Jɔshwa 18:1 - Krio Fɔs Oli Baybul

¹ Di Izrɛlayt dɛn bin dɔn kapchɔ di wanol land. So dɛn ɔl go mit na Shilɔ usay dɛn go mek ples we dɛn put di Ak ɔf di Kɔvinant.

Jɔshwa 18:1 Iomraidhean Croise

Jɔshwa 19:51

Na Ɛlieza we na man we de mek sakrifays fɔ pipul sin, Jɔshwa we na Nɔn in pikin ɛn di edman dɛn fɔ di difrɛn difrɛn fambul ɛn famili dɛn na Izrɛl bin sheb di land bay we dɛn bin aks PAPA GƆD fɔ sho dɛn usay udat fɔ gɛt. Na so dɛn bin sheb di land dɔn.

1 Samiɛl 1:3

Ɛvri ia dis man kin kɔmɔt usay i tap na Rama, i kin go ɔp na Shaylɔ fɔ go wɔship PAPA GƆD Ɔlmayti de ɛn mek sakrifays to am. Na de Ofni ɛn Finɛas we na Ilaɛl in bɔypikin dɛn bin de as man dɛn we de mek sakrifays fɔ pipul sin to PAPA GƆD.

Jɔshwa 21:2

ɛn tɛl dɛn se PAPA GƆD bin tɛl Mozis traŋa wan se dɛn fɔ gi dɛn di Livayt fambul land fɔ dɛnsɛf ɛn i fɔ bi land we gɛt plɛnti gras fɔ dɛn animal dɛn.

Jɛrimaya 26:6

A go mek dis Tɛmpul tan lɛk Shilo, ɛn a go mek ɔlman na wɔl yuz dis siti in nem fɔ de swɛ.’”

Jɔshwa 22:9

So di Rubɛn, di Gad ɛn Istɛn Manasɛ fambul, kɔmɔt na di Izrɛlayt dɛn we de Shaylɔ dɛn land ɛn go na dɛn yon land na Giliad na di ist say to Riva Jɔdan. Mozis bin dɔn tɛl dɛn lɔlɔntɛm se na di land dawande we PAPA GƆD se in go gi dɛn.

Di Sam Dɛm 78:66

I tɔn am gi in ɛnimi dɛn bak ɛn put dɛn pan ɛvalastin disgres

1 Kiŋ 14:2

na de Jɛroboam tɛl in wɛf se lɛ i go na Shaylo to prɔfɛt Aija ɛn mek lɛk fɔ se in nɔto in wɛf. I se na da prɔfɛt de bin tɛl am se in go bi kiŋ.

1 Kiŋ 2:27

Sɔlɔmɔn sak Abiata pan di wok as man we de mek sakrifays fɔ pipul sin. Ɔl dis bi fɔ lɛ wetin PAPA GƆD bin se kam tru. I bin tɔk na Shaylo to Ilaɛl se in jɛnareshɔn nɔ go wok fɔ am igen as man dɛn we de mek sakrifays fɔ pipul sin.

1 Samiɛl 1:24

Wɛn i dɔn win di pikin dɔn, i tek di pikin smɔl wan so, wit wan tri-ia ol man kaw, wan bushɛl flawa ɛn wan jɔg wayn, ɛn kɛr di pikin go na PAPA GƆD in os na Shaylɔ.

Di Jɔj Dɛm 18:31

Ɔl di tɛm we PAPA GƆD os de na Shaylɔ, na Mayka in imej we i mek, bin de na PAPA GƆD in os.

1 Kiŋ 14:4

Di uman insɛf du wetin Jɛroboam se ɛn go na Shaylo to Aija. Aija nɔ bin de si igen, in yay bin dɔn go bifo go wet am.

Di Jɔj Dɛm 21:19

Nain dɛn se, di fɛstival we dɛn kin ol ebri ia fɔ PAPA GƆD na Shaylɔ we de na di nɔt pat to Bɛtɛl, di ist pat to di rod we kɔmɔt Bɛtɛl go Shɛkɛm, ɛn di sawt pat to Libanɔn, de kam.

Apɔsul Dɛn Wok 7:45

Wi grampapa papa dɛn we bin de fɔs, day lɛf di bafa gi dɛn ɔda wan we tot am wɛn dɛn bin de go wit Jɔshwa, ɛn dɛn tek di kɔntri na dɛn ɔda neshɔn dɛn an we Gɔd bin drɛb go ɔda say bifo Jɔshwa ɛn di pipul dɛn bin rich de. Di bafa bin de na da kɔntri de, te di tɛm we Devid bin de rul.

Jɔshwa 18:2

Bɔt sɛvin fambul dɛn bin stil de we Jɔshwa nɔ bin gi land yet.

Jɔshwa 18:8

Jɔshwa tɛl di man dɛn we di sɛvin fambul pik fɔ go sɔve di land se mek dɛn go sɔve ɛn drɔ di land na pepa go gi am so in go fɛnɔt to PAPA GƆD insay Shilɔ de aw fɔ sheb di land gi dɛn.

Jɔshwa 22:12

We dɛn yɛri se na so dɔn bi, ɔl di man dɛn go gɛda na Shaylɔ fɔ go fɛt di tri fambul dɛn; dat na di Rubɛn, di Gad ɛn af di Manasɛ fambul.

2 Samiɛl 7:6

Tɛl am se frɔm we a pul di Izrɛlayt dɛn kɔmɔt na Ijipt te naw we a de tɔk to yu so, a nɔ tap insay os.

Nɛimaya 9:24

Dɛn bɔypikin dɛnsɛf go insay go tek kɔntrol ɔf di land. Yu lili di Kenanayt dɛn we bin tap na di land bifo dɛn, yu an ova di Kenanayt wit dɛn Kiŋ dɛn ɛn di pipul dɛn we bin tap na di land, gi dɛn fɔ du wetin dɛn want.

Di Sam Dɛm 78:60

I kɔmɔt usay i de na Shaylɔ usay i bin dɔn tap di tɛm we i bin tap wit mɔtalman.

Jɛrimaya 26:9

Wetin du yu dɔn prɔfisay wit PAPA GƆD in nem, se, “Dis Os go tan lɛkɛ Shilɔ, ɛn dis siti go bi gud fɔ natin, ɛn nɔbɔdi nɔ go tap de?” Ɛn ɔl di pipul dɛn gɛda rawnd Jɛrimaya insay PAPA GƆD in os.

Jɛrimaya 41:5

eti man we kɔmɔt Shɛkɛm, Shilo ɛn Sameria, we dɛn bia bia shev, dɛn klos chɛr chɛr ɛn dɛn bɔdi kɔt kɔt, kam de briŋ sid ɔfrin ɛn insɛns fɔ kam gi na PAPA GƆD in os.

Di Nɔmba Dɛm 32:22

ɛn we dɛn dɔn win dɛn ɛn tek di land, dɛn di Gadayt ɛn Rubɛnayt kin tɔn bak ɛn dɛn go fri bifo PAPA GƆD ɛn di ɔda Izrɛlayt dɛn. Da tɛm de dɛn go tɛl PAPA GƆD se na dɛn gɛt di land.

Jɔshwa 22:19

Dɛn tɛl dɛn se if dɛn land gɛt sin we mek dɛn nɔ wan wɔship de, lɛ dɛn krɔs go oba to dɛn bak usay di Ak ɔf di Kɔvinant de, go tap de wit dɛn, nɔ duya, lɛ dɛn nɔ bil ɔlta fɔ dɛnsɛf ɛn tɔn dɛn bak pan PAPA GƆD we na dɛn PAPA GƆD.

Di Jɔj Dɛm 21:12

Ɔl ɛn ɔl, na fo ɔndrɛd yɔŋ vajin we nɔ no man, we min se dɛn nɔ lidɔm wit man wande, dɛn fɛn pan di pipul dɛn na Jabɛsh Giliad; dɛn kɛr dɛn go na di kamp na Shaylɔ we de na Kenan.