Jɔshwa 7:11 - Krio Fɔs Oli Baybul

¹¹ PAPA GƆD se Izrɛl dɔn kɔmit sin bikɔs dɛn dɔn jomp in wɔd. I se di agrimɛnt we dɛn bin gɛt, na fɔ nyakanyaka ɔltin na Jɛriko, bɔt dɛn dɔn tif sɔm pan di tin dɛn put pan dɛn yon ɛn dɛn de lay.

Jɔshwa 7:11 Iomraidhean Croise

2 Kiŋ 18:12

Ɔl dis bin bi bikɔs di pipul dɛn nɔ obe PAPA GƆD ɛn brok di Kɔvinant we de bitwin in ɛn dɛn, ɛn nɔ gri du ɔl wetin Mozis tɛl dɛn fɔ du. Wan wɔd dɛn nɔ yɛri.

2 Kiŋ 5:24

Wɛn dɛn rich ɔp di il, i tek di lod na dɛn an ɛn put dɛn insay di os, dɔn i mek di man dɛn go.

Ayzaya 24:5

Di grɔn nɔ klin na PAPA GƆD in yay, ɔnda di wan we tap pantap am; bikɔs dɛn dɔn brok di lɔ dɛm, dɛn nɔ du wetin PAPA GƆD se, dɛn dɔn brok di Kɔvinant we na fɔ sote go.

Jɛrimaya 31:32

i nɔ go tan lɛk di Kɔvinant we a bin mek wit dɛn fɔstɛmpapa dɛm, we a bin ol dɛn an pul dɛn kɔmɔt Ijipt, mi Kɔvinant we dɛn brok, ɔlwe mi na bin dɛm man. Na so PAPA GƆD se.

Ozie 6:7

I se dɛn de biev lɛk Adam we nɔ du wetin i se bikɔs i nɔ bin gɛt feth pan wetin i se.

Lɛvitikɔs 5:15

if pɔsin do in kɔmpin tin we mi i nɔ go biliv am igen bay mistek, i fɔ gi PAPA GƆD wan manship we nɔ gɛt bɔt as di ɔfrin we i fɔ mek ɛn in valyu fɔ tan lɛk di shɛkɛl silva in wet we dɛn de yus na di sankchwari; dat na gilt ɔfrin.

Abakɔk 2:6

Di pipul dɛn na ɔl dɛn neshɔn we dɛn dɔn kapchɔ go barɔf ɛn aks if i nɔ du so. Dɛn go swɛ dɛn fɔ we dɛn jɛs de buli pipul dɛn ɛn mek dɛn pe we go mek dɛn jɛntri.

Zɛkaraya 5:4

PAPA GƆD se aw i de flay so, na so in de sɛn am fɔ go insay di tifman in os ɛn insay pɔsin we de lay ɛn swɛ in os; i go de insay di os dɔn nain go pwɛl di os kpatakpata wɛda na stonos ɔ na simɛnt os.

Matyu 22:21

Dɛn se, “Na di kiŋ na Rom in yon.” Nain Jizɔs se, “Una gi di kiŋ na Rom wetin blant am, ɛn gi Gɔd wetin blant Gɔd.”

Apɔsul Dɛn Wok 5:9

Pita tɛl am se, “Wetin mek yu ɛn yu man mekɔp fɔ tɛst Gɔd in Spirit? Luk di pipul dɛn we go bɛr yu man tinap na do, na dɛn go bɛr yusɛf!”

Ditarɔnɔmi 17:2

I tɛl dɛn se if dɛn si ɛni uman ɔ man de na ɛni pan dɛn siti dɛn we PAPA GƆD we na dɛn PAPA GƆD go dɔn gi dɛn, de du dɛn bad bad tin dɛn we PAPA GƆD we na dɛn PAPA GƆD dɔn se dɛn nɔ fɔ du, we min se i dɔn brok di Kɔvinant,

Di Ibru Pipul Dɛn 4:13

Natin nɔ de we Gɔd mek we i nɔ de si; natin nɔ de we ayd, we Gɔd nɔ de si; Gɔd de si ɔltin, ɛn na bifo am wi ɔl gɛt fɔ tinap bambay ɛn tɔk ɔl wetin wi bin du na wɔl.

Jɔshwa 23:16

Jɔshwa se if dɛn lɛf di Kɔvinant we dɛn mek wit PAPA GƆD we na dɛn PAPA GƆD ɛn go wɔship ɔda gɔd dɛn, PAPA GƆD go vɛks bad bad wan ɛn mek dɛn ɔl day kɔmɔt na di gud land we i dɔn gi dɛn.

Jɔshwa 7:1

PAPA GƆD bin tɛl di Izrɛlayt dɛn se dɛn fɔ bɔn Jɛriko ɛn dɛn nɔ fɔ tek natin we i dɔn se dɛn fɔ bɔn. Ekan we kɔmɔt na Juda, na kami in bɔypikin. Kami na Zabdi in yon bɔypikin. Zabdi na Zɛra in bɔy in yon pikin. Ekan tek sɔm pan di tin dɛn, ɛn dat bin mek PAPA GƆD vɛks bad bad wan pan Izrɛl.

Jɔshwa 7:10

Nain PAPA GƆD tɛl Jɔshwa se mek i grap. Nid nɔ de fɔ mek in lidɔm ɛn butu in fes na grɔn.

Di Jɔj Dɛm 2:20

Dat bin mek PAPA GƆD vɛks pan Izrɛl. So i se, bikɔs di pipul dɛn dɔn pwɛl di Kɔvinant ɛn nɔ rɛspɛkt am we in tɔk, ɛn nɔ gri du wetin i bin tɛl dɛn traŋa wan se dɛn fɔ du,

1 Samiɛl 14:38

Nain Sɔl kɔl di bigman dɛn nain ami ɛn tɛl dɛn se dɛn fɔ fɛn us sin dɛn sin da de de.