Joɛl 1:12 - Krio Fɔs Oli Baybul

¹² Di greps tik dɔn wida, di fig tik nɔ bɛtɛ igen Di pomigranet tik, pam tik ɛn apul tik ɛn di ɔda tik dɛn na di fil, ɔl dɔn wida; ɛn di pipul dɛn ɔl nɔ gladi igen Mɔtalman pikin dɛn ɔl nɔ ebul gladi igen

Joɛl 1:12 Iomraidhean Croise

Di Sam Dɛm 4:7

Yu dɔn mek mi at gladi pas di gladi we pɔsin kin gɛt we i avɛst plɛnti fɔ it ɔ we i gɛt nyu wayn fɔ drink.

Di Sam Dɛm 92:12

Udat de du tin tret wan go yusful lɛkɛ pam tri, lɛkɛ sida tik we at fɔ day we de gro na Libanɔn.

Sɔlɔmɔn In Siŋ Dɛm 2:3

Lɛkɛ apul tik na bush, na so mi man we a lɛk fɔ tru, kin tan we i de wit dɛn ɔda yɔŋman dɛn. I de swit mi we a sidɔm nain shado, ɛn in frut swit so na mi mɔt.

Sɔlɔmɔn In Siŋ Dɛm 4:13

Yu plant dɛn na fam we pomigranet tik de plɛnti wit ɔl dɛn fayn fayn frut, rɛd flawa ɛn pafyum,

Ayzaya 16:10

Ɛn dɛn dɔn pul jɔy ɛn gladi gladi kɔmɔt na di fam we de bia bɔku bɔku frut; ɛn dɛn nɔ de siŋ nɔn siŋ na di greps fam, nɔbɔdi nɔ go pul korɔs; di wan we de mas mas greps na di say fɔ mek wayn, nɔ de mas mas am igen; di drɔŋɔ gladi ala dɔn tap.

Ayzaya 24:11

Pipul dɛn vɛks de ala na trit bikɔs wayn nɔ de; di tin dɛn we de mek pipul dɛn gladi dɔn day; dɛn dɔn drɛb gladi gladi kɔmɔt na di wɔl.

Ayzaya 24:7

Di wayn in at de blid, di greps tik de brokat, ɔl dɛn yaŋe yaŋe pipul dɛn de pini.

Ayzaya 9:3

Yu dɔn mek di pipul dɛn dɔn bɔku mɔ, yu dɔn mek dɛn dɔn gladi mɔ; dɛn de gladi bifo yu lɛk we pipul dɛn kin gladi avɛst tɛm, ɛn lɛk we man dɛn kin gladi we dɛn briŋ tif tin dɛn kɔmɔt wa.

Jɛrimaya 48:3

Una lisin! Horonaim de ala se, ‘Fɛt fɛt ɛn ɔlsay broko broko ɛn pwɛl pwɛl!’

Jɛrimaya 48:33

Dɛn dɔn tek gladi gladi ɛn jɔy kɔmɔt na Moab we na land we gud fɔ plant; A dɔn mek wayn nɔ de na di ples we dɛn de mek wayn igen; nɔbɔdi nɔ de mas mas greps, de ala wit jɔy igen; di ala we yu de yɛri nɔto ala fɔ jɔy.

Joɛl 1:10

I se di fil dɛn nɔ gud fɔ natin igen; bikɔs ɔl di gren dɛn we dɛn plant dɔn pwɛl, di wayn nɔ bɛtɛ igen, ɛn di ɔyl sɛf dɔn dɔn.

Joɛl 1:16

I aks if dɛnsɛf nɔ si aw it dɛn pwɛl aw dɛn jɔy ɛn wetin kin mek dɛn gladi nɔ de na PAPA GƆD in os igen

Jona 4:7

Bay di tɛm we do klin di nɛks de, PAPA GƆD mek wan tumbu it di plant, so i wida ɛn day.

Egay 2:19

I aks dɛn se, ivin if i tan lɛk se nɔn sid nɔ de, if dat min se di greps tik, di fig tik, di pomigranet tik ɛn di ɔliv tik dɛn, nɔ go bia natin. I prɔmis se, dɛn go gɛt ɔltin bak.

Malakay 3:11

PAPA GƆD Ɔlmayti se i nɔ go mek dɛn tin we de kɛr dɛn mɔni go, kɛr dɛn go. Dɛn tik dɛn go bia frut ɛn dɛn go gɛt wayn fɔ drink.

Di Nɔmba Dɛm 13:23

Wɛn dɛn rich na Ɛshkɔl Vali, dɛn kɔt wan an pan wan greps tik we na waŋren sɛt greps i gɛt pan am. Tu pan dɛn put am na wan pol ɛn tot am wit sɔm ɔda frut dɛn.