Mak 12:6 - Krio Fɔs Oli Baybul

⁶ Di las pɔsin we di man sɛn nain bɔy pikin we i lɛk. I mɛmba se we di pipul dɛn si in pikin, dɛn go rɛspɛkt am.

Mak 12:6 Iomraidhean Croise

Jɛnɛsis 22:12

Nain di enjɛl se, “Nɔ du natin to da po pikin, nɔ tɔch am! A dɔn no naw se, yu de fred PAPA GƆD, bikɔs yu gri fɔ sakrifays yu wangren bɔypikin to am. Dat dɔn sho se yu rɛdi fɔ obe PAPA GƆD pan ɔltin.”

Jɛnɛsis 22:2

Nain PAPA GƆD tɛl am se, “Tek yu pikin, yu wangren bɔypikin, Ayzak, we yu lɛk, lɛkɛ yu bɔlyay, kɛr am go na Mɔria, yu fɔ tek am mek sakrifays to mi. Bɔn am pantap wan pan dɛn mawnten we a go sho yu.”

Jɛnɛsis 37:3

Jekɔb bin lɛk Josɛf pas ɔl in ɔda bɔypikin dɛn, bikɔs i bɔn am we i dɔn ol. I mek wan fayn lɔŋsliv gawn fɔ am.

Jɛnɛsis 44:20

Dɛn tɛl am se dɛn gɛt ɛn se dɛn papa na olpa naw ɛn i bin bɔn da dɛn smɔl brɔda de we i bin dɔn ol. I se di bɔbɔ in wan mami brɔda bin dɔn day, so nain wangren dɔn lɛf pan in mama in pikin dɛn; in papa lɛk am bad bad wan.

Di Sam Dɛm 2:12

Put yusɛf dɔŋ bifo PAPA GƆD in bɔypikin mek i nɔ vɛks ɛn dɔnawe wit yu, bikɔs i kin vɛks ɛnitɛm. I go fayn fɔ ɔl udat de go to am fɔ mek i kɔba dɛn.

Di Sam Dɛm 2:7

Di kiŋ go tɔk wetin PAPA GƆD dɔn tɛl am. I se, PAPA GƆD tɛl am se in nain bɔypikin ɛn dat tide insɛf dɔn bi in papa.

Ayzaya 42:1

Dis na mi wokman we a de sɔpɔt, di wan we a dɔn pik, we mi sol de gladi fɔ; A dɔn put mi Spirit pan am, i go mek ɔl mɔtalman na wɔl trit in kɔmpin di sem.

Matyu 1:23

“Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Matyu 11:27

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.

Matyu 17:5

Wɛn Pita dɔn tɔk dɔn, wan klawd we bin de shayn, kɔba dɛn, dɔn dɛn yɛri wan vɔys de tɔk na di klawd se, “Dis na mi Pikin we a lɛk bad, a gladi fɔ am, una lisin wetin i de tɛl una.”

Matyu 26:63

Bɔt Jizɔs nɔ tɔk natin. Nain di edman fɔ dɛn man we de mek sakrifays fɔ pipul sin tɔk igen se, “A de tek Gɔd we gɛt layf sote go, tɛl yu fɔ tɛl wi if yu na di Mɛsaya we na Gɔd in Pikin, fɔ tru.”

Matyu 3:17

Dɔn dɛn yɛri vɔys we kɔmɔt ɔp na ɛvin we se, “Dis na mi Pikin we a lɛk, a gladi fɔ am.”

Mak 1:11

Dɔn dɛn yɛri vɔys we kɔmɔt na ɛvin de tɔk se, “Yu na mi yon Pikin we a lɛk ɛn a gladi fɔ yu!”

Mak 12:5

Di man sɛn ɔda bɔy, dɛn kil da wande; dɔn dɛn kil ɛn wund plɛnti ɔda bɔy dɛn we di man sɛn.

Mak 12:7

Wɛn di pipul dɛn we rɛnt di gadin si di man in pikin, dɛn se, ‘Na dis pikin dis prɔpati ya go lɛf to, lɛ wi kil am, so dat di prɔpati go kam na wi an.’

Mak 9:7

Wantɛm wan klawd kam kɔba di san, dɛn yɛri vɔys de tɔk na di klawd se, “Dis na mi Pikin we a lɛk bad, una lisin wetin i de tɛl una.”

Lyuk 3:22

ɛn Gɔd in Spirit tek dɔv shep kam dɔŋ pan am ɛn dɛn yɛri vɔys we kɔmɔt na ɛvin de tɔk se, “Yu na mi yon Pikin we a lɛk ɛn a gladi fɔ yu!”

Lyuk 9:35

Nain dɛn yɛri vɔys de tɔk na di klawd se, “Dis na mi Pikin we a dɔn pik; una lisin wetin i de tɛl una!”

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Jɔn 1:18

Nɔbɔdi nɔ si Gɔd wande. Gɔd in wangren Pikin, we in ɛn in Papa gɛt wan at, nain mek pipul no udat na Gɔd.

Jɔn 1:34

Jɔn se, “A dɔn si wetin bi, ɛn a de tɛl una se dis man na Gɔd in Pikin.”

Jɔn 1:49

Natanyɛl se, “Ticha, yu na Gɔd in Pikin! Yu na di Kiŋ na Izrɛl!”

Jɔn 3:35

Gɔd we na wi Papa lɛk in Pikin ɛn i mek in Pikin rul oba ɔltin.

Jɔn 5:23

so dat ɔlman go ɔna ɛn rɛspɛkt di Pikin lɛkɛ aw dɛn ɔna ɛn rɛspɛkt di Papa. Ɛnibɔdi we nɔ ɔna ɛn rɛspɛkt di Pikin, na di Papa we sɛn di Pikin kam na wɔl di pɔsin nɔ ɔna ɛn rɛspɛkt.

Di Ibru Pipul Dɛn 1:6

Ɛn igen, wɛn Gɔd bin want sɛn in fɔs Pikin kam na wɔl, Gɔd se, “Una ɔl we na mi enjɛl dɛn fɔ nil dɔŋ bifo mi Pikin.”

Jɔn In Fɔs Lɛta 4:9

Na di we dis we Gɔd sho wi se in lɛk wi: I sɛn in wangren Pikin kam na wɔl, so dat in Pikin kin mek wi gɛt layf.

Jɔn In Tɔd Lɛta 1:1

Mi Jɔn, we na bigman na chɔch de rayt to Geyɔs we a lɛk fɔ tru.