Jɔshwa 2:9 - Krio Fɔs Oli Baybul

⁹ ɛn tɛl dɛn se in no se, PAPA GƆD dɔn gi Izrɛl di land, ɛn bikɔs di pipul dɛn na Kenan de fred dɛn, dat dɔn mek dɛn fil lɛkɛ kripul dɛn bifo Izrɛl.

Jɔshwa 2:9 Iomraidhean Croise

Jɛnɛsis 35:5

We Jekɔb ɛn i bɔypikin dɛn bin lɛf fɔ go, PAPA GƆD mek di pipul dɛn we bin de na di ɔda siti dɛn fred, so dɛn nɔ bin atak dɛn.

2 Samiɛl 17:10

dɛn di sojaman we tɔf pas dɛn ɔl sɛf in at go pwɛl ivin we i nɔ de fred natin bikɔs ɔlman na Izrɛl no se in papa sabi fɛt ɛn ɔl udat de wit am nɔ de fred natin.

2 Kiŋ 5:15

Neman ɛn ɔl in trup tɔn bak go mit di prɔfɛt ɛn tɛl am se na naw in no se PAPA GƆD nɔ de nɔn we na di wɔl pas Izrɛl, so in de beg am lɛ i tek di prɛzɛnt we i briŋ fɔ am.

2 Kiŋ 7:6

bikɔs PAPA GƆD bin dɔn mek di Sirian sojaman dɛn yɛri sawnd lɛkɛ ɔs ɛn karej wit bɔku bɔku sojaman dɛn de waka we mek dɛn tɛl dɛn kɔmpin se di kiŋ na Izrɛl dɔn go aya dɛn Itayt ɛn dɛn Ijipshian masinari fɔ atak dɛn.

Nɛimaya 6:16

We ɔl wi ɛnimi dɛn yɛri dis, ɔl udat tap na di kɔntri dɛn rawnd Jerusɛlɛm fred. Dɛn giv ɔp bikɔs dɛn kechɔp se na bay PAPA GƆD in pawa mek wi ebul du di wok.

Ɛsta 8:17

Ɔlɔbɔt we dɛn yɛri di lɔ, di Ju dɛn gladi. Dɛn mek ɔlide ɛn sɛlibret. Bɔku pan di ɔda pipul bigin se dɛnsɛf na Ju, bikɔs dɛn bin de fred de Ju dɛn.

Job 19:25

Bikɔs a no se di wan we go pe fɔ mi, de; i nɔ day, a no se di de go kam we i go tinap fɔ mi na dis wɔl;

Di Sam Dɛm 112:10

Di bad man go si ɔl dis ɛn i go vɛks. I go wan kil insɛf wit vɛksteshɔn. Ɔl wetin i abop pan na fɔ natin.

Di Sam Dɛm 115:16

Nain waŋren de usay i de na ɛvin, bɔt i lɛf di wɔl gi mɔtalman.

Ɛksodɔs 18:11

Na naw a dɔn no se PAPA GƆD pawaful pas ɔl dɛn ɔda gɔd dɛn, bikɔs i dɔn pul in pipul dɛn kɔmɔt na di Ijipshian dɛn an wɛn dɛn trit dɛn bad.”

Ɛksodɔs 23:27

A go mek ɔl dɛn wan we de agens una fred mi, dɔn a go ib dombolo pan dɛn wan we una de fɛt. A go mek una ɛnimi dɛn rɔnawe lɛf una.

Ɛkliziastis 8:12

Ɔl we sina dɛn de du bad tin ɔndrɛd tɛm ɛn dɛn layf kin stil lɔŋ, mi no se ɔltin go go fayn fɔ di wan dɛn we de fred PAPA GƆD, bikɔs dɛn rɛspɛkt am,

Ayzaya 19:1

Wetin PAPA GƆD se go apin to Ijipt. Una luk o, PAPA GƆD de rayd pantap wan klawd we gɛt spid ɛn kam na Ijipt; di laylay gɔd dɛn na Ijipt go trimbul bifo am ɛn di Ijipshian dɛn go wan day wit fred.

Ayzaya 23:5

Wɛn di wɔd go rich Ijipt, dɛn go fil am we dɛn go yɛri di wɔd bɔt Tay.

Jɛrimaya 27:5

“Na mi we tek mi gret pawa ɛn mi an we a opin wayd wayd wan, mek dis wɔl, di mɔtalman ɛn di animal dɛm we de na wɔl, ɛn a gi am to udat a fil se rayt to mi, fɔ gi.

Neum 2:10

Ninivɛ pwɛl kpatakpata, ɔlman at kɔmɔt nain atkes dɛn ɔlman bɔdi brok ɛn nɔ no wetin fɔ du; na so fred rayt na dɛn ɔl fes.

Di Nɔmba Dɛm 20:14

Mozis sɛn mɛsenja dɛn kɔmɔt na Kedɛsh to di Kiŋ na Idɔm. I se mek dɛn tɛl am se in brɔda we na Izrɛl nain sɛn dɛn. I se lɛ i mɛmba ɔl di waala we dɛn na Izrɛl dɔn pas.

Di Nɔmba Dɛm 20:24

“Erɔn go day na ya go mit in pipul dɛn. I nɔ go mas fut insay di land we a de gi di Izrɛlayt dɛn, bikɔs una ɔltu nɔ du wetin a tɛl una fɔ du we wata fɔ kɔmɔt na Mɛriba.

Matyu 20:15

A nɔ gɛt rayt fɔ du wetin a want wit mi mɔni? Na jɛlɔs una de jɛlɔs dɛn fɔ wetin a pe dɛn?’”

Ditarɔnɔmi 11:25

I se nɔbɔdi nɔ go gɛt maynd fɔ tinap fɔ fɛt dɛn bikɔs PAPA GƆD we na dɛn PAPA GƆD go mek ɔda pipul dɛn trimbul we dɛn si dɛn ɛni say we dɛn go fɔ go kapchɔ land.

Ditarɔnɔmi 2:25

I se PAPA GƆD se na da de de i go mek ɔlman na dis wɔl bigin fred Izrɛl ɛn trimbul we dɛn yɛri dɛn nem ɛn wetin dɛn ebul du.

Ditarɔnɔmi 28:10

Datɛnde, di wanol wɔl go si se dɛn na PAPA GƆD in pipul dɛn ɛn dɛn go gɛt gud rɛspɛkt fɔ dɛn.

Ditarɔnɔmi 32:8

We PAPA GƆD Ɔlmayti gi neshɔn dɛn prɔpati, we i de sɛpret difrɛn difrɛn pipul dɛn, i sho ɔlman usay dɛn fɔ de akɔdin to aw di difrɛn fambul dɛn na Izrɛl plɛnti.

Di Ibru Pipul Dɛn 11:31

Na bikɔs da trit uman we nem Reab bin biliv Gɔd mek i nɔ day di tɛm we dɛn pipul we nɔ du wetin Gɔd tɛl dɛn fɔ du, day, bikɔs i bin gladi fɔ ayd dɛn trenja we dɛn sɛn kɔmɔt Izrɛl fɔ kam wach di tɔŋ, nain os.

Jɔshwa 2:11

Reab tɛl dɛn se, as dɛn yɛri bɔt dat so, dɛn bigin fred; dɛn fut dɛn bigin trimbul ɔnda dɛn bikɔs dɛn de fred di Izrɛlayt dɛn, ɛn dɛn fred di Izrɛlayt dɛn bikɔs PAPA GƆD we na di Izrɛlayt dɛn PAPA GƆD, na di PAPA GƆD na ɛvin ɛn na di ath.

Jɔshwa 2:24

Dɛn tɛl am se fɔ tru tru, PAPA GƆD dɔn gi dɛn da land de, ɛn ɔl di pipul dɛn dɔn fred dɛn di Izrɛlayt dɛn.

Jɔshwa 2:8

Bifo di tu Izrɛlayt dɛn we Jɔshwa bin sɛn fɔ go wach Kenan slip da nɛt de, Reab go mit dɛn ɔp di ruf

Jɔshwa 5:1

We ɔl di Amorayt kiŋ dɛn we bin de na di wɛst say na Riva Jɔdan ɛn ɔl di Kenanayt kiŋ dɛn we de nia di si yɛri se PAPA GƆD mek Riva Jɔdan dray fɔ di Izrɛlayt dɛn fɔ krɔs, ɛn i mek i dray te dɛn krɔs dɔn, dɛn ɔl at pwɛl ɛn dɛn nɔ bin gɛt op igen bikɔs dɛn de fred di Izrɛlayt dɛn.

Jɔshwa 6:2

Nain PAPA GƆD tɛl Jɔshwa se in go mek Izrɛl kapchɔ Jɛriko; dɛn go bit di kiŋ ɛn in big big sojaman dɛn.

Jɔshwa 9:10

wetin i bin du di tu Amorayt kiŋ; Kiŋ Sayɔn na Ɛshbɔn ɛn Kiŋ Og fɔ Beshan we bin tap na Ashtarɔt na di ist pat na Riva Jɔdan.

Jɔshwa 9:24

Nain di Gibɛɔnayt dɛn se dɛn lay gi Jɔshwa dɛn bikɔs dɛn bin dɔn yɛri se PAPA GƆD we na dɛn PAPA GƆD bin dɔn tɛl in wokman Mozis traŋa wan se, i fɔ kil ɔl di pipul dɛn na di land we i sho an ɛn gi di land to di Izrɛlayt dɛn. So dɛn bin de fred bad bad wan fɔ dɛn layf.

Jɔshwa 9:9

Dɛn ansa Jɔshwa se dɛn si dɛnsɛf lɛkɛ Jɔshwa dɛn slev dɛn ɛn kɔmɔt na wan fawe kɔntri. Dɛn kam fɔseka PAPA GƆD bikɔs dɛn dɔn yɛri bɔt an ɛn ɔl wetin i dɔn du na Ijipt,

Di Jɔj Dɛm 7:14

Nain in kɔmpin tɛl am se i mɔs bi se na wan man na Izrɛl we nem Gidiɔn we na Joash in pikin, in sɔd; PAPA GƆD dɔn gi am pawa oba Midian ɛn ɔl in sojaman dɛn.