Jɔshwa 7:9 - Krio Fɔs Oli Baybul

⁹ I tɛl PAPA GƆD se if di Kenanayt ɛn ɔl di ɔda pipul dɛn we de na di land yɛri bɔt dat, dɛn go jɔs sɔrawnd dɛn ɛn kil dɛn ɔl. So I aks se, wetin PAPA GƆD go du fɔ in yon rɛspɛkt.

Jɔshwa 7:9 Iomraidhean Croise

Di Sam Dɛm 115:1

PAPA GƆD nɔto wi, na yu nɔmɔ fɔ gɛt glori ɛn prez bikɔs yu lɔv nɔ de chenj ɛn yu fethful.

Di Sam Dɛm 48:10

Lɛkɛ aw ɔlman na wɔl dɔn yɛri aw yu gud, na so dɛn ɔl de prez yu ɛnisay yu tɔn; Yu gɛt pawa ɛn sabi fɔ rul.

Di Sam Dɛm 79:9

PAPA GƆD, yu we de sev, duya, ɛp wi fɔseka udat yu bi, sev wi ɛn fɔgiv wi sin dɛn so dat ɔlman go rɛspɛkt yu.

Di Sam Dɛm 83:4

Dɛn se “Una kam mek wi pwɛl dɛn na Izrɛl, so dat nɔbɔdi nɔ go ɛva mɛmba se dɛn bin de.”

Di Sam Dɛm 83:5

Dɛn mek wanwɔd; wanwɔd fɔ atak yu,

Ɛksodɔs 32:12

I se if i nɔ du so di Ijipshian dɛn go se na bad nɔmɔ i bin mekɔp fɔ du dɛn we i pul dɛn kɔmɔt na Ijipt, i mekɔp fɔ kil dɛn ɛn lɛ wan pan dɛn nɔ lɛf na di wɔl. I beg PAPA GƆD se duya lɛ i kol in at ɛn chenj in maynd, lɛ i nɔ mek in pipul dɛn sɔfa.

Izikɛl 20:9

Bɔt a bin du so fɔseka mi nem, so dat dɛn nɔ go fityay mi bifo di neshɔn dɛn we dɛn bin tap, we na bifo dɛn a bin sho misɛf to dɛn bay we a bin pul dɛn kɔmɔt Ijipt.

Joɛl 2:17

I se midul usay dɛn kin kip kot ɛn usay di ɔlta de, di man dɛn we de mek sakrifays fɔ pipul sin, fɔ kray ɛn beg PAPA GƆD fɔ sɔri fɔ di pipul. Dɛn fɔ tɛl am lɛ i nɔ mek in yon pipul shem we go mek di ɔda neshɔn dɛn gɛt wɔd fɔ tɔk. I se i nɔ fɔ mek di ɔda neshɔn dɛn aks dɛn usay dɛn GƆD de.

Mayka 7:10

Da tɛm de, in ɛnimi go si korokoro wan ɛn dɛn wan dɛn we bin de aks usay PAPA GƆD, we nain GƆD de, go shem. Insɛf go gladi fɔ si se ɔl wetin in ɛnimi bin de du to ɔda pipul, nain de apin to dɛn naw. Dɛnsɛf go si aw ɔda pipul go de trit dɛn lɛk aw dɛn de mas pɔtɔpɔtɔ na trit.

Di Nɔmba Dɛm 14:13

Mozis tɛl PAPA GƆD se; if yu du so di Ijipshian dɛn go yɛri. Na yu bin dɔn yuz yu pawa fɔ pul di Izrɛlayt dɛn na dɛn an.

Jɔn 12:28

Papa, sho pipul aw yu wɔndaful!” Na de vɔys we kɔmɔt na ɛvin tɔk se, “A bin dɔn sho pipul aw a wɔndaful ɛn a go du dat bak.”

Ditarɔnɔmi 9:28

Ɔ nɔ so, di pipul dɛn na Ijipt go tɔk se PAPA GƆD nɔ ebul pul di pipul dɛn we de na di land fɔ gi di Izrɛlayt dɛn, ɔ na bikɔs i et dɛn ɛn wan kil dɛn mek i kɛr dɛn go na di ples we pɔsin nɔ go ebul tap.

Jɔshwa 7:10

Nain PAPA GƆD tɛl Jɔshwa se mek i grap. Nid nɔ de fɔ mek in lidɔm ɛn butu in fes na grɔn.

Jɔshwa 7:8

I tɛl PAPA GƆD se in nɔ no wetin fɔ se we Izrɛl sojaman dɛn dɔn bigin fred dɛn ɛnimi ɛn de rɔn.

1 Samiɛl 12:22

Bikɔs ɔf in nem, PAPA GƆD nɔ go ib una oba as nain dɔn se una nain yon.