŋ dɛm go si ɛn tinap; bigman dɛm, ɛn dɛn go lidɔm na grɔn wit dɛn bɛlɛ; bikɔs PAPA GƆD we de waka tret, we na di Oli Wan na Izrɛl, we dɔn pik yu.”

Matyu 2:16

Kiŋ Ɛrɔd bin vɛks bad wan wɛn i no se di trenja dɛn we bin kɔmɔt na di ist mek am ful. I pas lɔ se, dɛn fɔ kil ɔl dɛn bɔy pikin we de na Bɛtliɛm ɛn di tɔŋ dɛn we de rawnd Bɛtliɛm. I se dɛn fɔ kil frɔm di wan dɛn we bin dɔn ol tu ia kam dɔŋ to di wan dɛn we bin jɛs bɔn. Di kiŋ du dat fɔseka di wɔd we di trenja dɛn we bin kɔmɔt na di ist tɛl am bɔt Jizɔs, di tɛm we dɛn bin si di sta.

Matyu 21:34

Wɛn di tɛm rich fɔ gɛda di greps na di gadin, i sɛn in bɔy dɛn to di pipul dɛn we rɛnt di gadin, fɔ gi am in yon pan di greps we dɛn gɛda.

Mak 12:12

Di bigman dɛn we de mek sakrifays fɔ pipul sin ɛn di Ju Lɔ ticha dɛn tray fɔ ol Jizɔs, bikɔs dɛn bin no se na pan dɛn Jizɔs pul di parebul. Bɔt dɛn fred di krawd, so dɛn lɛf Jizɔs go.

Mak 12:6

Di las pɔsin we di man sɛn nain bɔy pikin we i lɛk. I mɛmba se we di pipul dɛn si in pikin, dɛn go rɛspɛkt am.

Mak 12:8

Dɛn ol am ɛn kil am, ɛn drɛg am kɔmɔt na di gadin.”

Apɔsul Dɛn Wok 2:23

Una sɛl Jizɔs gi dɛn wikɛd pipul. Gɔd bin dɔn no bɔt dat ɛn i bin dɔn gri fɔ mek dat bi. Una gi dɛn wikɛd pipul pawa fɔ nel Jizɔs na di krɔs.

Apɔsul Dɛn Wok 5:28

I se, “Wi nɔ bin dɔn wɔn una se una nɔ fɔ tɔk to ɛnibɔdi bɔt dis man? Una dɔn mek ɔlman na Jerusɛlɛm yɛri bɔt am ɛn una want mek pipul blem wi fɔ we dɛn kil am.”

Apɔsul Dɛn Wok 7:52

Ɛni prɔfɛt bin de we una grampapa papa dɛn nɔ mek sɔfa? Dɛn kil ɔl dɛn prɔfɛt we Gɔd sɛn to in pipul dɛn. Dɛn prɔfɛt ya bin de tɔk se Gɔd in Savant we de du wetin rayt ɔltɛm, go kam. Naw, una dɔn sɛl am ɛn una dɔn kil am.

Di Ibru Pipul Dɛn 1:2

Bɔt dis tɛm we di wɔl de dɔn, nain Pikin i sɛn fɔ tɛl wi in wɔd. Na bay dis Pikin ya, i mek ɔl di wɔl, ɛn nain i pik fɔ gɛt ɔltin we i gɛt.