Jɔshwa 1:4 - Krio Fɔs Oli Baybul

⁴ PAPA GƆD tɛl am se in go gi dɛn ɔl di land we bigin from di ɛmti ples we pɔsin nɔ go ebul tap ɛn di il kɔntri dɛn we nem Libanɔn te rich di Riva Yufretis, ɛn ɔl di Itayt dɛn land te rich di Gret Si usay san de go dɔŋ, go bi dɛn land.

Jɔshwa 1:4 Iomraidhean Croise

1 Kiŋ 10:29

I bay wan karej siks ɔndrɛd silva kɔpɔ ɛn wan ɔs wan ɔndrɛd ɛn fifti. Na to dɛn man we bin de sɛl ɔs gi dɛn Itayt ɛn Sirian kiŋ dɛn Sɔlɔmɔn bin bay.

1 Kiŋ 4:21

Sɔlɔmɔn rul ɔl di kindɔm dɛn frɔm Riva Yufretis, to Filistia te rich na di bɔda fɔ go Ijipt. Ɔl dɛn kɔntri ya bin de ɔnda Sɔlɔmɔn ɛn bin de pe taks to am ɔl di tɛm we i bin de rul.

1 Kronikuls 18:3

Devid bin igen bit Adadeza we na kiŋ na Zoba we de nia Amat, we Adadeza bin de go fɔ go mek in imej na di riva Yufretis.

1 Kronikuls 5:9

Igen, i bin tap na di ist say ɔp to di say we di ɛmti ples we pɔsin nɔ go ebul tap bigin na dis pat na Riva Yufretis, bikɔs dɛn kaw dɛn dɔn plɛnti na Giliad.

Ɛzra 4:20

Jerusɛlɛm bin dɔn gɛt pawaful kiŋ dɛn we bin de rul te rich to di wɛst pat na Riva Yufretis, ɛn dɛn bin de pe taks, dyuti ɛn ɔda mɔni dɛn to am.

Ɛksodɔs 23:31

A go mek una bawndri bigin na di Rɛd Si te rich to di Filistin dɛn Si, dɔn frɔm di ples we pɔsin nɔ go ebul tap te rich dɔŋ di Riva Yufretis. A go mek una ebul di pipul dɛn we de na di kɔntri ɛn una go drɛb dɛn as una de go.

Ditarɔnɔmi 1:7

I tɛl dɛn fɔ pak dɛn tiŋs dɛn mek dɛn kɔntinyu dɛn patrol. I se dɛn fɔ go na dɛn Amɔrayt dɛn kɔntri we gɛt plɛnti plɛnti il, ɛn to dɛn neba dɛn kɔntri we de na di vali; to di kɔntri dɛn we de na il, di wan dɛn we de na flat grɔn, di ɔt ɛn dray ples, di wan dɛn we de nia di watasay, di Kenanayt dɛn kɔntri, na di nɔth say, te rich dɛn Libanɔn Mawnten, na di ist say, te rich di big big riva we na Riva Yufretis.

Ditarɔnɔmi 11:24

I se ɛni say we dɛn fut mas na dɛn yon; dɛn land go kɔmɔt frɔm di sawt pat na di ɛmti ples we pɔsin nɔ go ebul tap, te rich di Libanɔn Mawnten dɛn na di nɔth pat, ɛn frɔm Riva Yufretis na di ist pat, te rich di Mɛditarenian Si na di wɛst pat.

Ditarɔnɔmi 3:25

Duya, sɔri fɔ mi; mek a krɔs Riva Jɔdan ɛn si dis gud land we de oba Riva Jɔdan, mek a go si da fayn fayn kɔntri we gɛt so so il ɛn di il dɛn na Libanɔn.’

Rɛvɛleshɔn 9:14

Di vɔys tɔk to di enjɛl we mek siks we bin ol di trɔmpɛt, i se, “Lus dɛn fo enjɛl we tay klos da riva we dɛn kɔl Yufretis!”