Jɔshwa 4:5 - Krio Fɔs Oli Baybul

⁵ ɛn tɛl dɛn traŋa wan se, lɛ dɛn go usay di man dɛn we de mek sakrifays fɔ pipul sin we tot PAPA GƆD we na dɛn PAPA GƆD in Ak ɔf di Kɔvinant, tinap insay Riva Jɔdan, ɛn tek wan wan ston put na dɛn sholda, we min se wan ston go tinap fɔ wan fambul na Izrɛl,

Jɔshwa 4:5 Iomraidhean Croise

Jɛnɛsis 31:46

Dɔn i tɛl in fambul dɛn fɔ gɛda ston rawnd da ston de. Dɛn bin tek dɛn ston ya ɛn payl dɛn ɔp; ɛn na nia dis payl ya dɛn it.

Ɛksodɔs 24:4

Mozis insɛf rayt dɔŋ ɔl wetin PAPA GƆD se. Mozis grap ali mɔnin ɛn tek twɛlv ston bil ɔlta dɔŋ di mawnten. Ich ston bin de rɛprizɛnt wan pan di twɛlv fambul dɛn na Izrɛl.

Ditarɔnɔmi 27:2

I tɛl dɛn se di de we dɛn go krɔs Riva Jɔdan go na di land we PAPA GƆD we na dɛn Gɔd bin dɔn se i go gi dɛn, dɛn fɔ put big big ston dɛn lɛ dɛn tinap ɛn plasta dɛn wit simɛnt;

Ditarɔnɔmi 9:1

Mozis tɛl di Izrɛlayt dɛn se, da de de, dɛn go krɔs Riva Jɔdan go oba say fɔ go kapchɔ di land; di pipul dɛn we de de plɛnti ɛn ebul fɛt pas Izrɛl. Dɛm siti dɛn big big ɛn dɛn wɔl dɛn ay ay te dɛn wan rich na di skay.

Jɔshwa 22:10

We di Rubɛn, di Gad ɛn af di Manasɛ fambul dɛn bin de na rod de go na dɛn yon land we PAPA GƆD bin gi dɛn, dɛn bil wan big fayn fayn ɔlta na Gɛlilɔth nia Riva Jɔdan bifo dɛn krɔs di riva.

Jɔshwa 4:4

So Jɔshwa kɔl di twɛlv man we dɛn bin dɔn pik wan wan pan di twɛlv fambul,

Jɔshwa 4:6

we go de mek dɛn mɛmba wetin PAPA GƆD bin du fɔ dɛn na Riva Jɔdan, ɛn i go bi di ɛvidɛns fɔ tumara if dɛn pikin dɛn go aks dɛn wetin dɛn ston de min.