Joɛl 2:3 - Krio Fɔs Oli Baybul

³ Faya de bifo dɛn ɛn biɛn dɛnsɛf, faya de bɔn. Di land bifo dɛn tan lɛk aw da fam na Idɛn tan, bɔt afta dat di ples tan lɛk ɛmti land we pɔsin nɔ go ebul tap, ɛn natin nɔ de pas dɛn de.

Joɛl 2:3 Iomraidhean Croise

Jɛnɛsis 13:10

So Lɔt es in ed ɔp ɛn luk rawnd. I si se di flat grɔn na Jɔdan, sote go Zoa bin fayn ɛn gɛt plɛnti wata lɛkɛ da ples we PAPA GƆD mek fɔ Adam ɔ lɛkɛ di land na Ijipt. Dis na bifo PAPA GƆD dɔnawe wit Sɔdɔm ɛn Gomɔra.

Jɛnɛsis 2:8

Dɛn PAPA GƆD mek wan fam na Idɛn we de na di ist ɛn put di man we i bin dɔn mek de.

Di Sam Dɛm 50:3

Wi PAPA GƆD de kam bɔt nɔto kwayɛt wan; wayl faya go de kech bifo am, ɛn tinada go de blo rawnd am.

Di Sam Dɛm 97:3

Faya de de bifo am fɔ klia di we ɛn bɔn ɔl in ɛnimi dɛn kɔmɔt na rod.

Ɛksodɔs 10:15

Di lokɔs dɛn bin so bɔku ɔlsay na di grɔn, dat i blak. Dɛn pwɛl ɔl di plant dɛn ɛn ɔl di frut dɛn we da ren, we bin fɔdɔm lɛkɛ grabul-grabul bin lɛf. Dɛn nɔ lɛf wan grin lif sɛf pan ɛni tik ɔ plant insay Ijipt.

Ɛksodɔs 10:5

Di lokɔs dɛn go so bɔku dat dɛn go kɔba di grɔn ɛn nɔbɔdi nɔ go ebul si di grɔn. Dɛn go it ɔl di tin dɛn we da ren, we bin fɔdɔm lɛkɛ grabul-grabul nɔ bin pwɛl. Wan plant nɔ go lɛf na di fam.

Ayzaya 14:17

we mek di wɔl lɛk di ɛmti ples we pipul nɔ go ebul tap ɛn nyakanyaka in siti dɛn, we nɔ bin gri lɛ in prizina dɛn go om?’

Ayzaya 15:6

nɔbɔdi nɔ de go na Nimrim watasay; di gras dɔn wida, di wan we jɛs bɔs dɔn fɔdɔm, nɔn grin plant nɔ lɛf.

Ayzaya 33:4

ɛn dɛn de gɛda tif tin dɛn kɔmɔt wa lɛk we katapila de gɛda; lɛk aw lokɔs de jomp, na so pipul dɛn de jamp pan am.

Ayzaya 51:3

Bikɔs PAPA GƆD go koks Zayɔn; I go kɔnfɔt ɔl in ɛmti ples dɛn we dɔn pwɛl, ɛn i go mek in dray ɛn ɛmti ples tan lɛk Idɛn, In ɛmti ples we pɔsin nɔ go ebul tap, go tan lɛk PAPA GƆD in gadin; na jɔy ɛn gladi gladi go de de, wit tanksgivin ɛn pipul dɛn we de siŋ.

Ayzaya 9:18

Wikɛdnɛs kin bɔn lɛk faya, i de bɔn wayl bush ɛn chuk chuk; i de mek faya kech pan dɛn bush we tay tay pan dɛnsɛf na fɔrɛst, ɛn sɛn smok go ɔp tret wan.

Ayzaya 9:19

Fɔseka PAPA GƆD Ɔlmayti in vɛksteshɔn, di land dɔn bɔn, ɛn di pipul dɛn na lɛk dray lif fɔ di faya; nɔbɔdi nɔ de sɔri lɛf in brɔda sɛf.

Jɛrimaya 5:17

Dɛn go it ɔl wetin una avɛst ɛn ɔl di it we una gɛt fɔ it; dɛn go it una bɔypikin ɛn gyal pikin dɛm; dɛn go it una ship, got ɛn kaw dɛm; dɛn go it una greps ɛn una fig tik dɛm; una siti dɛn we una protɛkt ɛn abop pan, na sɔd dɛn go tek pwɛl dɛm.”

Izikɛl 36:35

Ɛn dɛn go se, ‘dis kɔntri we bin ɛmti, natin ɛn nɔbɔdi nɔ de de, dɔn tan naw, lɛk di gadin na Idɛn, ɛn pipul dɛn dɔn tap na di big siti dɛm we bin ɛmti, nɔbɔdi ɛn natin nɔ de de ɛn bin dɔn pwɛl pata pata ɛn we bin yuslɛs; ɛn dɛn dɔn strɛnkin dɛm traŋa traŋa wan.

Emɔs 7:4

A si ɔda vishɔn we PAPA GƆD we na GƆD sho mi: a si i de rɛdi fɔ pɔnish in pipul wit faya. Di faya bigin kech ɔnda di big oshɔn ɛn bigin bɔn di grɔn.

Abakɔk 1:6

I se in go mek di Babilonian dɛn we rɔf lɛk wetin, tek ova bɔku siti dɛn we nɔto dɛn yon.

Zɛkaraya 7:14

I se in go mek dɛn skata lɛk we tinada de blo go usay dɛn nɔ no bɔt dɛn. Na so di land we dɛn lɛf tek ɛmti. Da fayn fayn ples de ɛmti so.