Jɔshwa 4:7 - Krio Fɔs Oli Baybul

⁷ I se dɛn fɔ ansa dɛn se, di wata na Riva Jɔdan bin dray we di man dɛn we de mek sakrifays fɔ pipul sin we de tot PAPA GƆD in Ak ɔf di Kɔvinant bin tinap insay de, so dɛn ston de go mek ɔl di jɛnareshɔn dɛn na Izrɛl de mɛmba wetin bin bi, te go.

Jɔshwa 4:7 Iomraidhean Croise

Di Sam Dɛm 111:4

I dɔn so du am dat pipul nɔ go ɛva fɔgɛt di wɔndaful tin dɛn we i de du. PAPA GƆD gɛt sɔri-at bad.

Ɛksodɔs 12:14

Una fɔ mɛmba dis de ɔltɛm, ɛn ɛvri ia una fɔ sɛlibret am as spɛshal fɛstival to mi we na una PAPA GƆD.

Ɛksodɔs 28:12

Yu fɔ fasin di ston dɛn pan di sholda strap dɛn pan di ifɔd. Na dɛn go rɛprizɛnt di twɛlv fambul dɛn na Izrɛl. Dɛn go ɛŋ na Erɔn in sholda fɔ de mɛmba dɛn ɔltɛm, ɛn misɛf we na PAPA GƆD go de mɛmba mi pipul dɛn.

Ɛksodɔs 30:16

Gɛda ɔl dis mɔni na di Izrɛlayt dɛn an ɛn yuz am fɔ du ɛni wok na di Tɛnt; na dat go mek a de mɛmba dɛn na mi at fɔ de kɔba dɛn.”

Ayzaya 66:3

“Di pɔsin we de kil kaw na lɛk pɔsin we kil mɔtalman; pɔsin we de sakrifays ship pikin na lɛk udat brok dɔg nɛk; pɔsin we de mek sid ɔfrin na lɛk pɔsin we de sakrifays ɔg blɔd; pɔsin we de mek sakrifays wit insɛns fɔ mɛmba wetin bin dɔn bi, na lɛk pɔsin we de blɛs lay lay gɔd. Dɛn dɔn pik dɛn yon we, we dɛn want fɔ de, dɛn sol de gladi fɔ du dɛn bad bad tin dɛm we PAPA GƆD nɔ lɛk.

Di Nɔmba Dɛm 16:40

jɛs lɛkɛ aw PAPA GƆD bin dɔn tɛl Mozis fɔ tɛl am fɔ du. Dis na bin fɔ mɛmba di Izrɛlayt dɛn se nɔbɔdi nɔ gɛt rayt fɔ go bifo PAPA GƆD fɔ bɔn insɛns pas udat kɔmɔt na Erɔn in famili layn, ɔ nɔ so insɛf go tan lɛk Kora ɛn in gɛŋ.

Di Nɔmba Dɛm 17:5

Di man we a pik in wɔkinstik go pul flawa ɛn da tɛm de ɔl dis grɔmbul we dɛn de grɔmbul pan una go dɔn.

Ditarɔnɔmi 16:3

Mozis tɛl di Izrɛlayt dɛn se dɛn fɔ it di bif we dɛn go dɔn sakrifays dɔn wit bred we nɔ gɛt yist, we dɛn bin de kɔl trɔbul bred. I se na da kayn bred de dɛn fɔ de it fɔ sɛvin de. I se dɛn fɔ de du dat ɛvri ia, so dat dɛn nɔ go fɔgɛt di de we dɛn bin kɔmɔt na Ijipt ɔri ɔri wan.

Jɔshwa 4:6

we go de mek dɛn mɛmba wetin PAPA GƆD bin du fɔ dɛn na Riva Jɔdan, ɛn i go bi di ɛvidɛns fɔ tumara if dɛn pikin dɛn go aks dɛn wetin dɛn ston de min.