Jɔshwa 3:8 - Krio Fɔs Oli Baybul

⁸ PAPA GƆD tɛl Jɔshwa igen se, lɛ i tɛl di man dɛn we de mek sakrifays fɔ pipul sin we tot di Ak ɔf di Kɔvinant se, we dɛn rich Riva Jɔdan, lɛ dɛn jɔs waka go insay di wata lili bit ɛn tinap de.

Jɔshwa 3:8 Iomraidhean Croise

2 Kiŋ 2:6

Ilayja tɛl Ilaɛlsha se lɛ i wet am na Jɛriko bikɔs PAPA GƆD sɛn am na Jɔdan. Ilaɛlsha tɛl am se wans PAPA GƆD de alayv ɛn in di Ilayja insɛf nɔ day yet, in nɔ go lɛf am. So dɛn ɔltu go na Jɔdan.

2 Kronikuls 29:15

Dɛn gɛda dɛn brɔda dɛm ɛn mek dɛnsɛf klin na Gɔd yay, ɛn go insay lɛk aw di kiŋ bin dɔn kɔmand dɛn bay wetin PAPA GƆD in wɔd se, fɔ klin PAPA GƆD in os.

2 Kronikuls 29:27

Naim Ɛzikaya kɔmand se dɛn fɔ mek di sakrifays we dɛn de bɔn na faya. Ɛn wɛn dɛn begin mek di sakrifays, dɛn bigin prez PAPA GƆD, ɛn dɛn bigin blo di trɔmpɛt dɛm ɛn ple di kayn instrumɛnt dɛn we Devid we na kiŋ na Izrɛl, bin de ple.

2 Kronikuls 29:30

Ɛn Ɛzikya di kiŋ ɛn di prins dɛm kɔmand di Livayt dɛm fɔ siŋ prez to PAPA GƆD wit Devid ɛn Asaf di man we de si vishɔn dɛn wɔd dɛm.

2 Kronikuls 30:12

PAPA GƆD sɛf in an bin de pan Juda fɔ gi, dɛn wan at fɔ du wetin di kiŋ ɛn di prins dɛn kɔmand akɔdin to PAPA GƆD in wɔd.

Nɛimaya 13:22

Afta ɔltin a tɛl di Livayt dɛn fɔ mek dɛnsɛf klin bifo PAPA GƆD, go ɛn tan gyad oba di get dɛn fɔ kip di fɔ pre ɛn blo oli. PAPA GƆD, duya nɔ fɔgɛt mi bak fɔ dis. Sho mi yu masi we bɔku lɛkɛ aw di lɛk we yu lɛk wi bɔku.

Nɛimaya 13:28

Wan pan Jɔyada in bɔypikin ɛn Ilaɛlashib we na di bigman fɔ ɔl dɛn man we de mek sakrifays fɔ pipul sin, na bin Sanbalat, da Oronayt in sɔnɛnlɔ, so a drɛb am kɔmɔt nia mi.

Ɛksodɔs 14:13

Mozis tɛl di pipul dɛn se lɛ dɛn nɔ fred dɛn go si PAPA GƆD in wɔnda. I se di Ijipshian we dɛn de si so dɛn nɔ go dɛn igen

Lamɛnteshɔn 3:26

I gud lɛ pɔsin peshɛnt wet lɛ PAPA GƆD sev am.

Jɔshwa 3:17

We di Izrɛlayt dɛn bin de krɔs Riva Jɔdan we di wata bin dɔn dray, di man dɛn we de mek sakrifays fɔ pipul sin we bin tot PAPA GƆD in Ak ɔf di Kɔvinant, bin tinap na di dray grɔn insay Riva Jɔdan te ɔl di pipul dɛn krɔs dɔn.

Jɔshwa 3:3

ɛn tɛl di Izrɛlayt dɛn se, we dɛn si di man dɛn we de mek sakrifays fɔ pipul sin tot PAPA GƆD we na dɛn Gɔn in Ak ɔf di Kɔvinant de go, dɛn ɔl fɔ de biɛn am,

Jɔshwa 3:7

Nain PAPA GƆD tɛl Jɔshwa se na da de de in go mek ɔlman no se na Jɔshwa na lida na Izrɛl, so dat dɛn go no se jɔs lɛkɛ aw in nɔ bin de lɛf Mozis, na so i go de wit am.

Jɔshwa 3:9

Nain Jɔshwa kɔl ɔl di pipul dɛn lɛ i go tɛl dɛn wetin PAPA GƆD we na dɛn PAPA GƆD se in go du.

Jɔshwa 4:11

We di pipul dɛn dɔn krɔs dɔn, di man dɛn we de mek sakrifays fɔ pipul sin we de tot di Ak, krɔs wit PAPA GƆD in Ak ɔf di Kɔvinant ɛn kɛr an go wet bifo say.