Jɔshwa 1:5 - Krio Fɔs Oli Baybul

⁵ PAPA GƆD tɛl Jɔshwa se, wans in de, tete Jɔshwa go day, nɔn ɔda neshɔn nɔ go ebul bit Izrɛl. I se as in nɔ bin kɔmɔt biɛn Mozis, na so in nɔ go ɛva kɔmɔt biɛn dɛn.

Jɔshwa 1:5 Iomraidhean Croise

Jɛnɛsis 39:2

PAPA GƆD bin de wit Josɛf ɛn mek bɛtɛ fala am. I bin tap nain Ijipshian masta in os.

1 Kiŋ 1:37

I se in de pre se lɛkɛ aw PAPA GƆD bin dɔn de wit di kiŋ, na so i go de wit Sɔlɔmɔn ɛn mek i femɔs pas in papa Kiŋ Devid.

1 Kiŋ 11:38

ɛn if i obe am ɛn du ɔl wetin i tɛl am fɔ du lɛkɛ aw Devid bin de du, in PAPA GƆD go de wit am ɛn mek in Jɛnareshɔn dɛnsɛf rul afta am.

1 Kiŋ 6:13

A go tap wit di Izrɛlayt dɛn; dɛn na mi pipul dɛn ɛn a nɔ go lɛf dɛn.”

1 Kiŋ 8:57

Mek PAPA GƆD wi PAPA GƆD de wit wi lɛkɛ aw i bin de wit wi papa dɛn, lɛ i nɔ ɛva lɛf wi ɔ fɔsek wi.

1 Kronikuls 28:20

Nain Devid tɛl Sɔlɔmɔn we nain bɔypikin se, “tinap lɛk man, tek kɔrej ɛn du am. Nɔ fred natin ɛn nɔ pwɛl at; bikɔs PAPA GƆD we na mi yon Gɔd de wit yu. I nɔ go fel yu, i nɔ go kɔmɔt biɛn yu, sote ɔl di wok we de fɔ du na PAPA GƆD in os, go dɔn.

Di Sam Dɛm 46:11

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Ɛksodɔs 3:12

Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”

Ayzaya 42:16

Ɛn a go pas dɛn blɛn yay na rod we dɛn nɔ no A go gayd dɛm na rod we dɛn nɔ no wande. A go tɔn di daknɛs we de bifo dɛm to layt, ɛn mek di rɔf ples dɛn to lɛbul grɔn. Na dɛn tin ya a go du, ɛn a nɔ go tɔn mi bak pan dɛm.

Jɛrimaya 1:8

Nɔ fred dɛm, bikɔs a de wit yu fɔ sev yu,” na so PAPA GƆD se.

Daniɛl 11:16

Bɔt di wan we go kam fɛt am, go du wetin in fil fɔ du, ɛn nɔbɔdi nɔ go ebul tinap bifo am; ɛn i go tinap na di land we dɛn de prez pas ɔl, ɛn i go gɛt pawa oba ɔl.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Lɛta Fɔ Rom 8:31

Wɛn wi luk ɔl dɛn tin ya, wetin wi go se? If Gɔd de fɔ wi, nɔbɔdi nɔ go ebul wi.

Lɛta Fɔ Rom 8:37

Bɔt insay ɔl dɛn tin ya, we de bi to wi, di wan we lɛk wi de mek wi ebul win ɔltɛm.

Ditarɔnɔmi 20:1

Mozis tɛl di Izrɛlayt dɛn se we dɛn go fɔ go fɛt dɛn ɛnimi dɛn, ɛn si se di ɛnimi dɛn plɛnti ɛn gɛt ɔs ɛn karej, dɛn nɔ fɔ fred. PAPA GƆD we na dɛn PAPA GƆD we bin pul dɛn kɔmɔt Ijipt, go de wit dɛn.

Ditarɔnɔmi 20:4

bikɔs na PAPA GƆD we na dɛn PAPA GƆD insɛf de go fɛt di ɛnimi fɔ dɛn, ɛn i go mek dɛn win.

Ditarɔnɔmi 31:23

PAPA GƆD bin gi Jɔshwa we na Nɔn in bɔypikin di pawa fɔ bi Izrɛl dɛn lida, ɛn bin tɛl am se, lɛ i tinap lɛk man, ɛn lɛ i nɔ fred natin; nain na di pɔsin we fɔ kɛr di Izrɛlayt dɛn go na di land we i bin dɔn swɛ se in go gi dɛn, ɛn in go de wit am.

Ditarɔnɔmi 4:31

ɛn we i bi se PAPA GƆD we na dɛn PAPA GƆD na PAPA GƆD we gɛt sɔri at, i go mɔs mɛmba di Kɔvinant we i bin dɔn mek wit dɛn fɔstɛm-papa dɛn ɛn go mɔs sɔri fɔ dɛn.

Ditarɔnɔmi 7:24

Mozis se dɛn go kil ɔl dɛn kiŋ dɛn ɛn nɔbɔdi nɔ go lɛf we dɛn go tek mɛmba dɛn. Dɛn nɔn nɔ go tinap fɔ fɛt di Izrɛlayt dɛn te dɛn kil dɛn ɔl dɔn.

Sɛkɛn Lɛta To Timoti 4:17

Bɔt di Masta bin de wit mi ɛn i gi mi pawa, we mek a ebul tɛl pipul ɔl di mɛsej, mek ɔl dɛn wan we nɔto Ju, yɛri; ɛn i mek a nɔ go insay layɔn mɔt.

Di Ibru Pipul Dɛn 13:5

Una nɔ put ɔl una at pan kɔpɔ ɔltɛm, una fɔ satisfay wit wetin una gɛt, bikɔs Gɔd dɔn se, “A nɔ go lɛf yu, a go de wit yu ɔltɛm fɔ ɛp yu.”

Jɔshwa 1:17

Dɛn tɛl am igen se, dɛn go obe am jɔs lɛk aw dɛn bin de obe Mozis ɛn dɛn pre se lɛ PAPA GƆD we na dɛn PAPA GƆD de wit am ɔltɛm lɛk aw I bin de wit Mozis.

Jɔshwa 1:9

PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

Jɔshwa 10:8

Bifo Jɔshwa ɛn in man dɛn lɛf fɔ go, PAPA GƆD tɛl an se lɛ i nɔ fred bikɔs in go mɔs mek dɛn win di fɛt.

Jɔshwa 21:44

PAPA GƆD mek dɛn bit ɔl dɛn ɛnimi dɛn bikɔs I bin prɔmis dɛn fɔstɛmpapa dɛm se in go mek dɛn ɛnjɔy pis na di land we in go gi dɛn. PAPA GƆD du wetin i bin prɔmis se i go du ɛn nɔn pan dɛn ɛnimi dɛn nɔ bin ebul bit dɛn.

Jɔshwa 3:7

Nain PAPA GƆD tɛl Jɔshwa se na da de de in go mek ɔlman no se na Jɔshwa na lida na Izrɛl, so dat dɛn go no se jɔs lɛkɛ aw in nɔ bin de lɛf Mozis, na so i go de wit am.

Jɔshwa 6:27

PAPA GƆD bin de ɛp Jɔshwa ɛn ɔlman bin yɛri bɔt am ɔlsay na da eria de.

Di Jɔj Dɛm 2:18

Ɛnitɛm we PAPA GƆD gi dɛn jɔj, PAPA GƆD kin de wit di jɔj; PAPA GƆD mek dɛn ɛnimi dɛn nɔ ebul dɛn ɔl di tɛn we jɔj dɛn bin de de, bikɔs i kin sɔri fɔ dɛn we dɛn kin de kray we dɛn ɛnimi dɛn kin de trit dɛn bad.

Di Jɔj Dɛm 6:16

Nain PAPA GƆD ansa an se in go de wit an ɛn in go mek i ebul kil ɔl di Midianayt dɛn lɛk we dɛn go kil wan pɔsin.

1 Samiɛl 10:7

Samiɛl se we ɔl dɛn tin ya we i tɔk bɔt dɔn bi to Sɔl, Sɔl naw fɔ du ɛnitin we i fil fɔ du bikɔs PAPA GƆD de wit am.