Mak 10:21 - Krio Fɔs Oli Baybul

²¹ Jizɔs luk di man ɛn lɛk am, so i se, “Wan tin lɛf we yu nɔ du yet, go sɛl ɔl wetin yu gɛt ɛn sheb di kɔpɔ gi dɛn pipul we nɔ gɛt natin, da tɛm de yu go jɛntri na ɛvin; dɛn, kam bi mi lanin bɔy.”

Mak 10:21 Iomraidhean Croise

Jɛnɛsis 34:19

so Shɛkɛm nɔ westɛm fɔ du wetin dɛn se, bikɔs i bin want Dayna bad bad wan. Shɛkɛm na bin impɔtant pɔsin nain fambul.

Prɔvabs 23:23

Nɔ skyad fɔ spɛnd fɔ lɛ yu no di tru ɛn we yu gɛt am, nɔ mek bigful te yu lɔs am, ɛn tray fɔ lan, no wetin rayt frɔm rɔŋ, ɛn ɔndastand wetin yu de du.

Matyu 16:24

Dɔn Jizɔs tɛl in lanin bɔy dɛn se, “If ɛnibɔdi want bi mi lanin bɔy, di pɔsin nɔ fɔ du wetin i want fɔ du nɔmɔ, i fɔ rɛdi fɔ sɔfa ɛn day fɔseka mi, ɛn du wetin a de du.

Matyu 19:21

Jizɔs se, “If yu want bi pɔsin we fit na Gɔd yay fɔ gɛt layf we go de sote go, yu fɔ sɛl ɔl wetin yu gɛt ɛn gi dɛn pipul we nɔ gɛt natin, di mɔni; if yu du so, yu go jɛntri na ɛvin. Wɛn yu dɔn du dat dɔn, kam bak ɛn bi mi lanin bɔy.”

Mak 10:22

Wɛn di man yɛri wetin Jizɔs tɔk, in at pwɛl bikɔs na bin jɛntri man. I sɔri wɛn i lɛf Jizɔs de go.

Mak 8:34

Jizɔs kɔl di pipul dɛn ɛn in lanin bɔy dɛn; i tɛl dɛn se, “If ɛnibɔdi want bi mi lanin bɔy, di pɔsin nɔ fɔ du wetin in want fɔ du nɔmɔ, i fɔ rɛdi fɔ sɔfa ɛn day fɔseka mi, ɛn du ɔl wetin a de du.

Lyuk 10:42

na wan tin yu fɔ du we yu nɔ de du; na da tin de we gud nain Meri de du ɛn nɔbɔdi nɔ go pul am pan am.”

Lyuk 12:33

Una fɔ sɛl ɔl wetin una gɛt ɛn sheb di kɔpɔ gi dɛn pipul we nɔ gɛt natin; una tray fɔ gɛt dɛn pɔs we nɔ de ol, dat na dɛn plɛnti gud gud tin we nɔ go dɔn na ɛvin, bikɔs tifman nɔ go tif dɛn de ɛn bɔgbɔg nɔ go it dɛn.

Lyuk 16:9

Jizɔs tɛl dɛn se, “Una fɔ tek mɔni fɔ du gud ɛn mek padi, so wɛn di mɔni dɔn, Gɔd go gi una ples fɔ tap na di say we go de sote go.

Lyuk 18:22

Wɛn Jizɔs yɛri wetin di man tɔk, Jizɔs tɛl am se, “Na wan tin lɛf we yu nɔ du yet. Go, sɛl ɔl wetin yu gɛt ɛn sheb di kɔpɔ gi dɛn pipul we nɔ gɛt natin. Wɛn yu dɔn du dat, yu go jɛntri na ɛvin. Afta dat kam bi mi lanin bɔy.”

Lyuk 19:41

Wɛn Jizɔs rich klos Jerusɛlɛm, as i si di tɔŋ so, i bigin kray fɔ am.

Lyuk 9:23

Jizɔs tɛl dɛn se, “If ɛnibɔdi want bi mi lanin bɔy, da pɔsin de nɔ fɔ du wetin in want fɔ du nɔmɔ, i fɔ rɛdi fɔ sɔfa ɛn day fɔseka mi ɛvri de ɛn du ɔl wetin a de du.

Jɔn 12:26

Ɛnibɔdi we want wok fɔ mi, fɔ du wetin a tɛl am fɔ du, so dat i go de wit mi ɛni say we a de. Pantap dat mi Papa go mek ɛnibɔdi we de wok fɔ mi gɛt ɔna.

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Apɔsul Dɛn Wok 2:45

Sɔm pipul sɛl dɛn prɔpati ɛn sheb di kɔpɔ mek ɔlman gɛt wetin i want.

2 Kɔrint 12:15

A go gladi fɔ gi ɔl wetin a gɛt, ɛn misɛf, fɔ ɛp una. Di mɔ we a lɛk una, nain i tan lɛkɛ se una nɔ lɛk mi bɛtɛ.

Sɛkɛn Lɛta To Timoti 3:12

Pipul go fɛt ɔl dɛn wan we gɛt wanwɔd wit Jizɔs Krays, we want fɔ liv dɛn layf lɛkɛ aw Gɔd want dɛn fɔ liv am.

Di Ibru Pipul Dɛn 10:34

Una bin de sɔri fɔ dɛn pipul we de na jel, una nɔ bin de wɔri, bɔt una bin stil gladi ivin wɛn pipul siz una prɔpati, bikɔs una bin no se una gɛt sɔntin we bɛtɛ pas da prɔpati de, we go de sote go.

Jems 2:10

If pɔsin de du ɔl wetin Gɔd in Lɔ se, bɔt i brok wan pan di lɔ dɛn, i dɔn brok ɔl di ɔda lɔ dɛn na Gɔd in yay.

Rɛvɛleshɔn 2:14

Bɔt sɔm tin dɛn de we a blem una fɔ, sɔm pan una de du dɛn tin we Belam bin tɛl pipul fɔ du; na Belam bin sho Belak aw fɔ trap di Izrɛl pipul dɛn mek dɛn sin. I bin mek dɛn it it we dɛn bin dɔn gi dɛn tin we mɔtalman mek fɔ pre to, ɛn i mek dɛn wan we bin dɔn mared, liv fri layf.

Rɛvɛleshɔn 2:20

Bɔt na wan tin a de blem una fɔ, una de gri mek da uman we dɛn kɔl Jɛzibɛl sidɔm wit una. I de se na Gɔd in pawa in de tek tɔk di wɔd dɛn we i de tɔk, bɔt na lay i de lay gi mi pipul dɛn; i de mek dɛn ful ɛn dat go mek dɛn wan we dɔn mared, liv fri layf; ɛn mek pipul it it we dɛn bin dɔn gi dɛn tin we mɔtalman de pre to.

Rɛvɛleshɔn 2:4

Bɔt na wan tin una de du we a nɔ lɛk, una nɔ lɛk mi lɛkɛ aw una bin lɛk mi fɔstɛm;