Jɔshwa 3:1 - Krio Fɔs Oli Baybul

¹ Di nɛks de, Jɔshwa ɛn ɔl di Izrɛlayt dɛn grap kwik na mɔnin. Dɛn kɔmɔt usay dɛn bin kamp na Akasia ɛn put ed wɛst de go Riva Jɔdan. Na de dɛn kamp de wet te di tɛm rich fɔ dɛn fɔ krɔs Riva Jɔdan.

Jɔshwa 3:1 Iomraidhean Croise

Jɛnɛsis 21:14

As do klin di nɛks de, Ebraam mek Ega ɛn in pikin kɔmɔt na di os. I gi dɛn it fɔ kɛr go, ɛn put wata na wata-rɔba we Ega ɛŋ nain sholda. Na so dɛn tek kɔmɔt na di os de wirɔn na di ples we pɔsin nɔ go ebul tap na Biashiba.

Jɛnɛsis 22:3

As do klin so di nɛks de, Ebraam kɔt wud fɔ di sakrifays, ɛn lod am pan in dɔŋki, ɛn i tek Ayzak ɛn tu pan in wokman fɔ go wit am. Wɛn dɛn ɔl dɔn rɛdi, dɛn ol rod fɔ go na di ples we PAPA GƆD bin tɛl am bɔt.

Di Sam Dɛm 119:60

A nɔ de westɛm fɔ du wetin yu lɔ se.

Jɛrimaya 25:3

I se, “Fɔ twɛnti tri ia, frɔm di ia we mek Josaya we na Amɔn in bɔypikin, tɔtin ia as kiŋ na Juda’ te to dis de, PAPA GƆD in wɔd dɔn kam to mi ɛn a dɔn kɔntinyu fɔ tɔk to una, bɔt una nɔ lisin.

Jɛrimaya 26:5

ɛn fɔ pe atɛnshɔn to wetin mi wokman dɛn we na di prɔfɛt dɛn we a sɛn to una ɔjɛnt ɔjɛnt wan, ɔldo una nɔ lisin dɛm,

Jɛrimaya 7:13

PAPA GƆD se, ɛn rayt naw, bikɔs una dɔn du ɔl dɛn tin ya, ɛn wɛn a bin de tɔk to una ɛn nɔ de blo, una nɔ bin lisin, ɛn wɛn a kɔl una, una nɔ ansa,

Mayka 6:5

Mi pikin dɛn, una mɛmba wetin Belak, di kiŋ na Moab bin plan fɔ una ɛn aw Belam we na Beɔ in bɔypikin bin ansa am. Una mɛmba wetin bin apin na rod we una kɔmɔt Akesia fɔ go Gilgal. If una ebul mɛmba dɛn tin ya, una go mɛmba wetin PAPA GƆD du fɔ sev una.”

Di Nɔmba Dɛm 25:1

Di tɛm we di Izrɛlayt dɛn bin tap na di Akeshia Vali, di man dɛn bigin gɛt biznɛs wit di Moabayt uman dɛn

Mak 1:35

Ali mɔnin, bifo do klin gud, Jizɔs grap go pre na wan ples we pipul nɔ de.

Jɔshwa 2:1

We di Izrɛlayt dɛn bin kamp na Akeshia, Jɔshwa we na Nɔn in pikin sɛn tu man fɔ go ayd wach Kenan aw i tan. We dɛn go na Kenan, dɛn go tap na wan rare gyal we nem Reab in os.

Jɔshwa 6:12

Di nɛks de, Jɔshwa wek ali mɔnin. Di man dɛn we de mek sakrifays fɔ pipul sin tot PAPA GƆD in Ak ɔf di Kɔvinant.

Jɔshwa 6:15

Di de we mek sɛvin, dɛn grap ali mɔnin, as do klin so ɛn mach rawnd di siti, di sem we we dɛn kin mach rawnd di siti, bɔt da de de, na sɛvin tɛm dɛn go rawnd di siti, ɛn na da de de nɔmɔ dɛn dɔn mach rawnd di siti sɛvin tɛm.

Jɔshwa 7:16

So Jɔshwa wek ali di nɛks mɔnin ɛn mek ɔl di fambul dɛn na Izrɛl tinap bifo di Ak ɔf di Kɔvinant wan bay wan, ɛn na di Juda fambul PAPA GƆD bin pik;

Jɔshwa 8:10

Ali di nɛks mɔnin, Jɔshwa gɛda ɔl di sojaman dɛn we bin lɛf wit am ɛn in ɛn di bigman dɛn na Izrɛl de bifo dɛn frɔm dɛn kamp na Gilgal, te rich Ay.

Di Jɔj Dɛm 20:19

So di Izrɛlayt dɛn wek ali mɔnin go kamp nia Gibia.

1 Samiɛl 17:20

Doklin di nɛks de, Devid lɛf in ship dɛn wit wan ɔda man we de mɛn ship, pak ɔltin ɛn lɛf fɔ go na di kamp jɛs lɛkɛ aw Jɛsi dayrɛkt am. I rich na di kamp di tɛm we di ami de siŋ wa siŋ dɛn as dɛn de skata.