Mak 12:2 - Krio Fɔs Oli Baybul

² Wɛn di greps bigin bia, di man we gɛt di gadin sɛn in bɔy fɔ go aks di pipul dɛn we rɛnt di gadin fɔ gi am sɔm pan di greps.

Mak 12:2 Iomraidhean Croise

2 Kiŋ 17:13

PAPA GƆD tɛl in prɔfɛt dɛn fɔ wɔn Izrɛl ɛn Juda fɔ lɛf dɛn bad trik ɛn fɔ du wetin PAPA GƆD in lɔ we i gi dɛn fɔstɛm-papa dɛn ɛn ɔl di lɔ dɛn we i gi di prɔfɛt dɛn fɔ de tɛl dɛn.

2 Kronikuls 36:15

PAPA GƆD we na dɛn Papa fasin fɔ sɛn to dɛm bay in mɛsenja dɛm bikɔs i gɛt sɔri at fɔ in pipul dɛm ɛn in dwɛlin ples.

Ɛzra 9:11

Dɛn prɔfɛt dɛn we na bin yu savant dɛn bin de wɔn wi trade se, yu se, di land we wi de go fɔ go tek fɔ bi wi yon, ful wit soso kɔrɔpshɔn: di pipul dɛn we de de, de du ɔlkayn bad tin we nɔ fit fɔ lɛ mɔtalman si ɔ yɛri. Ɔlɔbɔt di wanol ples, na soso wikɛdnɛs ɛn bad tin de apin de. Dɛn dɔn nasti di ples.

Di Sam Dɛm 1:3

Dis kayn man tan lɛkɛ we yu plant tik nia watasay, we de bia frut in rayt tɛm ɛn in lif dɛn nɔ de wida. I go bɛtɛ pan ɔl wetin i de du.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Jɛrimaya 44:4

Pan ɔl dat, a bin de sɛn mi wokman dɛm we na di prɔfɛt dɛn to una ɔltɛm fɔ tɛl una se, ‘Ey, una nɔ du dis bad bad tin we a et bad bad wan!’

Mayka 7:1

Mayka se i de wes in tɛm fɔ natin. I se i tan lɛk we pɔsin nɔ de fɛn frut fɔ it na tik di tɛm we i fɔ bia, ɔ wɛn dɛn dɔn pik ɔl di greps na di tik we i nɔ go gɛt wayn fɔ drink. Natin nɔ de fɔ it ɛn wetin i de aŋri fɔ sɛf, i nɔ go gɛt am.

Zɛkaraya 7:7

I se aw Jerusɛlɛm bin tan we ɔltin bin ɔrayt fɔ am, we pipul bin tap ɔlsay ɛn biznɛs bin fayn, na wetin i bin dɔn mek di prɔfɛt dɛn tɔk.

Matyu 21:34

Wɛn di tɛm rich fɔ gɛda di greps na di gadin, i sɛn in bɔy dɛn to di pipul dɛn we rɛnt di gadin, fɔ gi am in yon pan di greps we dɛn gɛda.

Mak 12:1

Jizɔs pul wan parebul; i se, “Wan man bin plant grepvayn nain gadin, dɔn i mek ston wɔl rawnd di gadin. I dig ol fɔ mek di wayn ɛn bil wan ples ɔp di wɔl we pɔsin go sidɔm fɔ wach di gadin. I rɛnt di gadin gi sɔm pipul, dɔn i go patrol na ɔda kɔntri.

Mak 12:3

Bɔt di pipul dɛn we rɛnt di gadin kech di bɔy, bit am ɛn drɛb am kɔmɔt na di gadin, dɛn nɔ gi am natin.

Lyuk 12:48

Bɔt ɛni wokman we nɔ no wetin in masta want fɔ mek i du, we du tin we fɔ mek dɛn bit am, in masta nɔ go mek dɛn bit am tumɔs. Wɛn Gɔd dɔn mek pɔsin gɛt big post, Gɔd go luk ɔp to am fɔ du big wok. Wɛn Gɔd dɔn mek pɔsin gɛt big post pas di wan we i bin gɛt, Gɔd go luk ɔp to am fɔ du big big wok pas wetin i bin de du fɔs.

Lyuk 20:10

Wɛn di tɛm rich fɔ pik di greps nain gadin, i sɛn in bɔy to di pipul dɛn we rɛnt di gadin fɔ aks dɛn fɔ gi am sɔm pan di greps, bɔt di pipul dɛn bit di bɔy we i sɛn, dɔn dɛn drɛb am kɔmɔt na di gadin, dɛn nɔ gi am natin.

Di Ibru Pipul Dɛn 1:1

Fɔstɛm, Gɔd bin de tɔk to wi grampapa papa dɛn, plɛnti tɛm, ɛn i bin de yus difrɛn difrɛn we. Nain prɔfɛt dɛn i bin de sɛn fɔ tɛl wi grampapa papa dɛn in wɔd.