Jɔshwa 17:1 - Krio Fɔs Oli Baybul

¹ Jɔshwa gi di Manasɛ fambul we na Josɛf in fɔs-bɔy-pikin in jɛnareshɔn dɛn big land pas ɔl di ɔda fambul dɛn na Izrɛl. Makaya na bin Manasɛ in big bɔypikin ɛn insɛf bin gɛt bɔypikin we nem Gilyad. Makaya na bin gud gud sojaman we ɔlman no ɛn Jɔshwa bin gi Mayka, Gilyad Siti ɛn Beshan Siti we de na di ist pat to Riva Jɔdan.

Jɔshwa 17:1 Iomraidhean Croise

Jɛnɛsis 41:51

Josɛf gi in fɔs-bɔy-pikin nem Manasɛ. I se, “PAPA GƆD dɔn mek a fɔgɛt ɔl mi waala ɛn ɔl mi papa in fambul dɛn.”

Jɛnɛsis 41:52

I gi in sɛkɛn pikin nem Ifrem. I tɔk se, “PAPA GƆD dɔn gi mi pikin na di kɔntri usay a sɔfa.”

Jɛnɛsis 46:20

We Josɛf de na Ijipt, i bɔn tu bɔypikin dɛn we nem Manasɛ ɛn Ifrem. Dɛn mama na bin Asɛnath we in papa na bin di man we de tɔk to PAPA GƆD fɔ di pipul dɛn. In papa nem Pɔtifɛra ɛn i bin tap na Ɛliopolis.

Jɛnɛsis 48:17

Josɛf bin fil bad we i si se in papa put in raytan na Ifrem in ed; i tray fɔ pul in papa in an na Ifrem in ed ɛn put am na Manasɛ in ed.

Jɛnɛsis 48:18

I tɛl in papa se, nɔto so i fɔ du, na Manasɛ na di big wan; so lɛ i put in raytan nain ed.

Jɛnɛsis 50:23

I bin de fɔ si Ifrem in pikin dɛn. Dɔn Manasɛ in bɔypikin, Maka, insɛf yon pikin bin bɔn na Josɛf in an.

2 Samiɛl 2:9

usay dɛn go mek am kiŋ fɔ Giliad, Ashɔri, Asha ɛn Jɛzril. Dɛn mek am kiŋ fɔ Ifrem, Bɛnjamin ɛn di wanol Izrɛl bak.

1 Kronikuls 2:23

Bɔt Geshɔ ɛn Aram tek Avɔt jair, kɛnat ɛn ɔl in vilej dɛm ɛn siksti siti. Ɔl dɛn wan ya na Maki we na Giliad in papa, in Jenareshɔn.

Izikɛl 47:13

Na dis PAPA GƆD se: “na dɛn wan ya na di bawndri dɛm we una go tek fɔ sheb di land pan di Izrɛl twɛlv fambul fɔ bi dɛn prɔpati. Josɛf go gɛt tu pɔshɔn, ɛn una go sheb am ikwal wan.

Izikɛl 48:4

Nɛks to Naftali in yon say we i gɛt, frɔm di ist say to di wɛst, na fɔ Manasɛ, we na ɔda pɔshɔn.

Di Nɔmba Dɛm 26:29

Di wan dɛn we kɔmɔt bay Manasɛ na: bay Maka we bɔn Giliad, dat na di Makarayt; bay Giliad, dat na di Giliadayt.

Di Nɔmba Dɛm 27:1

Zɛlofead in gyal pikin dɛn kɔmɔt na Josɛf in fambul layn bay Manasɛ we na Josɛf in bɔypikin. Zɛlofead in papa na Ifa we na Giliad in bɔypikin ɛn Maka we na Manasɛ in bɔypikin na bin in grampa. Di gyal pikin dɛn nem Mala, Noa, Ɔgla, Milka ɛn Tiza.

Di Nɔmba Dɛm 32:33

So Mozis gi di Gadayt, di Rubɛnayt ɛn af ɔf Manasɛ we na Josɛf in pikin in fambul dɛn, di ples usay Sayɔn we na di Amɔrayt dɛn kiŋ ɛn di ples usay Ɔg we na kiŋ na Beshan wit ɔl di siti dɛn we de rawnd dɛn.

Ditarɔnɔmi 21:17

I fɔ trit di uman we i nɔ lɛk, in yon fɔs-bɔy-pikin as di big wan, so i fɔ sheb in prɔpati tri pat, ɛn gi am tu pat, bikɔs nain fɔs mek ɔlman no se in papa ebul bɔn bɔypikin. Nain gɛt di fɔs-bɔy-pikin pawa.

Jɔshwa 17:2

Jɔshwa gi di sɛkɛn af pan di Manasɛ fambul di land we de na di wɛst pat na Riva Jɔdan. Di man dɛn we kɔmɔt na di Manasɛ fambul na Abieza, Ɛlɛk, Asriɛl, Shɛkɛm, Ɛfa ɛn Shɛmida. Dɛn ɔl na bin edman fɔ dɛn famili dɛn ɛn ɔl di famili dɛn bin gɛt land na di wɛst pat na Riva Jɔdan.

Jɔshwa 22:7

Mozis bin dɔn gi di land na di ist to Riva Jɔdan to af pan di Manasɛ fambul, ɛn i bin gi di ɔda af pan di Manasɛ fambul togɛda wit ɔda trayb dɛn, di land na di wɛst pat to di Riva Jɔdan. Bifo dɛn go, Jɔshwa blɛs dɛn.

Di Jɔj Dɛm 5:14

Na Ifrem dɛn kɔmɔt kam na di vali, ɛn dɛn tinap wit Bɛnjamin ɛn in fambul dɛn. Di kɔmanda dɛn kɔmɔt Mekir ɛn di ɔfisa dɛn kɔmɔt na di Zɛbyulɔn fambul.