Jɔshwa 7:6 - Krio Fɔs Oli Baybul

⁶ Jɔshwa ɛn di bigman dɛn na Izrɛl go bifo di Kɔvinant bɔks, chɛr dɛn klos, put dɔti na dɛn ed fɔ sho se tin dɔn apin we mek dɛn sɔri, ib dɛnsɛf na grɔn, butu dɛn ed ɛn lidɔm de te ivintɛm.

Jɔshwa 7:6 Iomraidhean Croise

Jɛnɛsis 37:29

We Rubɛn kam bak na di ol ɛn si se Josɛf nɔ de de, i so fil am dat i chɛr chɛr in klos.

Jɛnɛsis 37:34

Jekɔb chɛr in yon klos we i bin wɛr, dɔn i wɛr munin. I munin fɔ in pikin fɔ lɔŋ.

2 Samiɛl 1:11

Dɛn Devid ɛn ɔl di man dɛn we de wit am chɛr dɛn klos fɔ sho se dɛn sɔri fɔ yɛri da kayn nyuz de.

2 Samiɛl 1:12

Da da de nɔto kɔmɔn kray dɛn kray ɛn nɔ ebul it bikɔs dɛn sɔri fɔ Sɔl, in bɔypikin Jonɛthan, PAPA GƆD in ami ɛn ɔl udat we na Izrɛlayt we day na di wa. Na te ivintɛm dɛn ebul it.

2 Samiɛl 1:2

Di de we mek tri nain wan man we kɔmɔt na Sɔl in kamp, kam de wit chɛr chɛr klos ɛn dɔti nain ed fɔ sho se i de munin. We i rich usay Devid de, i dɔbalɛ fɔ sho se i rɛspɛkt am.

2 Samiɛl 12:16

Devid fast ɛn kray de beg PAPA GƆD mek di pikin wɛl. I bin ivin de lidɔm na grɔn insay in os wɛn i kin de beg PAPA GƆD.

2 Samiɛl 13:19

Afta Amɔn dɔn pliz insɛf, Tama rɔb ashis nain ed ɛn chɛr di gawn we i bin wɛr dɔn i put in an nain ed, kɔmɔt na di os de kray as i de go.

2 Samiɛl 13:31

Di kiŋ insɛf grap chɛr in klos fɔ sho aw i sɔri ɛn lidɔm na grɔn. In wokman dɛnsɛf fala am ɛn chɛr dɛn klos fɔ sho aw dɛnsɛf sɔri.

2 Kiŋ 22:11

We di kiŋ yɛri wetin rayt na di Buk, i chɛr chɛr in klos.

2 Kronikuls 34:19

Wɛn di kiŋ yɛri di wɔd dɛm na di Lɔ, i chɛr in klos.

Ɛzra 10:1

We Ɛzra lidɔm na grɔn bifo PAPA GƆD in os de pre to PAPA GƆD wit kray ɛn de kɔnfɛs dɛn sin, big big krawd frɔm di Izrɛlayt dɛn kam gɛda pan am - man, uman ɛn pikin, dɛn ɔl bin de kray bita bita wan.

Nɛimaya 9:1

Di de we mek twɛnti-fo, na di sem mɔnt, di pipul dɛn gɛda bak. Dis tɛm, dɛn bin de fast ɛn wɛr saklɔth ɛn kɔba dɛnsɛf wit dɔst.

Ɛsta 4:1

Wɛn Mɔdikay yɛri bɔt ɔl wetin dɛn dɔn du, i chɛr in klos fɔ sho se i nɔ gladi, wɛr saklɔth ɛn rɔb ashis pan insɛf de waka ɔlɔbɔt di siti de kray bita bita wan;

Ɛsta 4:3

Nainsay ɔl di prɔvins we yɛri bɔt di kiŋ in ɔda, na soso kray di Ju dɛn de kray ɛn fast, dɔn bɔku pan dɛn wɛr saklɔth fɔ sho se dɛn sɔri.

Job 1:20

Wɛn Job dɔn lisin to ɔl wetin dɛn gɛt fɔ se, i grap, chɛr in klos, krep in ed, nildɔŋ wit in ed na grɔn ɛn wɔship PAPA GƆD.

Job 2:12

We dɛn si am wɛn dɛn bin de fa, dɛn nɔ bin no se na im; bɔt wɛn dɛn luk am gud we dɛn rich nia am, dɛnsɛf bigin ala de kray; dɛnsɛf chɛr dɛn klos ɛn ib dɔti na dɛn ed.

Job 42:6

Dat mek a dɔn shem, so a de rɔb dɔst ɛn asis beg yu, lɛ yu sɔri fɔ mi.

Lamɛnteshɔn 2:10

Di bigman dɛn na Jerusɛlɛm sidɔm na grɔn kwayɛt wan; dɛn dɔn put dɔst na dɛn ed ɛn dɔn wɛr saklɔth; di yɔŋgyal dɛn na Jerusɛlɛm dɔn butu dɛn ed na grɔn.

Di Nɔmba Dɛm 14:6

Jɔshwa we na Nɔn in bɔypikin ɛn Kelɛb we na Jɛfunɛ in bɔypikin we bin de pan di man dɛn we go wach aw di land tan, chɛr dɛn klos fɔ sho aw dɛn vɛks,

Di Nɔmba Dɛm 16:22

Bɔt Mozis ɛn Erɔn fɔdɔm bifo PAPA GƆD ɛn beg am. Dɛn se “E PAPA GƆD, di PAPA GƆD we mek mɔtalman, yu go vɛks ɛn pɔnish ɔlman we na waŋren man sin?

Di Nɔmba Dɛm 16:45

lɛ dɛn kɔmɔt gi am rod mek i dɔnawe wit di pipul dɛn wantɛm. Dɛn ɔltu jɛs bɛn dɛn ed dɔŋ.

Apɔsul Dɛn Wok 14:14

Wɛn Banabas ɛn Pɔl yɛri se di pipul dɛn want mek sakrifays, dɛn chɛr di klos we dɛn bin wɛr pantap. (Na so dɛn Ju pipul kin du fɔ sho se dɛn nɔ gri wit wetin de bi.) Dɛn rɔn go na di ples we di pipul dɛn we bin de pre to Zus bin gɛda. Dɛn ala tɛl di pipul dɛn se,

Jɔshwa 7:7

Jɔshwa pre to PAPA GƆD we na dɛn GƆD ɛn aks an wetindu i mek dɛn krɔs Riva Jɔdan go oba, if na fɔ lɛ di Amorayt dɛn go kil dɛn. I se i bin fɔ bɛtɛ if dɛn bin jɔs lɛf oba de.

Rɛvɛleshɔn 18:19

Dɛn ib dɔti na dɛn ed bikɔs dɛn at ebi, dɛn ala se, “Oya o! Oya, una fɔ sɔri fɔ da tɔŋ we bin gɛt pawa. Di jɛntri we dis tɔŋ bin jɛntri fɔs tɛm bin mek ɔl dɛn wan we bin gɛt bot we bin de go si fɔ tredin, jɛntri. Bɔt naw, wan awa nɔmɔ, i dɔn pwɛl pata pata.”

Di Jɔj Dɛm 11:35

We Jɛftha si in pikin, i chɛr in klos ɛn tɔk se, in gyal pikin dɔn brok in zil; i dɔn gi am bad bad brok at. I se in bin dɔn swɛ to PAPA GƆD ɛn in nɔ go go biɛn in wɔd.

Di Jɔj Dɛm 20:23

So dɛn go bifo PAPA GƆD go kray te ivintɛm. Nain dɛn aks PAPA GƆD if dɛn fɔ go fɛt di Bɛnjaminayt dɛn we na dɛn brɔda dɛn bak. PAPA GƆD tɛl dɛn se dɛn fɔ go fɛt dɛn.

Di Jɔj Dɛm 20:26

Nain ɔl di Izrɛl sojaman dɛn go na Bɛtɛl go kray usay dɛn kin go wɔship PAPA GƆD, ɛn fast da de de te ivintɛm. Dɛn mek pis ɔfrin ɛn di ɔfrin we dɛn de bɔn na faya, to PAPA GƆD.

Di Jɔj Dɛm 21:2

We di Izrɛlayt dɛn go Bɛthɛl, dɛn de de te ivintɛm de ala de kray to PAPA GƆD bita bita wan.

1 Samiɛl 4:12

Da sem de de, wan man we kɔmɔt na Bɛnjamin fambul rɔn frɔm di wɔfrɔnt go Shaylɔ. Na so in klos ɔl chɛr chɛr ɛn i put dɔti nain ed fɔ sho se in at nɔ swit.