Joɛl 1:9 - Krio Fɔs Oli Baybul

⁹ Dɛn nɔ go ebul mek ɔfrin to PAPA GƆD nain os igen wit di gren dɛn ɛn drink. Di man dɛn we de mek sakrifays fɔ pipul sin we de wok fɔ PAPA GƆD fɔ sɔri ɛn kray.

Joɛl 1:9 Iomraidhean Croise

2 Kronikuls 13:10

Bɔt as fɔ wi, PAPA GƆD na wi Gɔd ɛn wi nɔ go kɔmɔt biɛn am. Wi gɛt man dɛn we de mek sakrifays fɔ pipul sin we na Erɔn in bɔypikin dɛn ɛn Livayt dɛn we de wok fɔ PAPA GƆD.

Ɛksodɔs 28:1

PAPA GƆD tɔk to Mozis bak. I se, “Kɔl yu brɔda Erɔn wit in bɔypikin dɛn, we na Nadab, Abiu, Ɛlieza ɛn Ithama. Pul dɛn kɔmɔt to di Izrɛlayt dɛn. Dɛn yon wok fɔ mi na fɔ de mek sakrifays fɔ pipul sin.

Ayzaya 61:6

Bɔt dɛn go kɔl una PAPA GƆD in man we de mek sakrifays fɔ pipul sin dɛm, pipul dɛn go tɔk bɔt una se una na wi GƆD in minista dɛm; una go it di neshɔn dɛn jɛntri, ɛn una go ɛnjɔy insay dɛn jɛntri.

Lamɛnteshɔn 1:16

“Na dɛn tin ya mek a de kray; wata de rɔn mi yay; nɔbɔdi nɔ de we de koks mi atɔl, pɔsin we go gi mi kɔrej bak; mi pikin dɛn nɔ gɛt nɔbɔdi bikɔs mi ɛnimi dɔn nak mi dɔŋ.”

Lamɛnteshɔn 1:4

Di rod dɛn we go Zayɔn de munin, bikɔs nɔbɔdi nɔ de go dɛn fist dɛn we PAPA GƆD bin se dɛn fɔ gɛt: ɔl in get dɛn ɛmti, di man dɛn we de mek sakrifays fɔ pipul sin jɛs de pini: dɛn dɔn drɛg ɔl in yɔŋgyal dɛn go, ɛn insɛf de sɔfa bad bad wan.

Ozie 9:4

Dɛn nɔ fɔ tamisilɛ wit rɔm to PAPA GƆD ɛn nɔ go gladi wit dɛn sakrifays. Dɛn it go tan lɛk it we dɛn pul fɔ dayman; ɛnibɔdi we it am nɔ go klin na PAPA GƆD in yay; bikɔs na dɛnsɛf nɔmɔ go it dɛn it; dɛn nɔ fɔ kɛr am go na PAPA GƆD in os.

Joɛl 1:13

I se di man dɛn we de mek sakrifays fɔ pipul sin fɔ sɔri ɛn wɛr saklɔth fɔ sho se dɛn sɔri, dɛn fɔ kray as pipul we de sav na di ɔlta. I se dɛn fɔ go insay PAPA GƆD in os wɛr saklɔth fɔ slip. Dɛn we de wok fɔ PAPA GƆD! Bikɔs pipul nɔ ebul mek di gren ɛn drink ɔfrin igen na dɛn PAPA GƆD in os.

Joɛl 1:16

I aks if dɛnsɛf nɔ si aw it dɛn pwɛl aw dɛn jɔy ɛn wetin kin mek dɛn gladi nɔ de na PAPA GƆD in os igen

Joɛl 2:14

I se nɔbɔdi nɔ no if i go sɔri fɔ dɛn, ɛn blɛs dɛn, if dɛn go gi PAPA GƆD we na GƆD, dɛn gren ɛn drink ɔfrin.

Joɛl 2:17

I se midul usay dɛn kin kip kot ɛn usay di ɔlta de, di man dɛn we de mek sakrifays fɔ pipul sin, fɔ kray ɛn beg PAPA GƆD fɔ sɔri fɔ di pipul. Dɛn fɔ tɛl am lɛ i nɔ mek in yon pipul shem we go mek di ɔda neshɔn dɛn gɛt wɔd fɔ tɔk. I se i nɔ fɔ mek di ɔda neshɔn dɛn aks dɛn usay dɛn GƆD de.