Jɔshwa 1:9 - Krio Fɔs Oli Baybul

⁹ PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

Jɔshwa 1:9 Iomraidhean Croise

Jɛnɛsis 28:15

Mɛmba se, A go de wit yu ɛnisay yu go. A go gyad yu, ɛn briŋ yu kam bak na dis land. A nɔ go kɔmɔt biɛn yu sote a dɔn du ɔl wetin a dɔn prɔmis yu.”

Jɛnɛsis 39:2

PAPA GƆD bin de wit Josɛf ɛn mek bɛtɛ fala am. I bin tap nain Ijipshian masta in os.

Jɛnɛsis 39:3

Pɔtifa bin si se PAPA GƆD de wit Josɛf ɛn de mek bɛtɛ fala am pan ɛnitin we i de du.

2 Samiɛl 13:28

Absalɔm gi in wokman dɛn ɔda se wɛn Amɔn dɔn drink bɔku wayn ɛn de fil fayn, dɛn fɔ wap am ɛn kil am. I se dɛn nɔ fɔ skyad, dɛn fɔ mek maynd as nain gi dɛn ɔda.

1 Kronikuls 28:20

Nain Devid tɛl Sɔlɔmɔn we nain bɔypikin se, “tinap lɛk man, tek kɔrej ɛn du am. Nɔ fred natin ɛn nɔ pwɛl at; bikɔs PAPA GƆD we na mi yon Gɔd de wit yu. I nɔ go fel yu, i nɔ go kɔmɔt biɛn yu, sote ɔl di wok we de fɔ du na PAPA GƆD in os, go dɔn.

2 Kronikuls 15:7

Bɔt una tek kɔrej! Una nɔ pwɛl at bikɔs yu go gɛt di pe fɔ yu wok.”

Di Sam Dɛm 46:7

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Ayzaya 43:1

Bɔt naw, na dis PAPA GƆD se, in we mek yu, yu Jekɔb, in we mol yu, yu Izrɛl: “Nɔ fred, a dɔn bay yu bak; A dɔn kɔl yu bay yu nem, yu na mi yon.

Ayzaya 43:5

Nɔ fred, bikɔs a de wit yu A go briŋ yu pikin dɛm kɔmɔt na di ist ɛn a go gɛda yu kɔmɔt na di wɛst;

Ayzaya 8:12

“Nɔ kɔl ɔl wetin dɛn pipul ya kɔl, ‘sikrit plan fɔ du bad’ se na sikrit plan fɔ du bad, ɛn nɔ fred wetin dɛn de fred, ɛn lɛ natin nɔ shek una at.

Daniɛl 10:19

Nain i tɛl mi se, ‘Yu mɔtalman we dɛn lɛk pasmak, nɔ fred, lɛ yu gɛt kol at; gɛt maynd ɛn gɛt ay kɔrej.” Wɛn i dɔn tɔk to mi dɔn, a bin gɛt trɛnk bak. Nain a se, “Lɛ mi masta tɔk bikɔs yu dɔn gi mi trɛnk.”

Egay 2:4

I se PAPA GƆD se Zɛrubabɛl nɔ fɔ pwɛlat, Jɔshwa, we na Jɛozedak in bɔypikin ɛn na di bigman fɔ dɛn man we de mek sakrifays fɔ pipul sin, insɛf nɔ fɔ pwɛlat wit ɔl di ɔda pipul na di land. PAPA GƆD se dɛn fɔ jɛs du di wok bikɔs in PAPA GƆD de wit dɛn,

Egay 2:5

lɛkɛ aw i bin dɔn prɔmis dɛn wɛn i bin pul dɛn kɔmɔt na Ijipt. In Spirit go de wit dɛn, so dɛn nɔ fɔ fred.

Apɔsul Dɛn Wok 4:19

Pita ɛn Jɔn aks dɛn se, “Una tɛl wi, wetin na di rayt tin we Gɔd want: wi fɔ gri fɔ du wetin mɔtalman want ɔ wi fɔ du wetin Gɔd want?

Ditarɔnɔmi 1:21

I tɛl dɛn se mek dɛn luk di land we PAPA GƆD dɔn rɛdi fɔ gi dɛn, lɛ dɛn go kapchɔ am ɛn tap de, jɛs lɛk aw PAPA GƆD we na dɛn fɔstɛm-papa dɛn PAPA GƆD, bin dɔn tɛl dɛn. I tɛl dɛn se mek dɛn nɔ fred ɔ pwɛl at pan natin.

Ditarɔnɔmi 20:1

Mozis tɛl di Izrɛlayt dɛn se we dɛn go fɔ go fɛt dɛn ɛnimi dɛn, ɛn si se di ɛnimi dɛn plɛnti ɛn gɛt ɔs ɛn karej, dɛn nɔ fɔ fred. PAPA GƆD we na dɛn PAPA GƆD we bin pul dɛn kɔmɔt Ijipt, go de wit dɛn.

Ditarɔnɔmi 31:23

PAPA GƆD bin gi Jɔshwa we na Nɔn in bɔypikin di pawa fɔ bi Izrɛl dɛn lida, ɛn bin tɛl am se, lɛ i tinap lɛk man, ɛn lɛ i nɔ fred natin; nain na di pɔsin we fɔ kɛr di Izrɛlayt dɛn go na di land we i bin dɔn swɛ se in go gi dɛn, ɛn in go de wit am.

Ditarɔnɔmi 31:28

Mozis se mek ɔl di bigman dɛn gɛda go mit am, bikɔs in gɛt wɔd fɔ tɛl dɛn, ɛn na ɛvin ɛn ath go bi in witnɛs.

Jɔshwa 1:10

So Jɔshwa tɛl ɔl di difrɛn fambul dɛn bigman dɛn

Jɔshwa 1:17

Dɛn tɛl am igen se, dɛn go obe am jɔs lɛk aw dɛn bin de obe Mozis ɛn dɛn pre se lɛ PAPA GƆD we na dɛn PAPA GƆD de wit am ɔltɛm lɛk aw I bin de wit Mozis.

Jɔshwa 1:18

Dɛn tɔk igen se, ɛnibɔdi we nɔ go wan du wetin Jɔshwa se, dɛn fɔ kil am. Di pipul dɛn tɛl am se lɛ i tinap lɛk man pan ɔltin.

Jɔshwa 10:25

Jɔshwa tɛl dɛn se mek dɛn mas dɛn ɛn nɔ fred bikɔs na so PAPA GƆD go de du dɛn ɛnimi dɛn we dɛn go gɛt fɔ de fɛt.

Jɔshwa 10:8

Bifo Jɔshwa ɛn in man dɛn lɛf fɔ go, PAPA GƆD tɛl an se lɛ i nɔ fred bikɔs in go mɔs mek dɛn win di fɛt.

Jɔshwa 3:7

Nain PAPA GƆD tɛl Jɔshwa se na da de de in go mek ɔlman no se na Jɔshwa na lida na Izrɛl, so dat dɛn go no se jɔs lɛkɛ aw in nɔ bin de lɛf Mozis, na so i go de wit am.

Jɔshwa 6:27

PAPA GƆD bin de ɛp Jɔshwa ɛn ɔlman bin yɛri bɔt am ɔlsay na da eria de.

Jɔshwa 8:1

PAPA GƆD tɛl Jɔshwa se mek i nɔ fred ɛn mek in at nɔ pwɛl; I se mek i tek ɔl in sojaman dɛn go na Ay bikɔs in go mek dɛn kapchɔ di kiŋ, in pipul dɛn ɛn in wanol kɔntri.

Di Jɔj Dɛm 6:14

Nain PAPA GƆD tɔn to am ɛn tɛl am se in de sɛn am naw; lɛ i go lɛk man lɛk we in na trɛnkman so, go fri Izrɛl kɔmɔt na di Midianayt dɛn an.

1 Samiɛl 10:7

Samiɛl se we ɔl dɛn tin ya we i tɔk bɔt dɔn bi to Sɔl, Sɔl naw fɔ du ɛnitin we i fil fɔ du bikɔs PAPA GƆD de wit am.