Mak 1:11 - Krio Fɔs Oli Baybul

¹¹ Dɔn dɛn yɛri vɔys we kɔmɔt na ɛvin de tɔk se, “Yu na mi yon Pikin we a lɛk ɛn a gladi fɔ yu!”

Mak 1:11 Iomraidhean Croise

Di Sam Dɛm 2:7

Di kiŋ go tɔk wetin PAPA GƆD dɔn tɛl am. I se, PAPA GƆD tɛl am se in nain bɔypikin ɛn dat tide insɛf dɔn bi in papa.

Ayzaya 42:1

Dis na mi wokman we a de sɔpɔt, di wan we a dɔn pik, we mi sol de gladi fɔ; A dɔn put mi Spirit pan am, i go mek ɔl mɔtalman na wɔl trit in kɔmpin di sem.

Matyu 12:18

“Dis na di man we a dɔn pik fɔ du mi wok. A lɛk am ɛn a satisfay wit am bad. A go put mi Spirit insay am; ɛn i go tɛl ɔlman se wetin a tɔk, rayt.

Matyu 17:5

Wɛn Pita dɔn tɔk dɔn, wan klawd we bin de shayn, kɔba dɛn, dɔn dɛn yɛri wan vɔys de tɔk na di klawd se, “Dis na mi Pikin we a lɛk bad, a gladi fɔ am, una lisin wetin i de tɛl una.”

Matyu 3:17

Dɔn dɛn yɛri vɔys we kɔmɔt ɔp na ɛvin we se, “Dis na mi Pikin we a lɛk, a gladi fɔ am.”

Mak 1:10

Wɛn Jɔn dɔn baptayz Jizɔs, Jizɔs bin de kɔmɔt insay di wata, nain i si di klawd opin ɛn i si Gɔd in Spirit de kam dɔŋ te i kam pan am. Di Spirit bin de kam dɔŋ lɛkɛ aw dɔv kin kam dɔŋ.

Mak 9:7

Wantɛm wan klawd kam kɔba di san, dɛn yɛri vɔys de tɔk na di klawd se, “Dis na mi Pikin we a lɛk bad, una lisin wetin i de tɛl una.”

Lyuk 3:22

ɛn Gɔd in Spirit tek dɔv shep kam dɔŋ pan am ɛn dɛn yɛri vɔys we kɔmɔt na ɛvin de tɔk se, “Yu na mi yon Pikin we a lɛk ɛn a gladi fɔ yu!”

Lyuk 9:35

Nain dɛn yɛri vɔys de tɔk na di klawd se, “Dis na mi Pikin we a dɔn pik; una lisin wetin i de tɛl una!”

Jɔn 1:34

Jɔn se, “A dɔn si wetin bi, ɛn a de tɛl una se dis man na Gɔd in Pikin.”

Jɔn 3:16

Gɔd so lɛk mɔtalman dat i gi in wangren Pikin we i lɛk; so dat ɛnibɔdi we biliv pan am nɔ go day, bɔt i go gɛt layf we go de sote go.

Jɔn 5:37

Ɛn mi Papa we sɛn mi insɛf de tɔk udat a bi. Una nɔ yɛri in vɔys wande ɛn una nɔ si in fes wande.

Jɔn 6:69

Ɛn naw wi dɔn biliv ɛn wi no se, yu na Gɔd yon pɔsin ɛn na yu Gɔd sɛn kam to wi.”

Lɛta Fɔ Rom 1:4

ɛn we i kɔmɔt to Gɔd ɛn i gɛt Gɔd yon at ɛn Gɔd yon we, Gɔd sho wit in wɔndaful pawa se nain Pikin, we i mek i rayz frɔm di grev.

Lɛta Fɔ Kɔlɔse 1:13

I pul wi kɔmɔt pan sin we bin gɛt pawa oba wi ɛn we bin mek wi de na dak ɛn i briŋ wi kam ɔnda in Pikin we i lɛk bad, in pawa. Na Gɔd in Pikin dɔn pul wi kɔmɔt ɔnda sin in pawa, dat na we i dɔn padin wi.