Joɛl 2:5 - Krio Fɔs Oli Baybul

⁵ Lɛk aw di chariɔt dɛnsɛf kin mek, na so dɛn de jomp pantap di mawnten, lɛk we faya de bɔn wit ayɛnkol ɛn de pwɛl ɔltin; lɛk aw pawaful ami kin rɛdi fɔ go fɛt.

Joɛl 2:5 Iomraidhean Croise

Job 39:20

Na yu mek i de jomp lɛk lokɔs? We i de blo nain nos sɛf kin mek pipul fred.

Ɛksodɔs 5:12

So di pipul dɛn skata ɔlɔbɔt na Ijipt de luk fɔ strɔ.

Ayzaya 30:30

Ɛn PAPA GƆD go mek pipul dɛn yɛri in kiŋ vɔys ɛn dɛn go si in an de kan dɔŋ fɔ blo wit bad bad vɛksteshɔn ɛn faya we de bɔn ɔltin, wit klawd we de sɛn tɛnda ɛn af af blɔk ays kan dɔŋ.

Ayzaya 5:24

Fɔseka dat, lɛk aw faya de bɔn di af af tik we kin lɛf na grɔn we dɛn kɔt rɛs, ɛn lɛk aw dray gras kin bɔn na faya, na so dɛn rut go tan lɛk tin we rɔtin di flawa we dɛn pul go flay go ɔp lɛk dɔst, bikɔs dɛn nɔ gri fɔ du wetin PAPA GƆD Ɔlmayti in lɔ se, ɛn nɔ gɛt rɛspɛkt fɔ di Oli Wan na Izrɛl in wɔd.

Jɛrimaya 50:42

Dɛn gɛt bo ɛn spia; dɛn wikɛd ɛn dɛn nɔ de sɔri. Di sawnd we dɛn de mek we dɛn de waka tan lɛk we di si de ala; dɛn de rayd ɔs, dɛn rɛdi fɔ fɛt yu, Yu Babilɔn in gyalpikin!

Matyu 3:12

I ol tin lɛkɛ lɔŋ fɔk fɔ tek pul di chaf chaf kɔmɔt pan di wit. I go gɛda in wit put am na sto ɛn i go bɔn di chaf chaf na faya we nɔ de tap fɔ bɔn.”

Rɛvɛleshɔn 9:9

Dɛn chɛst bin tan lɛkɛ ayɛn klos we dɛn de wɛr na wa, wɛn dɛn de flay di nɔys we dɛn fɛda bin de mek bin fiba lɛkɛ wɛn plɛnti ɔs de drɔ dɛn tin we dɛn kɔl chariɔt we gɛt ayɛn wil, go wa.