Joɛl 3:13 - Krio Fɔs Oli Baybul

¹³ Put di nɛf we fɔ tek avɛst de bikɔs di tin dɛn fɔ avɛst dɔn rɛp. Fɔ go usay dɛn de mek wayn bikɔs di ples dɔn ful. Di kyas dɛn fɔ di wayn ful te dɛn rɔnoba, bikɔs di bad we de pan dɔn pasmak.

Joɛl 3:13 Iomraidhean Croise

Jɛnɛsis 13:13

Di pipul dɛn we bin tap na Sɔdɔm bin wikɛd, ɛn bin de du bad bad tin we PAPA GƆD nɔ lɛk.

Jɛnɛsis 15:16

Fo jɛnareshɔn go dɔn bɔn bifo ɛniwan go kam bak na ya so, bikɔs di tɛm nɔ go rich yet we di Amɔrayt dɛn sin go dɔn pasmak.”

Jɛnɛsis 18:20

So PAPA GƆD tɛl Ebraam se, in dɔn yɛri bad bad tin dɛn bɔt di pipul dɛn na Sɔdɔm ɛn Gomɔra, ɛn dɛn dɔn pasmak

Ayzaya 17:5

I go tan lɛk we pɔsin we de avɛst dɔn kɔt rɛs ɛn pak am wansay ɛn de pik di rɛs wit in an, ɛn lɛk we pɔsin de gɛda rɛs na Refaim Vali.

Ayzaya 63:3

“Mi wangren dɔn mas mas di say we dɛn de mek wayn, ɛn nɔbɔdi pan di pipul dɛn nɔ bin de wit mi; A waka dɛm wit wamat ɛn mas mas dɛn wit vɛksteshɔn; dɛn blɔd we de gi dɛn layf sprinkul pan mi klos, a dɔn sten ɔl wetin a wɛr.

Jɛrimaya 51:33

Bikɔs na dis PAPA GƆD Ɔlmayti, we na Izrɛl in Gɔd se: Babilɔn in gyalpikin na lɛkɛ grɔn fɔ mas mas kanda rɛs di tɛm we dɛn de mas mas am; bɔt afta lili tɛm, di tɛm ɔf in avɛst go kam.

Lamɛnteshɔn 1:15

PAPA GƆD nɔ tek ɔl mi ebi ebi sojaman dɛn mek natin, man dɛn we de wit mi; i gɛda man dɛn agens mi fɔ kil mi yɔŋman dɛn; PAPA GƆD dɔn nyakanyaka di vajingyal dɛn na Juda lɛk we dɛn kin mas mas greps usay dɛn de mek wayn.

Ozie 6:11

Yu Juda, di tɛm go kam we a go pɔnish yu fɔ di bad we yu du, di tɛm we a go gi mi pipul dɛn ɔl wetin dɛn bin dɔn lɔs bak.

Matyu 13:39

Ɛn di pɔsin we nɔ lɛk di man we gɛt di fam, ɛn we plant di gras na Setan. Di tɛm we dɛn kɔt di plant dɛn na di tɛm we di wɔl go dɔn, ɛn di wokman dɛn we de kɔt di plant dɛn na di enjɛl dɛn.

Mak 4:29

Wɛn di plant dɔn big du, di fama go tek wan kayn nɛf we dɛn kɔl sikul fɔ kɔt am, bikɔs i dɔn rich tɛm fɔ kɔt ɔl wetin i bin plant.”

Ditarɔnɔmi 16:9

Mozis tɛl di Izrɛlayt dɛn se dɛn fɔ kɔnt sɛvin wik frɔm di tɛm we dɛn bigin avɛst di tin dɛn we dɛn plant na dɛn fam.

Rɛvɛleshɔn 14:14

Wɛn dat dɔn, a luk bak, na de a si wan big wayt klawd. A si lɛkɛ wan mɔtalman sidɔm pan di klawd. I bin wɛr wan gold krawn nain ed ɛn i bin ol sɔntin nain an, dat na da nɛf we fɔ tek kɔt dɛn tin we dɛn plant wɛn dɛn dɔn rɛdi fɔ kɔt.

Rɛvɛleshɔn 19:15

I bin ol wan sɔd nain mɔt, we i go tek fɛt ɛn win ɔl dɛn neshɔn we nɔ de fala am. Na ayɛn staf i go tek rul dɛn, ɛn i go mas mas dɛn greps na di say we dɛn de mas dɛn fɔ pul dɛn wata, we go sho se Gɔd, we gɛt pawa pas ɔl, vɛks bad bad wan.