Jɔshwa 7:7 - Krio Fɔs Oli Baybul

⁷ Jɔshwa pre to PAPA GƆD we na dɛn GƆD ɛn aks an wetindu i mek dɛn krɔs Riva Jɔdan go oba, if na fɔ lɛ di Amorayt dɛn go kil dɛn. I se i bin fɔ bɛtɛ if dɛn bin jɔs lɛf oba de.

Jɔshwa 7:7 Iomraidhean Croise

2 Kiŋ 3:10

Na de di kiŋ fɔ Izrɛl se, “Wɛl na de naw! Fɔ se PAPA GƆD go briŋ wi ɔl tri kam dɔn i jɛs an wi oba to Moab lɛk dat?”

Di Sam Dɛm 116:11

Wɛn i pasmak pan mi, a se, “Ɔl mɔtalman de lay.”

Ɛksodɔs 16:3

i bin fɔ bɛtɛ fɔ dɛn if PAPA GƆD bin dɔn mek dɛn day na Ijipt bikɔs dɛn bin fɔ de it bɛlful, dan fɔ kam mek dɛn day wit aŋri na di di ɛmti ples we pɔsin nɔ go ebul tap na.

Ɛksodɔs 17:3

Di tɔsti so mɔna dɛn dat dɛn bigin fɔ grɔmbul pan Mozis ɛn aks am wetin mek i pul dɛn kɔmɔt na Ijipt. Dɛn se if i want mek dɛn ɛn dɛn pikin dɛn wit dɛn animal dɛn day, wit tɔsti.

Di Nɔmba Dɛm 14:16

na we yu nɔ ebul fɔ kɛr dɛn go na di land we yu bin dɔn prɔmis se yu go kɛr dɛn, na dat mek yu kil dɛn ɔl na di ɛmti land we pɔsin nɔ go ebul tap. PAPA GƆD, na tɛm dis we yu fɔ sho aw yu pawaful.

Di Nɔmba Dɛm 14:3

Dɛn se wetin mek PAPA GƆD briŋ dɛn kam na dis land fɔ mek dɛn kam kil dɛn pan wa. Dɛn se dɛn go kech dɛn wɛf ɛn pikin dɛn so i go bɛtɛ mek dɛn go bak na Ijipt.

Matyu 17:17

Jizɔs se, “Una dɛn tide pipul ya nɔ biliv mi ɛn una traŋayes. Aw lɔŋ a go de wit una? Aw lɔŋ a fɔ bia wit una? Briŋ di pikin kam to mi.”

Matyu 17:20

Jizɔs ansa dɛn se, “Na we una nɔ biliv Gɔd gud wan. A de tɛl una se, if una biliv, ilɛk di biliv we una biliv smɔl lɛkɛ mɔstad sid, una kin tɛl dis mawnten se, ‘Kɔmɔt na ya, go yanda!’ Ɛn i go bi. Ɛn natin nɔ de we una nɔ go ebul du! [

Di Ibru Pipul Dɛn 12:5

So una nɔ fɔgɛt Gɔd in wɔd we i tek kɔrej una, wɛn i kɔl unain pikin dɛn. I se, “Mi pikin, wɛn di Masta pɔnish yu, nɔ tek am layt, ɛn nɔ mek yu at pwɛl wɛn i tɔk pan yu.

Jɔshwa 7:6

Jɔshwa ɛn di bigman dɛn na Izrɛl go bifo di Kɔvinant bɔks, chɛr dɛn klos, put dɔti na dɛn ed fɔ sho se tin dɔn apin we mek dɛn sɔri, ib dɛnsɛf na grɔn, butu dɛn ed ɛn lidɔm de te ivintɛm.

Jɔshwa 7:8

I tɛl PAPA GƆD se in nɔ no wetin fɔ se we Izrɛl sojaman dɛn dɔn bigin fred dɛn ɛnimi ɛn de rɔn.

Di Jɔj Dɛm 20:23

So dɛn go bifo PAPA GƆD go kray te ivintɛm. Nain dɛn aks PAPA GƆD if dɛn fɔ go fɛt di Bɛnjaminayt dɛn we na dɛn brɔda dɛn bak. PAPA GƆD tɛl dɛn se dɛn fɔ go fɛt dɛn.

1 Samiɛl 4:3

Wɛn di balans Izrɛlayt sojaman dɛn go bak usay dɛn de kamp, di bigman dɛn aks dɛnsɛf wetindu PAPA GƆD mek di Filistin dɛn win dɛn bad wan so. Dɛn se dɛn fɔ go tek di ak ɔf di Kɔvinant na Shaylɔ kam de wit dɛn. Dɛn se, di ak we go sho se PAPA GƆD de wit dɛn, go ɛp dɛn fɔ win di Filistin dɛn.