Jɔshwa 1:6 - Krio Fɔs Oli Baybul

⁶ PAPA GƆD tɛl Jɔshwa se i fɔ tinap lɛkɛ man, bikɔs nain go gɛt fɔ de bifo di pipul dɛn fɔ go kapchɔ di land we in PAPA GƆD bin dɔn swɛ to dɛn fɔstɛm-papa dɛn se, in go gi dɛn.

Jɔshwa 1:6 Iomraidhean Croise

Jɛnɛsis 12:7

PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Jɛnɛsis 26:3

Nɔ muf na ya naw ɛn a go de wit yu ɛn blɛs yu. A go gi yu ɛn yu jɛnareshɔn ɔl dis land lɛkɛ aw a bin dɔn swɛ to yu papa Ebraam se a go du.

2 Samiɛl 10:12

Dɛn kɔrej dɛnsɛf nɔ fɔ giv ɔp bɔt lɛ dɛn fɛt lɛk man fɔ dɛn pipul ɛn fɔ PAPA GƆD. I pre se mek PAPA GƆD du wetin i want fɔ du.

1 Kiŋ 2:2

I se, “Mi tɛm dɔn de rich fɔ go to mi pipul dɛn. Gɛt kɔrej, ɛn sho yusɛf to ɔlman se yu na bɔypikin,

1 Kronikuls 22:13

Datɛnde bɛtɛ go fala yu if yu tek tɛm du ɔl wetin PAPA GƆD we na yu Gɔd bin tɛl Mozis se Izrɛl fɔ de du. Tinap lɛk man ɛn nɔ fred. Nɔ fred natin; nɔ mek natin pwɛl yu at.

1 Kronikuls 28:10

Tek tɛm o, bikɔs PAPA GƆD dɔn pik yu fɔ bil os we fɔ de wɔship am; tinap lɛk man.

1 Kronikuls 28:20

Nain Devid tɛl Sɔlɔmɔn we nain bɔypikin se, “tinap lɛk man, tek kɔrej ɛn du am. Nɔ fred natin ɛn nɔ pwɛl at; bikɔs PAPA GƆD we na mi yon Gɔd de wit yu. I nɔ go fel yu, i nɔ go kɔmɔt biɛn yu, sote ɔl di wok we de fɔ du na PAPA GƆD in os, go dɔn.

2 Kronikuls 15:7

Bɔt una tek kɔrej! Una nɔ pwɛl at bikɔs yu go gɛt di pe fɔ yu wok.”

2 Kronikuls 20:11

luk naw, di pe we dɛn gi wi, na fɔ kam drɛb wi kɔmɔt na yu land we yu bin dɔn gi wi as wi yon prɔpati.

2 Kronikuls 20:7

Nɔt to yu we na wi Gɔd drɛb di wan dɛm we bin tap na dis land fɔ seka yu pipul dɛn we na Izrɛl; ɛn bin gi am to yu padi Ebraam in pikin dɛm se te go?

Di Sam Dɛm 27:14

Put yu trɔs pan PAPA GƆD. Nɔ giv ɔp put yu at dɔŋ. Put yu trɔs pan PAPA GƆD.

Daniɛl 10:19

Nain i tɛl mi se, ‘Yu mɔtalman we dɛn lɛk pasmak, nɔ fred, lɛ yu gɛt kol at; gɛt maynd ɛn gɛt ay kɔrej.” Wɛn i dɔn tɔk to mi dɔn, a bin gɛt trɛnk bak. Nain a se, “Lɛ mi masta tɔk bikɔs yu dɔn gi mi trɛnk.”

Egay 2:4

I se PAPA GƆD se Zɛrubabɛl nɔ fɔ pwɛlat, Jɔshwa, we na Jɛozedak in bɔypikin ɛn na di bigman fɔ dɛn man we de mek sakrifays fɔ pipul sin, insɛf nɔ fɔ pwɛlat wit ɔl di ɔda pipul na di land. PAPA GƆD se dɛn fɔ jɛs du di wok bikɔs in PAPA GƆD de wit dɛn,

Zɛkaraya 8:9

PAPA GƆD se, lɛ dɛn nɔ givɔp. Dɛn fɔ pik zil as dɛn dɔn de yɛri ɔl wetin in prɔfɛt dɛn bin dɔn de tɔk frɔm di tɛm we dɛn li fawndeshɔn fɔ bil PAPA GƆD Ɔlmayti in os bak.

Di Nɔmba Dɛm 26:53

na bay di nɔmba we ɛni wan fambul gɛt fɔ sheb di land we fɔ bi dɛn prɔpati.

Di Nɔmba Dɛm 33:53

Dɛn fɔ mek shɔ se dɛn mek di land bi dɛn yon ɛn sɛtul de bikɔs a dɔn gi dɛn di land fɔ bi dɛn yon.

1 Kɔrint 16:13

Una fɔ waydawek, una fɔ tinap traŋa pan di biliv we una biliv pan Gɔd, una fɔ gɛt kɔrej, una nɔ fɔ mek ɛnitin pul una pan di wok we una de du fɔ Gɔd.

Lɛta Fɔ Ɛfisɔs 6:10

Mek a tɛl una dis las wɔd bifo a dɔn wetin a de tɔk: Di wanwɔd we una gɛt wit Krays fɔ mek una abop pan di Masta in trɛnk ɛn di pawa we i gɛt.

Ditarɔnɔmi 1:21

I tɛl dɛn se mek dɛn luk di land we PAPA GƆD dɔn rɛdi fɔ gi dɛn, lɛ dɛn go kapchɔ am ɛn tap de, jɛs lɛk aw PAPA GƆD we na dɛn fɔstɛm-papa dɛn PAPA GƆD, bin dɔn tɛl dɛn. I tɛl dɛn se mek dɛn nɔ fred ɔ pwɛl at pan natin.

Ditarɔnɔmi 1:8

I se in PAPA GƆD dɔn gi dɛn ɔl di land, so dɛn fɔ go kapchɔ am ɛn tap na di land we PAPA GƆD bin dɔn prɔmis dɛn fɔstɛm-papa dɛn, Ebraam, Ayzak ɛn Jekɔb se i go gi dɛn ɛn dɛn grampikin dɛn we nɔ bɔn yet.

Ditarɔnɔmi 11:8

Mozis se if dɛn du ɔl wetin in tɛl dɛn da de de se PAPA GƆD se dɛn fɔ de du, dɛn go gɛt trɛnk ɛn pawa fɔ krɔs Riva Jɔdan go kapchɔ di land we dɛn fɔ go tek fɔ dɛnsɛf.

Ditarɔnɔmi 31:23

PAPA GƆD bin gi Jɔshwa we na Nɔn in bɔypikin di pawa fɔ bi Izrɛl dɛn lida, ɛn bin tɛl am se, lɛ i tinap lɛk man, ɛn lɛ i nɔ fred natin; nain na di pɔsin we fɔ kɛr di Izrɛlayt dɛn go na di land we i bin dɔn swɛ se in go gi dɛn, ɛn in go de wit am.

Sɛkɛn Lɛta To Timoti 2:1

Yu, mi pikin, lɛ di gud we Gɔd de du fɔ wi, bikɔs wi gɛt wanwɔd wit Jizɔs Krays, mek yu tinap traŋa.

Jɔshwa 1:18

Dɛn tɔk igen se, ɛnibɔdi we nɔ go wan du wetin Jɔshwa se, dɛn fɔ kil am. Di pipul dɛn tɛl am se lɛ i tinap lɛk man pan ɔltin.

Jɔshwa 1:7

PAPA GƆD se na fɔ lɛ Jɔshwa tinap lɛkɛ man nɔmɔ ɛn lɛ i obe ɔl di lɔ dɛn we in bin dɔn gi Mozis, ɛn nɔ bɛn bɛn natin, ɛnisay dɛn go, bɛtɛ go fala dɛn.

Jɔshwa 1:9

PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

Jɔshwa 10:25

Jɔshwa tɛl dɛn se mek dɛn mas dɛn ɛn nɔ fred bikɔs na so PAPA GƆD go de du dɛn ɛnimi dɛn we dɛn go gɛt fɔ de fɛt.

Jɔshwa 13:6

ɛn ɔl di pipul dɛn we de frɔm Libanɔn Mawnten te rich Misrɛfɔt-Maim. I se di Sidonian dɛnsɛf i go drɛb fɔseka Izrɛl. I tɛl Jɔshwa igen se i fɔ sheb di land gi di Izrɛlayt dɛn jɛs lɛk aw i bin tɛl an.

Jɔshwa 18:3

So Jɔshwa tɛl dɛn se dɛn nɔ fɔ wes mɔ tɛm fɔ go tek dɛn yon land.

Jɔshwa 21:43

PAPA GƆD bin dɔn prɔmis di Izrɛlayt dɛn fɔstɛmpapa dɛm se in go gi dɛn di land ɛn ɔl wetin i bin prɔmis, I du so. Di Izrɛlayt dɛn dɔn gɛt di land to dɛnsɛf.

Jɔshwa 5:6

Bɔt insay di fɔti ia we dɛn tek de waka na di ɛmti ples we pipul nɔ go ebul tap, ɔl di man dɛn we bin dɔn machɔ fɔ ebul fɛt, bin dɔn day. Dɛn nɔ bin rɛspɛkt PAPA GƆD ɛn I bin dɔn swɛ se in nɔ go mek dɛn si di land we gud fɔ plant ɛn fɔ mɛn animal, we i bin dɔn prɔmis dɛn fɔstɛm-papa dɛn.

1 Samiɛl 4:9

Dɛn kɔrej dɛnsɛf lɛ dɛn nɔ giv ɔp bɔt fɛt lɛk man dɛn ɔ nɔ so dɛn go tɔn slev to di Ibru dɛn lɛk aw di Ibru dɛn bin dɔn bi dɛn slev.