Jɔshwa 9:4 - Krio Fɔs Oli Baybul

⁴ dɛn mek ɔp fɔ ple dɛn kɔni; dɛn pak plɛnti it, chɛr chɛr klos ɛn pach pach lɛda bag we dɛn kin put wayn lɛk udat kɔmɔt fa,

Jɔshwa 9:4 Iomraidhean Croise

Jɛnɛsis 34:13

Jekɔb in bɔypikin dɛn ple gem pan Shɛkɛm ɛn Amɔ fɔ we Shɛkɛm bin dɔn tampa wit dɛn sista.

Di Sam Dɛm 119:83

Pan ɔl we a tan lɛk udat nɔ woŋo i nɔ waŋa, a nɔ go fɔgɛt yu lɔ dɛn.

Matyu 10:16

“Una lisin, a de sɛn una go lɛkɛ ship midul wulf; una fɔ go kɛlɛkɛlɛ lɛkɛ aw snek de go kɛlɛkɛlɛ, una nɔ du ɛnibɔdi bad lɛkɛ aw dɔv nɔ de du ɛnibɔdi bad.

Matyu 9:17

Ɛn nɔbɔdi nɔ go tek ol tin we dɛn tek bif kanda mek lɛkɛ bɔtul, put nyu wayn insay, if i du dat, di nyu wayn go bɔs di bif kanda ɛn di wayn go wes. Na nyu bɔtul dɛn go mek wit bif kanda fɔ put nyu wayn, da tɛm de di wayn nɔ go wes ɛn di bif kanda nɔ go pwɛl.”

Mak 2:22

Ɛn pɔsin nɔ go tek ol tin we dɛn tek bif kanda mek lɛkɛ bɔtul ɛn put nyu wayn insay, if i du dat, di nyu wayn go bɔs di bif kanda ɛn di wayn go wes. Dɛn fɔ put nyu wayn insay nyu bɔtul.”

Lyuk 16:8

“Di masta se di klak we tif du wɛl bikɔs i tink gud bifo i du ɔl wetin i du. Dɛn pipul we tek dɛn tin na wɔl mek gɔd, de tink fa wɛn dɛn de dil wit pipul lɛkɛ dɛnsɛf pas dɛn pipul we de waka na Gɔd in layt.”

Jɔshwa 9:12

Dɛn sho Jɔshwa dɛn dɛn bred dɛn we dɔn meleju ɛn tɛl dɛn se, di de we dɛn bin lɛf dɛn kɔntri fɔ travul go to Jɔshwa dɛn, dɛn bred ɛn ɔda it dɛn bin wam, bɔt naw dɛn dɔn kol ɛn dray ɛn ivin dɔn meleju.

Jɔshwa 9:13

Dɛn tɛl Jɔshwa dɛn igen se dɛn lɛda bag dɛn we dɛn kin put wayn bin nyu we dɛn bin de put wayn de fɔ kam, bɔt bay di tɛm we dɛn de rich to Jɔshwa dɛn, dɛn ɔl dɔn bɔs bɔs. Dɛn se na bikɔs dɛn kɔmɔt fa mek ɔl dɛn klos ɛn sus dɛn broko broko.

Jɔshwa 9:3

Bɔt we di Ivayt pipul dɛn we de na Gibɛɔn yɛri wetin Jɔshwa dɛn du na Jɛriko ɛn Ay,

Jɔshwa 9:5

dɔn dɛn wɛr ol klos ɛn pach pach sandal. Ɔl di bred ɛn ɔda tin we dɛn pak fɔ it, bin dɔn dray ɛn meleju.