Jɔshwa 13:3 - Krio Fɔs Oli Baybul

³ ɛn di Gɛshurayt dɛn land we de na di ist pat na Ijipt ɛn di Avim dɛn yon na di sawt. Di ɔda say we PAPA GƆD bin tɛl Jɔshwa fɔ kapchɔ na di land we bigin na Shiɔ watasay na di Ijipshian bɔda te rich Ɛkrɔn siti na di Nɔth.

Jɔshwa 13:3 Iomraidhean Croise

Jɛnɛsis 10:6

Am in bɔypikin dɛn na Kush, Ijipt, Put, ɛn Kenan.

Jɛnɛsis 15:18

Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis,

1 Kiŋ 8:65

Sɔlɔmɔn mek big big sɛlibreshɔn da tɛm de, ɛn di wanol Izrɛl bin jɔyn am. Pipul kɔmɔ Amath Pas na di nɔth ɛn di siti dɛn na di bɔda na Ijipt na di sawt kam jɔyn di sɛlibreshɔn. Dis sɛlibreshɔn las fɔ sɛvin de, dɔn dɛn ad ɔda sɛvin de bak; ɔl ɛn ɔl na fɔtin de dɛn sɛlibret bifo PAPA GƆD.

1 Kronikuls 13:5

Devid gɛda di wanol Izrɛl frɔm Shiɔ na Ijipt te rich di ples fɔ pas go insay Amat, fɔ briŋ PAPA GƆD in Ak ɔf di Kɔvinant kɔmɔt Kiriat Jearim, kam bak.

Ayzaya 23:3

ɛn dɔn pas na difrɛn difrɛn si; una bin gɛt kɔpɔ we una bin de bay ɛn sɛl kɔn we kɔmɔt Ijipt, we na Riva Nayl in bɛnifit; una bin de tredin wit ɔl dɛn kɔntri dɛn.

Jɛrimaya 2:18

Luk naw, wetin una gen we una go Ijipt, na fɔ drink wata na Riva Nayl? Ɔ wetin una gen we una go Asiria, na fɔ go drink wata na Riva Yufretis?

Ditarɔnɔmi 2:23

Fɔ di Avim dɛn we bin de na dɛn siti dɛn te rich Gaza, na di pipul dɛn we kɔmɔt Krit bin kam kil dɛn ɔl ɛn tek dɛn land.

Jɔshwa 13:13

Bɔt di Izrɛlayt dɛn nɔ bin drɛb di Gɛshurayt ɛn di Maakatayt dɛn; bifodat dɛn ɔl bin de togɛda te di tɛm we dɛn bin de rayt dis buk.

Di Jɔj Dɛm 16:5

Di filistin dɛn bigman dɛn go mit Dilayla ɛn tɛl am fɔ bɛl Samsin, fɔ ebul no usay in trɛnk de, ɛn aw dɛn go ebul wikin am, so dat dɛn go ebul chen am ɛn put am wanples. Di fayv bigman dɛn tɛl Dilayla se, dɛn ɔl wan bay wan go gi am ilɛvin ɔndrɛd silva kɔpɔ.

Di Jɔj Dɛm 3:3

Na di neshɔn dɛnwanya; di Filistin dɛn fayv siti, ɛn ɔl di Kenanayt dɛn siti, di Sidonian dɛn, di Ivayt dɛn we de na di Libanɔn Mawnten, dat na frɔm mawnt Baalath Amɔn te rich di rod fɔ go insay Amath Siti.

1 Samiɛl 5:1

Afta di Filistin dɛn dɔn siz di ak ɔf di Kɔvinant, dɛn pul am kɔmɔt na Ibɛniza kɛr am go na Ashdɔd.

1 Samiɛl 5:10

So dɛnsɛf sɛn di ak go na Ɛkrɔn. We dɛn rich na Ɛkrɔn wit di ak, di pipul dɛn na Ɛkrɔn se dɛn kɛr di ak go de fɔ go kil dɛn ɔl.

1 Samiɛl 5:8

So dɛn kɔl ɔl dɛn bigman dɛn go mitin fɔ disayd wetin fɔ du wit di ak. Dɛn ɔl se na fɔ kɛr am go na Gath. Na so dɛn tek muf di ak ɔf di Kɔvinant.

1 Samiɛl 6:4

Di Filistin dɛn aks di man dɛn uskayn tin dɛn fɔ sɛn fɔ sho se dɛn sɔri fɔ wetin dɛn du. Dɛn ansa se na fɔ mek fayv sɔntin wit gold we de sho bɔmp na di bɔdi ɛn mek fayv arata sɛf wit gold lɛkɛ aw na fayv Kiŋ dɛn gɛt na Filistia. Afta ɔl di sem tin we de mit di pipul dɛn, nain de mit di Kiŋ dɛn.