Joɛl 2:1 - Krio Fɔs Oli Baybul

¹ Blo di trɔmpɛt na Zayɔn; mek nɔys fɔ kɔl atɛnshɔn pantap PAPA GƆD in oli mawnten! Lɛ ɔl di pipul we tap na di land trimbul bikɔs di de we PAPA GƆD de kam de nia,

Joɛl 2:1 Iomraidhean Croise

1 Kronikuls 15:28

So di wanol Izrɛl kɛr PAPA GƆD in Ak ɔf di Kɔvinant go wit lawd gladi nɔys, we di ɔn, di trɔmpɛt ɛn di simbɔl dɛn de ple, ɛn dɛn bin de ple di apɛn gita lawd lawd wan.

Di Sam Dɛm 119:120

Mi bɔdi kin trimbul wit fred ɛn rɛspɛkt fɔ yu. A de fred aw yu go jɔj mi.

Di Sam Dɛm 87:1

PAPA GƆD dɔn bil in siti, ɛn i mek Mawnt Zayɔn in fawndeshɔn;

Ɛksodɔs 10:14

Di lokɔs dɛn kam bɔku bɔku wan ɛn sidɔm ɔlsay na di kɔntri. Dis kayn tin nɔ wande bi ɛn i nɔ go ɛva bi.

Ayzaya 13:6

Kray o! PAPA GƆD in de dɔn de rich, di de we go kam lɛk we di Ɔlmayti de distrɔy!

Ayzaya 13:9

Biliv mi, PAPA GƆD in de, go kam, i go kruɛl, wit vɛksteshɔn, ɛn bad bad wamat fɔ mek di wɔl ɛmti ɛn fɔ distrɔy di sina dɛn kɔmɔt de.

Ayzaya 2:12

PAPA GƆD Ɔlmayti gɛt in yon de fɔ dil wit ɔl dɛn prawd wan dɛn ɛn dɛn wan we tink tumɔs bɔt dɛnsɛf, ɛn ɔl di wan dɛn we de es dɛnsɛf ɔp ɛn de kak;

Ayzaya 66:2

PAPA GƆD se, Ɔl dɛn tin ya na mi mek dɛm, so ɔl dɛn tin ya na mi yon. Bɔt na dis kayn man a go luk to, man we ɔmbul ɛn de ripɛnt ɛn de trimbul we dɛn yɛri mi wɔd.

Ayzaya 66:5

Una yɛri PAPA GƆD in wɔd yu we de trimbul we yu yɛri in wɔd: ‘Yu brɔda dɛn we et yu ɛn trowe yu na do fɔseka mi nem dɔn se, “Lɛ PAPA GƆD tek glori so dat wi go si se yu gladi’; bɔt na dɛn go shem.

Jɛrimaya 16:10

“Ɛn wɛn yu tɛl dɛn pipul dɛn ya, ɔl dɛn wɔd ya, dɛn go aks yu se, ‘wetin mek PAPA GƆD dɔn se ɔl dɛn bad bad tin ya fɔ apin to wi? Wetin na wi sin? Us sin i dɔn kɔmit agens PAPA GƆD we na wi Gɔd?

Jɛrimaya 16:7

Nɔbɔdi nɔ go it ɔ drink wit ɛnibɔdi we de munin, fɔ kos am fɔ di wan dɛn we day; ɛn nɔbɔdi nɔ go simpatayz wit am fɔ in papa ɔ mami.

Jɛrimaya 4:5

Tɛl ɔlman na Juda, ɛn anawns na Jerusɛlɛm se, “Blo di trɔmpɛt ɔlsay na di land; ala lawd lawd wan ɛn se, ‘Una gɛda wan say, lɛ wi go insay di siti dɛn we gɛt protɛkshɔn!’

Jɛrimaya 5:22

PAPA GƆD se, una nɔ de fred mi? Una nɔ de trimbul bifo mi? A put sansan as bawndri fɔ di si, baria we de de ɔltɛm we i nɔ de pas; i lɛk aw di swɛlin dɛn tɔnɔbɔ, dɛn nɔ de pas da bawndri de, i lɛk aw dɛn ala, dɛn nɔ go ebul jomp am.

Izikɛl 12:23

So tɛl dɛn se, “Na dis PAPA GƆD we na Gɔd se: A go mek dɛn tap dis parebul ya, ɛn dɛn nɔ go yuz am as parebul igen na Izrɛl!’ Bɔt tɛl dɛn se, di tɛm dɔn kam nia ɛn ɔl di vishɔn fɔ bi.

Izikɛl 21:12

Kray ɛn ala lawd wan, mɔtalman, bikɔs i de agens mi pipul dɛn; i de agens ɔl di bigman dɛn na Izrɛl; dɛn dɔn gi dɛm ɛn mi pipul dɛn to di sɔd. So, slap yu tay at at wan.

Izikɛl 30:3

Bikɔs di de dɔn kan nia, PAPA GƆD in de dɔn nia. I go bi wande we go ful wit klawd dɛm, di tɛm fɔ jɔjmɛnt pan di neshɔn dɛm.

Izikɛl 33:3

ɛn if i si di sɔd de kam pan di kɔntri ɛn i blo di trɔmpɛt ɛn wɔn di pipul;

Izikɛl 33:6

Bɔt if di wachman si di sɔd de kam, ɛn i nɔ blo di trɔmpɛt, so dat i wɔn di pipul, ɛn di sɔd kam, ɛn tek ɛni wan pan an dɛm; i go tek da man de pan in bad bad wikɛdnɛs, bɔt a go aks fɔ in blɔd na di wachman in an.

Izikɛl 7:10

“Luk o, di de! Luk, i dɔn kam! Una day dɔn kam, advantej dɔn pul flawa, bigat dɔn mek bɔd.

Izikɛl 7:12

Di tɛm dɔn kam, di de dɔn kam nia. Lɛ dɛn wan dɛn we de bay nɔ gladi, ɛn lɛ di wan dɛn we de sɛl nɔ fil sɔri, bikɔs big big waala dɔn mit ɔl dɛn pipul dɛn.

Daniɛl 6:26

A de mek wan lɔ se, ɔlman we de ɔlsay we de ɔnda mi, di kiŋ in kɔntrol, fɔ wɔship Daniɛl in PAPA GƆD, bikɔs na PAPA GƆD we gɛt layf, ɛn i de sote go; In kindɔm nɔ go ɛva fɔdɔm ɛn in pawa go de te ɔltin dɔn.

Daniɛl 9:16

Duya PAPA GƆD, fɔseka ɔl di tret waka we yu de waka, lɛ yu wamat ɛn yu pɔnishmɛnt nɔ kam pan Jerusɛlɛm we na siti we na yu oli il; fɔseka wi sin dɛn ɛn di bad tin dɛn we wi papa dɛn dɔn du, Jerusɛlɛm ɛn yu pipul dɛn tɔn tin fɔ laf, to di pipul dɛn we de rawnd wi.

Daniɛl 9:20

We a bin de tɔk ɛn pre, de beg PAPA GƆD fɔ mi ɛn mi pipul dɛm we na Izrɛl, dɛn sin, ɛn bin de put mi kes bifo PAPA GƆD we na mi Gɔd fɔseka mi Gɔd in oli il;

Ozie 5:8

Una blo di ɔn na Gibia ɛn blast di trɔmpɛt na Rama, Sawnd di alam na Bɛthavɛn; una mach, go bigin di fɛt, pipul we de na Bɛnjamin.

Ozie 8:1

PAPA GƆD se fɔ ala lawd lawd wan mek ɔlman yɛri se bikɔs di pipul dɔn brok PAPA GƆD in Kɔvinant ɛn in lɔ dɛn, di ɛnimi dɛn we de pas lɛk yuba de ɔlsay na PAPA GƆD in os.

Joɛl 1:15

Da de de na de! Bikɔs di tɛm we PAPA GƆD go kam nɔ fa igen i go kam lɛk tin we de nyakanyaka we kɔmɔt to di Ɔlmayti

Joɛl 2:11

PAPA GƆD yuz in vɔys fɔ tɔk bifo in ami, di pipul nain ami so bɔku; di pɔsin we de gi dɛn ɔda so pawaful. Di de we PAPA GƆD go kam na big de we pɔsin fɔ fred; nɔbɔdi nɔ go ebul fɔ bia am.

Joɛl 2:15

Blo di trɔmpɛt na Zayɔn; mek lɛ ɔlman fast; I se fɔ lɛ dɛn ɔl gɛda wan ples fɔ pre,

Joɛl 2:31

San nɔ go shayn, di ples go dak ɛn di mun go rɛd lɛk blɔd. I se ɔl dis go bi di de we PAPA GƆD go kam, dat na di big de we wi fɔ fred.

Joɛl 3:14

Bɔku bɔku pipul, bɔku bɔku pipul, na di vali we dɛn kin gri pan sɔntin! PAPA GƆD de kam na di Vali we dɛn kin gri pan sɔntin.

Joɛl 3:17

I se da tɛm de dɛn go no se in na PAPA GƆD we na dɛn GƆD, di wan we de na di oli il na Zayɔn. Jerusɛlɛm go bi in oli siti ɛn trenja dɛn nɔ go jɛs de tek de mek natin.

Emɔs 3:6

Pipul go yɛri ɔn fɔ wa dɛn nɔ fred? Wɛn dombolo fɔdɔm na di siti, nɔto mi, PAPA GƆD de mek i bi?

Emɔs 5:18

Alaki go mit una we de wet fɔ PAPA GƆD in jɔjmɛnt! Una de wet fɔ da de de bɔt us gud i go du una? Na daknɛs nɔmɔ go kɔba una, layt nɔ gɛt fɔ de.

Emɔs 8:2

PAPA GƆD aks mi wetin a si. A ansa am se na wan baskit frut. Dɔn i tɛl mi se na Izrɛl in dɔn wan dɔn kam so. I se in nɔ go chenj in maynd igen, in mɔs pɔnish dɛn.

Obadaya 1:15

Di de de kam we PAPA GƆD go kam jɔj ɔl di neshɔn dɛn. Lɛk aw dɛn pas am pan dɛn kɔmpin, na so dɛn go pas am pan dɛn.

Zɛfinaya 1:14

Di big big de we PAPA GƆD de kam dɔn kam nia ɛn i de kam jisnɔ. Di sawnd we go kam wit am nɔ go fayn fɔ yɛri. Bigman dɛn ɔl go de kray bita bita wan.

Zɛfinaya 1:16

na tɛm we wɛn di trɔmpɛt go blo so, ɔlman go ala se tɛm dɔn rich fɔ fɛt. Dɔn dɛn ples we dɛn bin min se nɔbɔdi nɔ go go bikɔs i trɔŋ, nain dɛn go atak wit ɔl dɛn ay ay wɔl.

Zɛfinaya 1:7

Nɔ fɔ mek nɔys usay PAPA GƆD we na PAPA GƆD de! Bikɔs di de we PAPA GƆD go kam dɔŋ de nia ɛn PAPA GƆD dɔn mek ɔl udat i invayt we na di ɛnimi dɛn dɔn rɛdi fɔ wutuwutu Juda.

Zɛfinaya 3:11

I se, da tɛm de dɛn nɔ go gɛt fɔ shem fɔ we dɛn bin mek lɛk rebɛl pan am, bikɔs in go pul ɔl di wan dɛn we bin de kak kɔmɔt midul dɛn. Dɔn di ɔda wan dɛn nɔ go gɛt chans fɔ de kak, bikɔs dɛn go de nain oli mawnten.

Zɛkaraya 14:1

Fɔ tru tru, di de we PAPA GƆD go kam, de kam wɛn una go sheb ɔl dɛn tin we dɛn bin dɔn tek na una an.

Zɛkaraya 8:3

PAPA GƆD se, fɔ tɛl dɛn se, in go go tap bak na Jerusɛlɛm ɛn ɔlman go no se na de PAPA GƆD Ɔlmayti de, nain oli mawnten, dɔn dɛn go no se na siti we fethful.

Malakay 4:1

PAPA GƆD Ɔlmayti se di we de kam go tan lɛk ɔt ovin we ɔl udat de kak ɛn du bad go bɔn lɛkɛ dray gras. Nɔn pan dɛn pikin ɛn grampikin nɔ go de fɔ si da de de.

Di Nɔmba Dɛm 10:2

I se, “Mek tu trɔmpɛt we dɛn go kɔba wit silva we dɛn ama. Yuz dɛn we yu want di Izrɛlayt dɛn fɔ gɛda ɛn we dɛn fɔ waka.

Di Nɔmba Dɛm 10:3

Wɛn dɛn blo dɛn ɔltu togɛda, ɔlman fɔ tinap bifo di Tɛnt we a kin mit una.

1 Kɔrint 14:8

Ɔ if pɔsin we de blo bigul fɔ wa, nɔ blo am klia wan, udat go rɛdi fɔ go fɛt?

Lɛta Fɔ Filipay 2:12

Mi padi dɛn we a lɛk bad, jɛs lɛkɛ aw ɔltɛm una kin du wetin a se, di tɛm we a bin de wit una, naw we a nɔ de wit una, i gud fɔ mek una du ɔl wetin a se pas wɛn a bin de wit una; ɛn una fɔ fred Gɔd, dat go mek una du ɔl wetin Gɔd want una fɔ du.

Fɔs Lɛta Fɔ Tɛsalonayka 5:2

bikɔs unasɛf no gud wan se di Masta go kam de we nɔbɔdi nɔ mekɔp, lɛkɛ aw tifman kin kam na nɛt.

Jems 5:8

Semwe so, unasɛf fɔ bia wet. Una nɔ mek una at pwɛl bikɔs di tɛm dɔn de rich we wi Masta Jizɔs Krays fɔ kam bak.

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Rɛvɛleshɔn 6:17

Di tɛm dɔn kam we dɛn de sho se dɛn vɛks pan wi, udat go ebul sev insɛf?”