Jɔshwa 1:8 - Krio Fɔs Oli Baybul

⁸ PAPA GƆD se lɛ Jɔshwa mek shɔ se dɛn de rid di Lɔ Buk ɛnitɛm we dɛn pre to am ɛn wɔship am. I se dɛn fɔ de rid an de ɛn nɛt, so dat dɛn go no ɔl wetin de de fɔ ebul du ɔl wetin di lɔ se, so bɛtɛ go fala dɛn pan ɔl wetin dɛn put an pan.

Jɔshwa 1:8 Iomraidhean Croise

Jɛnɛsis 24:63

Ivin tɛm we san dɔn go dɔŋ i kɔmɔt na do go na di fil fɔ mɛditet; i es in ed ɔp ɛn si di kamɛl dɛn de kam.

2 Kronikuls 26:5

I mekɔp in maynd fɔ fɛn PAPA GƆD dyurin di tɛm we Zɛkaraya we bin de tich am fɔ rɛspɛkt PAPA GƆD, bin de; wans i bin de fɛn PAPA GƆD, PAPA GƆD bin mek i de go bifo.

Di Sam Dɛm 119:11

A dɔn kɔg yu wɔd so dat a nɔ go sin.

Di Sam Dɛm 119:15

A de stɔdi yu lɔ dɛn so dat a go ɔndastand yu.

Di Sam Dɛm 119:97

A lɛk yu lɔ dɛn bad bad wan! Na de ɛn nɛt a de stɔdi dɛn.

Di Sam Dɛm 119:99

A dɔn sabi sɛf pas di wan dɛn we tich mi, bikɔs a de stɔdi dɛn.

Di Sam Dɛm 19:14

E PAPA GƆD, a de pre se mek ɔl wetin de kɔmɔt na mi mɔt, ɛn ɔl wetin de na mi at, bi wetin yu go gladi fɔ tek na mi an. Yu na mi PAPA GƆD we de kɔba mi ɛn sev mi!

Di Sam Dɛm 40:10

A go tɔk bɔt aw yu sev mi ɛn a nɔ go kip am to misɛf; a go tɛl ɔlman se yu de sev yu pipul; ɛn yu lɛk dɛn ɔltɛm, ɛn de du wetin yu se yu go du.

Prɔvabs 3:1

Mi pikin, nɔ fɔgɛt wetin a de tich yu. Kip ɔl wetin a de tɛl yu so na yu at.

Ayzaya 59:21

“PAPA GƆD se, “As fɔ mi, dis na mi Kɔvinant wit dɛm: mi spirit we de pan yu ɛn mi wɔd we a dɔn put na yu mɔt, nɔ go kɔmɔt na yu mɔt, i nɔ go kɔmɔt na yu pikin dɛm mɔt, ɔ dɛn yon pikin pikin dɛn mɔt. Na so PAPA GƆD se, frɔm naw, ɛn sote go.”

Matyu 12:35

Pɔsin we gud, de mɛmba gud nain at, dat de mek i tɔk gud tin; bɔt bad pɔsin de mɛmba bad nain at ɛn na bad tin i de tɔk.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Matyu 7:21

“Nɔto ɔlman we de kɔl mi, ‘Masta, Masta’ go go usay Gɔd de rul na ɛvin. Na dɛn wan nɔmɔ we du wetin mi Papa, we de na ɛvin, want, go go de.

Matyu 7:24

“Ɛnibɔdi we de yɛri mi wɔd ɛn du wetin a tɛl am, da pɔsin de tan lɛk pɔsin we gɛt sɛns ɛn bil in os pan rɔk.

Lyuk 11:28

Jizɔs se, “Yɛs, dat na tru, bɔt mɔ blɛsin de fɔ di pipul dɛn we yɛri Gɔd in wɔd ɛn du wetin Gɔd tɛl dɛn.”

Jɔn 13:17

Naw we una dɔn no dat, una go gɛt big blɛsin if una du wetin a tɛl una fɔ du.

Jɔn 14:21

“Ɛnibɔdi we du wetin a tɛl am fɔ du, na pɔsin we lɛk mi bad. Mi Papa go lɛk am ɛn misɛf go lɛk am; ɛn a go mek i no mi gud.”

Lɛta Fɔ Ɛfisɔs 4:29

Una fɔ lɛf fɔ tɔk bad wɔd, una fɔ de tɔk dɛn wɔd we go ɛp ɔda pipul, so dat wetin una de tɔk go du gud fɔ di pipul dɛn we de yɛri una.

Ditarɔnɔmi 29:8

Dɛn bin tek dɛn land gi di Rubɛn fambul, di Gadayt ɛn af pan di Manasɛ fambul dɛn.

Ditarɔnɔmi 29:9

Mozis bin tɛl dɛn se lɛ dɛn mek shɔ se dɛn du ɔl wetin dɛn bin gri se dɛn go de du, we dɛn mek di Kɔvinant wit PAPA GƆD, so dat bɛtɛ go fala dɛn.

Ditarɔnɔmi 30:14

Mozis tɛl dɛn se di kɔmandmɛnt dɛn de wit dɛn, bikɔs dɛn bin dɔn no dɛn ɔl na dɛn at ɛn bin de rid dɛn.

Ditarɔnɔmi 31:11

di tɛm we ɔl di Izrɛlayt dɛn go go na di ples we PAPA GƆD we na dɛn PAPA GƆD go pik fɔ mek sakrifays ɛn wɔship am, dɛn fɔ rid di lɔ ɛn di tin dɛn we dɛn rayt bɔt aw dɛn fɔ de wit dɛn kɔmpin mɔtalman, lawd lawd wan mek ɔlman go yɛri.

Ditarɔnɔmi 31:24

We Mozis bin dɔn rayt di Lɔ na buk dɔn,

Ditarɔnɔmi 5:1

Mozis kɔl ɔl di Izrɛlayt dɛn ɛn tɛl dɛn se, Lɛ ɔlman na Izrɛl yɛri o bikɔs dɛn fɔ tek tɛm lan ɛn obe di lɔ dɛn we i de gi dɛn da de de.

Ditarɔnɔmi 5:29

I se PAPA GƆD bin se if na da kayn at de dɛn gɛt ɔl di tɛm fɔ rɛspɛkt am ɛn du ɔl wetin i se dɛn fɔ du, ɔltin bin fɔ fayn sote go fɔ dɛn ɛn dɛn pikin dɛn we nɔ bɔn yet.

Ditarɔnɔmi 5:32

Mozis tɛl di Izrɛlayt dɛn se, dɛn fɔ tek tɛm lɛ dɛn obe di lɔ dɛn we PAPA GƆD we na dɛn PAPA GƆD dɔn se dɛn fɔ obe, ɛn yuki yuki nɔ fɔ de pan dɛn.

Lɛta Fɔ Kɔlɔse 3:16

Krays in wɔndaful mɛsej fɔ de insay una at ɛn i fɔ tek rut insay una at. Una fɔ de lan una kɔmpin ɛn sho dɛn wetin fɔ du, na Krays in mɛsej go gi una sɛns fɔ du dat. Una fɔ de siŋ ɛn tɛl Gɔd tɛnki wit ɔl una at, una fɔ de siŋ dɛn Sams ɛn ɔl dɛn Gɔd siŋ ɛn dɛn siŋ we Gɔd in Spirit de gi pɔsin fɔ siŋ.

Jɔshwa 1:7

PAPA GƆD se na fɔ lɛ Jɔshwa tinap lɛkɛ man nɔmɔ ɛn lɛ i obe ɔl di lɔ dɛn we in bin dɔn gi Mozis, ɛn nɔ bɛn bɛn natin, ɛnisay dɛn go, bɛtɛ go fala dɛn.

Jɔshwa 8:34

We dɛn ɔl dɔn tinap, Jɔshwa rid ɔl di lɔ dɛn; di blɛsin ɛn di swɛ dɛn lawd lawd wan, jɔs lɛk aw i bin rayt na di lɔ buk.

Rɛvɛleshɔn 22:14

Blɛsin go de pan dɛn pipul we de was dɛn klos na di Ship in blɔd fɔ mek dɛn klin. Dɛn go gɛt di rayt fɔ go insay da tɔŋ de ɛn it di tin dɛn we di tik we de gi layf, de bia.