Jɔshwa 6:2 - Krio Fɔs Oli Baybul

² Nain PAPA GƆD tɛl Jɔshwa se in go mek Izrɛl kapchɔ Jɛriko; dɛn go bit di kiŋ ɛn in big big sojaman dɛn.

Jɔshwa 6:2 Iomraidhean Croise

2 Samiɛl 5:19

So Devid aks PAPA GƆD if i fɔ go atak di Filistin dɛn. I fɛnɔt if PAPA GƆD go mek lɛ i win dɛn. PAPA GƆD ansa am se lɛ i go. PAPA GƆD se in mɔs mek Devid win di Filistin dɛn.

Nɛimaya 9:24

Dɛn bɔypikin dɛnsɛf go insay go tek kɔntrol ɔf di land. Yu lili di Kenanayt dɛn we bin tap na di land bifo dɛn, yu an ova di Kenanayt wit dɛn Kiŋ dɛn ɛn di pipul dɛn we bin tap na di land, gi dɛn fɔ du wetin dɛn want.

Daniɛl 2:21

I de chenj di tɛm ɛn sizin dɛn; I de pul ɛn put kiŋ dɛn na pawa I de gi sɛns to di wan dɛn we gɛt sɛns ɛn sabi to di wan dɛn we ebul fɔ ɔndastand;

Daniɛl 2:44

Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;

Daniɛl 4:17

Dis jɔjmɛnt ya, na di wachman dɛm, we na di oli wan dɛm, dɔn pas am wit di lɔ, so dat di wan dɛn we de alayv go no se PAPA GƆD we ay pas ɔl, de rul mɔtalman dɛn kindɔm, ɛn i kin gi udat i wan gi, ɛn sɛf, kin put di pɔsin we de dɔŋ na layf, pantap wanol kindɔm.

Daniɛl 4:35

Ɔl udat tap na di wɔl nɔ min natin; ɛn i de du wetin i want wit ɔl di wan dɛn we de na ɛvin ɛn ɔl di wan dɛn we de na di wɔl; ɛn nɔbɔdi nɔ go ebul fɔ tap am ɔ aks am se, “Wetin yu de du?”

Daniɛl 5:18

Kiŋ, na PAPA GƆD we ay pas ɔl bin mek Nɛbyukadnɛza, we na yu papa, kiŋ, ɛn gi am pawa, gud nem ɛn rɛspɛkt.

Ditarɔnɔmi 7:24

Mozis se dɛn go kil ɔl dɛn kiŋ dɛn ɛn nɔbɔdi nɔ go lɛf we dɛn go tek mɛmba dɛn. Dɛn nɔn nɔ go tinap fɔ fɛt di Izrɛlayt dɛn te dɛn kil dɛn ɔl dɔn.

Jɔshwa 12:9

Di Izrɛlayt dɛn bin kɔnka di kiŋ dɛn na dɛn kɔntri dɛn ya: Jɛriko, Ay we de nia Bɛthɛl,

Jɔshwa 2:24

Dɛn tɛl am se fɔ tru tru, PAPA GƆD dɔn gi dɛn da land de, ɛn ɔl di pipul dɛn dɔn fred dɛn di Izrɛlayt dɛn.

Jɔshwa 2:9

ɛn tɛl dɛn se in no se, PAPA GƆD dɔn gi Izrɛl di land, ɛn bikɔs di pipul dɛn na Kenan de fred dɛn, dat dɔn mek dɛn fil lɛkɛ kripul dɛn bifo Izrɛl.

Jɔshwa 20:1

Apat frɔm ɔl dɛn tin dɛn de we dɔn pas, PAPA GƆD tɛl Jɔshwa lɛ i tɛl di Izrɛlayt dɛn se,

Jɔshwa 6:1

Di pipul na Jɛriko bin lɔk dɛn get lɛ di Izrɛlayt dɛn nɔ ebul go insay; nɔbɔdi nɔ bin de go insay ɔ kɔmɔt na do.

Jɔshwa 6:3

PAPA GƆD tɛl am igen se dɛn fɔ mach rawnd di siti wantɛm fɔ de fɔ siks de.

Jɔshwa 8:1

PAPA GƆD tɛl Jɔshwa se mek i nɔ fred ɛn mek in at nɔ pwɛl; I se mek i tek ɔl in sojaman dɛn go na Ay bikɔs in go mek dɛn kapchɔ di kiŋ, in pipul dɛn ɛn in wanol kɔntri.

Di Jɔj Dɛm 11:21

Ɛn PAPA GƆD we na Izrɛl dɛn PAPA GƆD gi dɛn pawa fɔ bit Siɔn, so dɛn kapchɔ ɔl di land dɛn we di Amɔrayt dɛn bin de na da kɔntri de.

Di Jɔj Dɛm 11:24

I mek dɛn aks am igen se if i nɔ go tek wetin Chɛmɔsh we na dɛn gɔd gi am. I se so dɛn de kip ɔl wetin PAPA GƆD we na dɛn PAPA GƆD dɔn gi dɛn.