Jɔshwa 2:11 - Krio Fɔs Oli Baybul

¹¹ Reab tɛl dɛn se, as dɛn yɛri bɔt dat so, dɛn bigin fred; dɛn fut dɛn bigin trimbul ɔnda dɛn bikɔs dɛn de fred di Izrɛlayt dɛn, ɛn dɛn fred di Izrɛlayt dɛn bikɔs PAPA GƆD we na di Izrɛlayt dɛn PAPA GƆD, na di PAPA GƆD na ɛvin ɛn na di ath.

Jɔshwa 2:11 Iomraidhean Croise

1 Kiŋ 8:60

lɛ ɔlman na wɔl go no se PAPA GƆD na PAPA GƆD fɔ tru ɛn nɔn ɔda gɔd nɔ de.

2 Kiŋ 5:15

Neman ɛn ɔl in trup tɔn bak go mit di prɔfɛt ɛn tɛl am se na naw in no se PAPA GƆD nɔ de nɔn we na di wɔl pas Izrɛl, so in de beg am lɛ i tek di prɛzɛnt we i briŋ fɔ am.

Nɛimaya 6:16

We ɔl wi ɛnimi dɛn yɛri dis, ɔl udat tap na di kɔntri dɛn rawnd Jerusɛlɛm fred. Dɛn giv ɔp bikɔs dɛn kechɔp se na bay PAPA GƆD in pawa mek wi ebul du di wok.

Ɛsta 8:17

Ɔlɔbɔt we dɛn yɛri di lɔ, di Ju dɛn gladi. Dɛn mek ɔlide ɛn sɛlibret. Bɔku pan di ɔda pipul bigin se dɛnsɛf na Ju, bikɔs dɛn bin de fred de Ju dɛn.

Di Sam Dɛm 102:15

Ɔlman na wɔl fɔ fred yu ɛn di kiŋ dɛn ɔl go fred ɛn rɛspɛkt yu.

Di Sam Dɛm 22:14

Dɛn mek a so wik mi jɔynt ɛn mi bon dɛn ɔl de at. A dɔn giv ɔp. A nɔ fit fɔ natin igen; A tan lɛk waks we de kɔmɔt pan kyandul we i de bɔn.

Di Sam Dɛm 58:7

Lɛ dɛn lɔs lɛkɛ aw wata kin lɔs na dray grɔn, dɛn nɔ ebul fɔ shut dɛn aro;

Di Sam Dɛm 83:18

Lɛ dɛn ɔl no se, yu na PAPA GƆD di PAPA GƆD Ɔlmayti lɛ dɛn no se na yu waŋren na PAPA GƆD fɔ di wɔl.

Ɛksodɔs 15:14

Wɛn ɔda neshɔn dɛn yɛri wetin yu du, dɛn trimbul; Bad, bad pen grip di pipul dɛn na Filistia, ɛn dɛn bɔtɔm bɛlɛ bwɛl.

Ɛksodɔs 15:15

Di chif dɛn na Idɔm dɛn at pwɛl, bad, bad fred ol di bigman dɛn na Moab; di pipul dɛn na Kenan luz op.

Ayzaya 13:7

Fɔseka dat, ɔl dɛn an go fɛkɛ fɛkɛ, ɛn ɔlman go fred bad bad wan,

Ayzaya 19:1

Wetin PAPA GƆD se go apin to Ijipt. Una luk o, PAPA GƆD de rayd pantap wan klawd we gɛt spid ɛn kam na Ijipt; di laylay gɔd dɛn na Ijipt go trimbul bifo am ɛn di Ijipshian dɛn go wan day wit fred.

Izikɛl 21:15

so dat dɛn at dɛn go pwɛl, ɛn bɔku go day na ɔl dɛn get dɛm. A dɔn gi di sɔd we de shayn; o ya, dɛn dɔn mek am lɛk laytin, dɛn dɔn pɔlish am fɔ kil.

Neum 2:10

Ninivɛ pwɛl kpatakpata, ɔlman at kɔmɔt nain atkes dɛn ɔlman bɔdi brok ɛn nɔ no wetin fɔ du; na so fred rayt na dɛn ɔl fes.

Ditarɔnɔmi 1:28

I se di Izrɛlayt dɛn se if na da ples de dɛn fɔ go, we dɛn brɔda dɛn dɔn tɛl dɛn bad bad tin dɛn bɔt, tin dɛn we mek dɛn fred. We dɛn se di pipul dɛn ay ay pas dɛn, ɛn di wɔl dɛn we de rawnd di siti ay te dɛn de rich di skay, ɛn na jayant dɛn de de.

Ditarɔnɔmi 20:8

Mozis se we dɛn go dɔn tɔk ɔl dat dɔn, di ɔfisa dɛn go aks dɛn se if ɛnibɔdi de de we in at wik ɛn de fred, lɛ i go bak wantɛm lɛ i nɔ kam mek in kɔmpin dɛn kam bigin fred.

Ditarɔnɔmi 4:39

Mozis kɛriɔn se, dat fɔ mek dɛn no se na PAPA GƆD na PAPA GƆD ɔp na ɛvin ɛn na PAPA GƆD dɔŋ na ath; nɔn ɔda PAPA GƆD igen nɔ de, pas in waŋren.

Jɔshwa 14:8

I tɛl an se na di ɔda man dɛn we dɛn ɔl bin go bin tɔk tin dɛn we bin mek di pipul dɛn fred; in bin obe PAPA GƆD we nain PAPA GƆD.

Jɔshwa 2:24

Dɛn tɛl am se fɔ tru tru, PAPA GƆD dɔn gi dɛn da land de, ɛn ɔl di pipul dɛn dɔn fred dɛn di Izrɛlayt dɛn.

Jɔshwa 5:1

We ɔl di Amorayt kiŋ dɛn we bin de na di wɛst say na Riva Jɔdan ɛn ɔl di Kenanayt kiŋ dɛn we de nia di si yɛri se PAPA GƆD mek Riva Jɔdan dray fɔ di Izrɛlayt dɛn fɔ krɔs, ɛn i mek i dray te dɛn krɔs dɔn, dɛn ɔl at pwɛl ɛn dɛn nɔ bin gɛt op igen bikɔs dɛn de fred di Izrɛlayt dɛn.

Jɔshwa 7:5

di man dɛn na Ay rɔnata di Izrɛlayt dɛn frɔm di siti get te dɛn go dɔŋ di il, te rich sɔm kwari eria. Na bɔt tati siks Izrɛlayt sojaman dɛn dɛn kil. Dat mek dɛn at pwɛl ɛn dɛn bin fred.

Jɔshwa 9:24

Nain di Gibɛɔnayt dɛn se dɛn lay gi Jɔshwa dɛn bikɔs dɛn bin dɔn yɛri se PAPA GƆD we na dɛn PAPA GƆD bin dɔn tɛl in wokman Mozis traŋa wan se, i fɔ kil ɔl di pipul dɛn na di land we i sho an ɛn gi di land to di Izrɛlayt dɛn. So dɛn bin de fred bad bad wan fɔ dɛn layf.

Rɛvɛleshɔn 6:16

Frɔm di ples we dɛn bin de na di ay il dɛn, dɛn bin de ala tɛl dɛn il ɛn dɛn big ston se, “Fɔdɔm pan wi, una ayd wi mek di wan we sidɔm pan di ay chia we kiŋ kin sidɔm nɔ si wi ɛn mek di vɛks we di Ship vɛks nɔ kam pan wi!