Jɔshwa 13:8 - Krio Fɔs Oli Baybul

⁸ Mozis we na bin PAPA GƆD in wokman bin dɔn gi di Rubɛnayt, di Gadayt ɛn di ɔda af pan di Manasɛ fambul dɛn yon land na di ist pat oba Riva Jɔdan ɛn dɛn bin ɔlrɛdi dɔn tap de.

Jɔshwa 13:8 Iomraidhean Croise

Di Nɔmba Dɛm 32:19

Dɛn se, dɛn nɔ go gɛt pan di prɔpati dɛn we de oba Riva Jɔdan as dɛn dɔn gɛt dɛn yon na di ist sayd pan di Riva.

Ditarɔnɔmi 3:8

Mozis se na di sem tɛm dɛn bin kapchɔ di tu land dɛn na tu Amɔrayt kiŋ dɛn an biɛn Riva Jɔdan, frɔm Anɔn Vali te rich Mawnt Amɔn.

Jɔshwa 12:1

Mozis bin dɔn tinap bifo dɛn fɔ go fɛt tu kiŋ na di ist pat to Riva Jɔdan ɛn kapchɔ ɔl dɛn land dɛn we kɔmɔt frɔm Anɔn Vali ɔp na Riva Jɔdan, te rich Mawnt Amɔn.

Jɔshwa 12:6

Na Mozis we na bin PAPA GƆD in wokman ɛn di Izrɛlayt dɛn bin kɔnka dɛn. Mozis bin sheb di land gi di Rubɛnayt, di Gadayt ɛn af pan di Manasɛ fambul dɛn.

Jɔshwa 13:7

PAPA GƆD tɛl Jɔshwa se i fɔ divayd da patikla land de fɔ nayn fambul ɛn af pan di Manasɛ fambul na Izrɛl.

Jɔshwa 13:9

Di land we dɛn gɛt kɔmɔt na di ist pat oba Riva Jɔdan te rich Aroa Siti de nia Anɔn Vali. Na dɛn gɛt di siti we de midul di vali, di flat land dɛn frɔm Mɛdɛba te rich Dibɔn,

Jɔshwa 22:4

I tɛl dɛn se PAPA GƆD we na dɛn PAPA GƆD dɔn du wetin I bin se in go du; I dɔn ɛp dɛn brɔda dɛn gɛt dɛn land. I se as we Mozis bin dɔn gi dɛn land na di ist pat to Riva Jɔdan, dɛn kin go bak na dɛn yon land.

Jɔshwa 4:12

Di Rubɛnayt dɛn, di Gadayt dɛn ɛn af di Manasɛ fambul tek ɔl dɛn wɛpɔn dɛn ɛn de frɔnt di pipul dɛn, jɔs lɛk aw Mozis bin dɔn se i fɔ bi;

1 Samiɛl 13:7

sɔm ivin rɔnawe, krɔs Riva Jɔdan go na Gad ɛn Giliad. Sɔl lɛf na Gilgal ɛn ɔl di sojaman dɛn we bin de wit am bin de fred.