Jɔshwa 13:9 - Krio Fɔs Oli Baybul

⁹ Di land we dɛn gɛt kɔmɔt na di ist pat oba Riva Jɔdan te rich Aroa Siti de nia Anɔn Vali. Na dɛn gɛt di siti we de midul di vali, di flat land dɛn frɔm Mɛdɛba te rich Dibɔn,

Jɔshwa 13:9 Iomraidhean Croise

2 Samiɛl 24:5

We dɛn dɔn krɔs Riva Jɔdan, dɛn kamp nia Aroa we de na di sawtɛn pat na di siti to usay stip na di vali ɛn pas insay Gad go na Jezɛ.

1 Kronikuls 19:7

Dɛn aya tati tu tawzin chariɔt ɛn di kiŋ na Mayaka wit in ami, we kam kamp bifo Mɛdeba. Dɔn dɛn gɛda ɔl di Amonayt dɛn kɔmɔt na dɛn siti dɛn fɔ kam fɛt.

Nɛimaya 11:25

We i kam pan di vilej wit dɛn fam dɛn, sɔm pan di pipul dɛn na Juda tap na Kiriath Aba ɛn di eria, na Dibɔn ɛn in eria, na Jɛkabziɛl ɛn in vilej dɛn,

Ayzaya 15:2

Daybɔn in gyal pikin dɔn go ɔp na di ay ples dɛn fɔ go kray; Moab de kray fɔ Nibo ɛn Mɛdiba. Ɔlman krep in ed, ɛn ɔlman shev in bia bia;

Jɛrimaya 48:18

“Kam dɔŋ kɔmɔt na yu glɔri, ɛn sidɔm na di dray grɔn, Una we tap na Dibɔn! Bikɔs di wan we de nyakanyaka Moab dɔn kam atak una; i dɔn nyakanyaka di ples dɛn we una biliv fɔ ayd.

Jɛrimaya 48:22

ɛn pan Dibɔn ɛn Nɛbo, ɛn pan Bɛt Diblataim,

Jɛrimaya 48:8

Di wan we de nyakanyaka pipul ɛn dɛn ples dɛm, go kam na ɔl di siti dɛm, ɛn nɔn siti nɔ go ɛskep; dɛn go pwɛl di vali, ɛn go nyakanyaka di flat land, jɛs lɛkɛ aw PAPA GƆD bin se.

Di Nɔmba Dɛm 21:30

Bɔt wi dɔn ovatro dɛn; Ɛshbɔn dɔn pwɛl te rich Dibɔn. Wi dɔn nyamanyama am te rich Nofa, we go te rich Mɛdɛba.

Ditarɔnɔmi 2:36

Mozis se frɔm Aroa we de nia di Anɔn vali ɛn di siti we de na di vali te rich Giliad, nɔn siti nɔ bin de we PAPA GƆD we na dɛn PAPA GƆD nɔ bin mek dɛn nɔ kapchɔ.

Ditarɔnɔmi 3:12

Mozis se we dɛn bin kapchɔ di land we de na di ist pat na Jɔdan, i bin gi di Rubɛnayt ɛn di Gadayt dɛn di land frɔm Aroa we de bay Anɔn Vali ɛn af pan Giliad we gɛt so so il.

Ditarɔnɔmi 3:16

ɛn i bin gi di Rubɛnayt ɛn di Gadayt dɛn di land we kɔmɔt frɔm di sawt na Giliad, te rich Anɔn Vali, ɛn na midul di Vali dɛn mak di bawndri te rich Riva Jabɔk, we na di Amɔrayt dɛn yon bawndri.

Jɔshwa 12:2

Wan pan di kiŋ dɛn we Mozis bin kɔnka na Kiŋ Sayɔn. Na bin Amɔrayt kiŋ we bin de rul Ɛshbɔn; i bin de rul af ɔf Gilgal, dat na di sawt pat we na bin bitwin Jabɔk Riva Vali na di nɔth ɛn Anɔn Vali na di sawt. Di wanol eria we i bin de rul na bin frɔm Ɛshbɔn te rich Aroa Siti bay di Anɔn Vali na di sawt ist, ɛn frɔm Ɛshbɔn te rich di siti na di Anɔn Vali, afwe bitwin Aroa ɛn di Dɛd Si.

Jɔshwa 13:10

di siti dɛn we de te rich di Amonayt dɛn bawndri we Kiŋ Sayɔn, da Amɔrayt kiŋ we bin tap na Ɛshbɔn, bin de rul,

Jɔshwa 13:16

Dɛn land kɔmɔt Aroa we de bay Anɔn Vali, te rich di siti we de midul di vali ɛn ɔl di land dɛn we de nia Mɛdɛba,

Jɔshwa 13:8

Mozis we na bin PAPA GƆD in wokman bin dɔn gi di Rubɛnayt, di Gadayt ɛn di ɔda af pan di Manasɛ fambul dɛn yon land na di ist pat oba Riva Jɔdan ɛn dɛn bin ɔlrɛdi dɔn tap de.