Jɔshwa 3:7 - Krio Fɔs Oli Baybul

⁷ Nain PAPA GƆD tɛl Jɔshwa se na da de de in go mek ɔlman no se na Jɔshwa na lida na Izrɛl, so dat dɛn go no se jɔs lɛkɛ aw in nɔ bin de lɛf Mozis, na so i go de wit am.

Jɔshwa 3:7 Iomraidhean Croise

1 Kronikuls 29:25

So PAPA GƆD gi Sɔlɔmɔn ay ay rɛspɛkt na di wanol Izrɛl dɛn yay, ɛn gi am bi big ɔna we nɔn kiŋ bifo am na Izrɛl nɔ gɛt.

2 Kronikuls 1:1

Sɔlɔmɔn we na Devid in bɔypikin, sidɔm traŋa nain kindɔm, ɛn PAPA GƆD we in Gɔd bin de wit am, ɛn I mek am pawaful bad bad wan.

Job 7:17

Wetin na mɔtalman we yu fɔ tek in biznɛs siriɔs so ɔ de gi am di kayn atɛnshɔn we yu de gi am,

Di Sam Dɛm 18:35

Yu dɔn gi mi yu big shild we de sev mi ɛn de kip mi sɛf wit yu pawa; yu de yɛri mi prea, ansa mi ɛn gi mi di trɛnk we a nid.

Jɔn 17:1

Wɛn Jizɔs dɔn tɔk dɔn, i luk ɔp na ɛvin ɛn pre se, “Papa, di tɛm dɔn kam; sho pipul aw yu Pikin wɔndaful, so dat i go sho pipul aw yu wɔndaful.

Lɛta Fɔ Filipay 1:20

A abop wit ɔl mi at se a nɔ go shem fɔ ɛnitin we a de du, ɛn a go gɛt di kɔrej fɔ tinap fɔ Krays, so dat if a day ɔ if a nɔ day, wetin a de du go mek ɔda pipul prez Krays.

Jɔshwa 1:17

Dɛn tɛl am igen se, dɛn go obe am jɔs lɛk aw dɛn bin de obe Mozis ɛn dɛn pre se lɛ PAPA GƆD we na dɛn PAPA GƆD de wit am ɔltɛm lɛk aw I bin de wit Mozis.

Jɔshwa 1:5

PAPA GƆD tɛl Jɔshwa se, wans in de, tete Jɔshwa go day, nɔn ɔda neshɔn nɔ go ebul bit Izrɛl. I se as in nɔ bin kɔmɔt biɛn Mozis, na so in nɔ go ɛva kɔmɔt biɛn dɛn.

Jɔshwa 1:9

PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

Jɔshwa 3:6

I tɛl di man dɛn we de mek sakrifays fɔ pipul sin fɔ tot di Ak ɔf di Kɔvinant de go bifɔ. Dɛn tek di Ak ɔf di Kɔvinant ɛn go bifo.

Jɔshwa 3:8

PAPA GƆD tɛl Jɔshwa igen se, lɛ i tɛl di man dɛn we de mek sakrifays fɔ pipul sin we tot di Ak ɔf di Kɔvinant se, we dɛn rich Riva Jɔdan, lɛ dɛn jɔs waka go insay di wata lili bit ɛn tinap de.

Jɔshwa 4:14

Da de de, PAPA GƆD mek di wanol Izrɛl rɛspɛkt Jɔshwa lɛkɛ aw dɛn bin rɛspɛkt Mozis te i day.