Jɔshwa 9:1 - Krio Fɔs Oli Baybul

¹ Ɔl di kiŋ dɛn we dɛn kɔntri dɛn de na di wɛst pat na Riva Jɔdan yɛri aw Izrɛl bin kɔnka dɛn ɛnimi. Di kiŋ dɛn ɔp di il ɛn di wan dɛn we de dɔŋ say na Palɛstayn, di wan dɛn we de na dɛn siti dɛn we de nia di Mɛditarenian Si ɛn di kiŋ dɛn we de fawe na di nɔth, dat na Libanɔn, sɛf bin yɛri bɔt dat. Di kiŋ dɛn we yɛri bɔt aw Izrɛl kɔnka dɛn ɛnimi dɛn na di Itayt kiŋ, di Amorayt dɛn kiŋ, di Kenanayt dɛn kiŋ, di Pɛrizayt dɛn kiŋ, di Ivayt dɛn kiŋ ɛn di Jɛbyusayt dɛn kiŋ.

Jɔshwa 9:1 Iomraidhean Croise

2 Samiɛl 24:7

Dɛn go nia Taya usay gɛt traŋa wɔl, ɔl di siti dɛn we di Ivayt ɛn Kenanayt dɛn de. Dɛn rich na Biashiba we de na di Nɛgɛv na Juda.

Ɛksodɔs 23:23

We mi enjɛl de bifo una te una rich to dɛn Amɔrayt, dɛn Itayt, dɛn Pɛrizayt, dɛn Kenanayt, dɛn Ivayt ɛn dɛn Jɛbyusayt dɛn land, a go dɔnawe wit dɛn ɔl.

Ɛksodɔs 23:31

A go mek una bawndri bigin na di Rɛd Si te rich to di Filistin dɛn Si, dɔn frɔm di ples we pɔsin nɔ go ebul tap te rich dɔŋ di Riva Yufretis. A go mek una ebul di pipul dɛn we de na di kɔntri ɛn una go drɛb dɛn as una de go.

Ɛksodɔs 3:17

ɛn a prɔmis fɔ pul dɛn kɔmɔt na Ijipt usay dɛn de sɔfa ɛn kɛr dɛn go na di land usay dɛn Kenanayt, dɛn Itayt, dɛn Amɔrayt, dɛn Pɛrizayt, dɛn Ivayt ɛn dɛn Jɛbyusayt dɛn de. Da land de na land we fayn fɔ plant, ɛn fɔ mɛn animal dɛn.

Ɛksodɔs 34:11

Obe ɔl di lɔ dɛn we a de gi yu tide. As una de advans de go bifo, a go drɛb dɛn Amɔrayt, dɛn Kenanayt, dɛn Itayt, dɛn Pɛrizayt, dɛn Ivayt ɛn dɛn Jɛbyusayt dɛn.

Di Nɔmba Dɛm 13:29

Di Amalɛkayt dɛn tap na di Nɛgɛv; di Ivayt dɛn, di Jɛbyusayt dɛn, di Amɔrayt dɛn tap na di kɔntri ɔp di il; ɛn di Kenanayt dɛn tap nia di si bay di Jɔdan Riva.

Di Nɔmba Dɛm 34:6

Di wɛstɛn bawndri go de na di dray land bay di Mɛditarenian Si. Na de di bawndri go de fɔ di wɛst pat.

Ditarɔnɔmi 1:7

I tɛl dɛn fɔ pak dɛn tiŋs dɛn mek dɛn kɔntinyu dɛn patrol. I se dɛn fɔ go na dɛn Amɔrayt dɛn kɔntri we gɛt plɛnti plɛnti il, ɛn to dɛn neba dɛn kɔntri we de na di vali; to di kɔntri dɛn we de na il, di wan dɛn we de na flat grɔn, di ɔt ɛn dray ples, di wan dɛn we de nia di watasay, di Kenanayt dɛn kɔntri, na di nɔth say, te rich dɛn Libanɔn Mawnten, na di ist say, te rich di big big riva we na Riva Yufretis.

Ditarɔnɔmi 3:25

Duya, sɔri fɔ mi; mek a krɔs Riva Jɔdan ɛn si dis gud land we de oba Riva Jɔdan, mek a go si da fayn fayn kɔntri we gɛt so so il ɛn di il dɛn na Libanɔn.’

Ditarɔnɔmi 4:49

Insay de yu gɛt di Vali we de na di ist pat na Riva Jɔdan, te rich di Dɛd Si bɔtɔm Mawnt Pisga.

Ditarɔnɔmi 7:1

Mozis bin tɛl di Izrɛlayt dɛn se we PAPA GƆD we na dɛn PAPA GƆD go dɔn ɛp dɛn kapchɔ di land ɛn pul di pipul dɛn kɔmɔt we na di Itayt dɛn, di Gigashayt dɛn, di Amɔrayt, di Kenanayt, di Pɛrizayt, di Ivayt dɛn ɛn di Jɛbyusayt dɛn we dɛn plɛnti ɛn ebul fɛt pas dɛn,

Jɔshwa 1:15

te te PAPA GƆD mek dɛn ɛp di ɔda fambul dɛn kapchɔ di land we PAPA GƆD we na dɛn PAPA GƆD de gi dɛn fɔ dɛnsɛf. I se, datɛnde, dɛn kin go bak go tap na dɛn yon land we de na di say we dɛn tinap na Riva Jɔdan usay san kin kɔmɔt, di land we Mozis we na PAPA GƆD in wokman bin dɔn tɛl dɛn se na dɛn yon.

Jɔshwa 1:4

PAPA GƆD tɛl am se in go gi dɛn ɔl di land we bigin from di ɛmti ples we pɔsin nɔ go ebul tap ɛn di il kɔntri dɛn we nem Libanɔn te rich di Riva Yufretis, ɛn ɔl di Itayt dɛn land te rich di Gret Si usay san de go dɔŋ, go bi dɛn land.

Jɔshwa 10:23

Di Izrɛlayt dɛn pul di fayv kiŋ we na bin di kiŋ dɛn na Jerusɛlɛm, Ɛbrɔn, Jamuth, Lakish ɛn Ɛglɔn, kɔmɔ insay di kev.

Jɔshwa 11:17

Da eria kɔmɔt Mawnt Alak we de na di sawt nia Sɛir te rich Baalgad we de na di Libanɔn Vali bɔtɔm Mawnt Amɔn. Jɔshwa ɛn in sojaman dɛn bin kapchɔ ɔl dɛn land dɛn de ɛn kil ɔl di kiŋ dɛn

Jɔshwa 13:5

Ɔda say dɛn we GƆD se Jɔshwa gɛt fɔ kapchɔ na bin Gɛbal Siti, di eria na Libanɔn we kɔmɔt Baalgad Siti na Mawnt Amɔn, te rich di rod fɔ go insay Amath,

Jɔshwa 15:12

Dat na di bawndri na di wɛst pat we tap na di Mɛditarenian Si ɛn ɔl di land we de na di sho. Dɛn ɔl miks pan di land we di Juda fambul bin sheb famili bay famili.

Jɔshwa 22:4

I tɛl dɛn se PAPA GƆD we na dɛn PAPA GƆD dɔn du wetin I bin se in go du; I dɔn ɛp dɛn brɔda dɛn gɛt dɛn land. I se as we Mozis bin dɔn gi dɛn land na di ist pat to Riva Jɔdan, dɛn kin go bak na dɛn yon land.

Jɔshwa 22:7

Mozis bin dɔn gi di land na di ist to Riva Jɔdan to af pan di Manasɛ fambul, ɛn i bin gi di ɔda af pan di Manasɛ fambul togɛda wit ɔda trayb dɛn, di land na di wɛst pat to di Riva Jɔdan. Bifo dɛn go, Jɔshwa blɛs dɛn.

Jɔshwa 23:4

Jɔshwa se in dɔn sheb di land we kɔmɔt Riva Jɔdan na di ist go rich na di Mɛditarenian Si na di wɛst. I se in gi dɛn di land dɛn we in bin de bifo fɔ go kapchɔ bɔt mɔ land dɛn de fɔ kapchɔ.

Jɔshwa 24:11

PAPA GƆD se we di Izrɛlayt dɛn krɔs Riva Jɔdan go Jɛriko di Jɛriko pipul dɛn fɛt dɛn, bɔt in mek Izrɛl bit dɛn. Dɔn di Amɔrayts dɛn o, di Pɛrizayt dɛn o, di Kenanayt dɛn o, di Itayt dɛn o, di Gigashyt dɛn o, di Ivayt dɛn o, di Jɛbyusayt dɛn o, ɔl fɛt Izrɛl, bɔt in mek Izrɛl bit dɛn ɔl.

Jɔshwa 3:10

I tɛl dɛn se we PAPA GƆD go dɔn drɛb ɔl di pipul dɛn we de na di land; dat na di Kenanayt dɛn, di Itayt dɛn, di Ivayt dɛn, di Pɛrizayt dɛn, di Gigashayt dɛn, di Amorayt ɛn Jɛbyusayt dɛn, na datɛnde dɛn go biliv se, fɔ tru tru PAPA GƆD de wit dɛn.

Jɔshwa 3:17

We di Izrɛlayt dɛn bin de krɔs Riva Jɔdan we di wata bin dɔn dray, di man dɛn we de mek sakrifays fɔ pipul sin we bin tot PAPA GƆD in Ak ɔf di Kɔvinant, bin tinap na di dray grɔn insay Riva Jɔdan te ɔl di pipul dɛn krɔs dɔn.

Jɔshwa 5:1

We ɔl di Amorayt kiŋ dɛn we bin de na di wɛst say na Riva Jɔdan ɛn ɔl di Kenanayt kiŋ dɛn we de nia di si yɛri se PAPA GƆD mek Riva Jɔdan dray fɔ di Izrɛlayt dɛn fɔ krɔs, ɛn i mek i dray te dɛn krɔs dɔn, dɛn ɔl at pwɛl ɛn dɛn nɔ bin gɛt op igen bikɔs dɛn de fred di Izrɛlayt dɛn.

Jɔshwa 6:27

PAPA GƆD bin de ɛp Jɔshwa ɛn ɔlman bin yɛri bɔt am ɔlsay na da eria de.

Jɔshwa 9:7

Bɔt Jɔshwa dɛn se dɛn nɔ go jɔs mek wan wɔd wit dɛn bikɔs dɛn nɔ ivin no if na dɛn ɔl de nia.