Mak 1:26 - Krio Fɔs Oli Baybul

²⁶ Di dɛbul wap di man dɔŋ, i ala big wan, dɔn i kɔmɔt insay di man.

Mak 1:26 Iomraidhean Croise

Mak 1:25

Bɔt Jizɔs se, “Lɛf fɔ tɔk, ɛn kɔmɔt insay di man.”

Mak 1:27

Ɔl di pipul dɛn we bin lib de wɔnda sote dɛn bigin aks dɛn kɔmpin se, “Wetin dis? Na nyu tin i de lan wi! Dis man gɛt pawa fɔ tɛl dɛbul wetin dɛn fɔ du ɛn dɛn de du am!”

Mak 9:20

Wɛn dɛn de kɛr am go to Jizɔs, di dɛbul wap am dɔŋ wit fiks wɛn i si Jizɔs. Di bɔbɔ fɔdɔm na grɔn, i bigin rol rol ɛn pul frɔsh nain mɔt.

Mak 9:26

Di dɛbul mek di bɔbɔ ala big wan, dɔn i wap am dɔŋ na grɔn wit fiks bifo i kɔmɔt insay am. Di bɔbɔ ledɔm na grɔn lɛkɛ dayman ɛn plɛnti pipul tɔk se i dɔn day.

Lyuk 11:22

Bɔt if pɔsin we gɛt trɛnk pas am go fɛt am ɛn bit am, di wan we bit am go tek ɔltin we di wan we gɛt di os bin abop pan fɔ tek fɛt, ɛn i go tif ɔl in tin dɛn ɛn kɛr dɛn go sheb dɛn wit in kɔmpin tifman dɛn.

Lyuk 9:39

Dɛbul kin kam pan am ɛn i kin ala wantɛm. Di dɛbul kin mek di pikin gɛt fiks so i kin fɔdɔm ɛn frɔsh kin de kɔmɔt nain mɔt, dɔn i kin de fɛt fɛt na grɔn. I kin at fɔ mek di dɛbul lɛf am.

Lyuk 9:42

As di pikin de kam to Jizɔs, nain di dɛbul wap di pikin dɔŋ na grɔn wit fiks. Jizɔs drɛb di dɛbul kɔmɔt pan am, i an am gi in papa bak.