Jɛrimaya 8:2 - Krio Fɔs Oli Baybul

² ɛn dɛn go prɛd dɛm bifo di san ɛn di mun, ɛn ɔl wetin de ɔp di klawd, we dɛn bin lɛk ɛn bin de sav, di tin dɛn we dɛn bin de rɔn afta, tin dɛn we dɛn bin de fɛn ɛn wɔship; dɛn nɔ go gɛda dɛm bɛr dɛm; dɛn go tan lɛk kaw tɔylɛt na grɔn.

Jɛrimaya 8:2 Iomraidhean Croise

2 Kiŋ 17:16

Dɛn lɛf fɔ du wetin PAPA GƆD tɛl dɛn fɔ du, bifo dat dɛn mek tu kaw lay lay gɔd ɛn wan ɔda wan lay lay gɔd we nem Ashɛra. Dɛn bigin fɔ wɔship ɔl dɛn lay lay gɔd ya ɛn dɛn sta wit Beal insɛf, dɛn se na dɛn gɔd dat.

2 Kiŋ 21:3

Dɛn ples dɛn we in papa Ɛzikaya bin brok we na de dɛn bin de wɔship lay lay gɔd, na dɛn in bil bak; i bil ɔlta fɔ de mek sakrifays to Beal, dɔn i mek da gɔd we nem Ashɛra in imej, jɛs lɛkɛ aw Kiŋ Eab na Izrɛl bin du. Pantap dat, i bin de wɔship di sta dɛn.

2 Kiŋ 21:5

I bil ɔlta dɛn fɔ de wɔship di sta dɛn insay di kɔmpawnd na PAPA GƆD in os;

2 Kiŋ 23:5

I sak ɔl di man dɛn we de mek sakrifays to lay lay gɔd we di fɔs kiŋ dɛn bin pik na Juda ɛn Jɛrusɛlɛm - dɛn wan dɛn we bin de bɔn insɛns to Beal, to di san, di mun, di planɛt ɛn di sta dɛn.

Di Sam Dɛm 53:5

Dɛn go de fred ivin we fred nɔ mit dɛn. PAPA GƆD go mek in pipul ebul dɛn ɛnimi, dɛn go kil dɛn ɛn skata skata dɛn bon dɛn; di ɛnimi dɛn go shem ɛn di Izrɛlayt dɛn go win dɛn ɔltogɛda, PAPA GƆD dɔn pul at pan dɛn.

Di Sam Dɛm 83:10

Yu dɔnawe wit dɛn na Ɛndɔ yu mek dɛn fiba dɔti na grɔn.

Di Sam Dɛm 83:11

Lɛ dɛn bigman dɛn we na aristo day lɛkɛ Orɛb ɛn Zib, ɛn dɛn Kiŋ dɛn day lɛkɛ Ziba ɛn Zalmuna,

Ɛkliziastis 6:3

Pɔsin kin bɔn wan ɔndrɛd pikin ɛn de te i ol; bɔt i nɔ mata aw lɔŋ i liv, if i nɔ ɛnjɔy layf ɛn we i day dɛn nɔ mek soba bɛrin fɔ am, pikin we bɔn day wan sɛf bɛtɛ pas am.

Jɛrimaya 14:16

Ɛn dɛn go trowe di pipul dɛm we dɛn de prɔfisay to, midul trit na Jerusɛlɛm. Na aŋri ɛn wa go kil dɛm ɛn nɔbɔdi nɔ go bɛr dɛm– nɔbɔdi nɔ go de fɔ bɛr dɛm – dɛm, dɛn wɛf dɛm, dɛn bɔypikin dɛm ɛn dɛn gyal pikin dɛm. Bikɔs a go gi dɛn di pe fɔ dɛn wikɛdnɛs.

Jɛrimaya 16:11

PAPA GƆD se, dɔn yu go tɛl dɛm se, ‘Na bikɔs una fɔstɛmpapa dɛm dɔn fɔsek mi, ɛn dɔn go de biɛn ɔda gɔd dɛm, ɛn de sav dɛm ɛn wɔship dɛm, ɛn fɔsek mi ɛn nɔ de kip mi lɔ,

Jɛrimaya 16:4

Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.

Jɛrimaya 16:6

Big wan o, ɛn smɔl wan o, ɔl go day na dis land; dɛn nɔ go bɛr dɛm, ɛn nɔbɔdi nɔ go kray fɔ dɛm, ɔ kɔt insɛf ɔ shayn in ed fɔseka dɛm.

Jɛrimaya 19:13

Di os dɛm na Jerusɛlɛm ɛn di kiŋ dɛm na Juda dɛn os dɛm –ɔl di os dɛn we dɛn bin dɔn bɔn insɛns na dɛn ruf, to di san, mun ɛn sta dɛm, ɛn dɔn tɔn drink ɔfrin dɛm to ɔda gɔd dɛm – da os de go dɔti na mi yay lɛk Tɔfɛt, lɛkɛ dis ples Tɔfɛt.’”

Jɛrimaya 22:19

“Dɛn go bɛr am lɛkɛ aw dɛn kin bɛr dɔŋki, we dɛn kin drɛg go trowe na do fa frɔm di get dɛn na Jerusɛlɛm.’

Jɛrimaya 25:33

“Ɛn di wan dɛn we PAPA GƆD go kil da de de, go kɔmɔt frɔm wan say na wɔl to di ɔda. Nɔbɔdi nɔ go kray fɔ dɛm, ɔ gɛda dɛm ɔ bɛr dɛm; dɛn go tɔn manyɔ na grɔn.

Jɛrimaya 31:40

Di wanol dedebɔdi vali ɛn di ashis, ɛn ɔl di fil dɛm sote rich kidrɔn watasay, to di Ɔs Get kɔna we yu de go ist, fɔ oli to PAPA GƆD. Dɛn nɔ go atak am ɔ nyakanyaka am igen sote go.”

Jɛrimaya 36:30

Fɔseka dat, na dis PAPA GƆD se bɔt Jɛoiakim we na kiŋ na Juda. I nɔ gɛt nɔn pikin nain layn we go sidɔm na Devid in tron, ɛn in, dɛn go trowe in dedebɔdi usay san go de bɔn am de tɛm, kol go mit am na nɛt.

Jɛrimaya 9:20

Una dɛn uman dɛm, una yɛri PAPA GƆD in wɔd, ɛn lɛ una yes dɛn lisin gud wetin de kɔmɔt nain mɔt; una tich una gyal pikin aw fɔ kray, ɛn ɔlman tich in neba wan wan bɛrin siŋ.

Jɛrimaya 9:21

Bikɔs, day dɔn pas na wi winda dɛm, kam insay wi kiŋ os dɛm, i dɔn mek wi pikin nɔ de go na trit ɛn mek di yɔŋbɔy dɛm nɔ de go midul tɔŋ igen

Jɛrimaya 9:22

Tɔk se, “Na so PAPA GƆD se: “Dɛn man dɛn dedebɔdi dɛn go fɔdɔm lɛkɛ kaw pupu na fam, lɛkɛ kɔn we nɔbɔdi nɔ gɛda, ɛn nɔbɔdi nɔ go gɛda dɛm.’”

Izikɛl 29:5

Ɛn a go trowe yu go na di ples we dray ɛn natin nɔ de, yu ɛn ɔl yu fish na di wata dɛm. Yu go fɔdɔm na di opin fil, ɛn dɛn nɔ go gɛda ɛn bɛr yu. A dɔn gi yu fɔ bi it To di bist dɛn we de na grɔn, ɛn to di bɔd dɛm we de flay.

Izikɛl 39:5

Yu go fɔdɔm na di opin fil; fɔ a dɔn tɔk am, PAPA GƆD se.

Izikɛl 6:5

Ɛn a go le Izrɛl dɛn dedebɔdi bifo dɛn laylay gɔd dɛm; ɛn a go skata una bonbon dɛn rawnd una ɔlta dɛm.

Izikɛl 8:16

Nain i bin briŋ mi kam na di kɔtyad we de insay PAPA GƆD in os; we go rich di domɔt na PAPA GƆD in os, we de bitwin di pɔch ɛn di ɔlta, usay bɔt sɔm twɛnti-fayv man we tɔn dɛn bak gi PAPA GƆD in os, de luk na di ist de wɔship di san.

Zɛfinaya 1:17

PAPA GƆD se in go mek di man dɛn at pwɛl, dɔn dɛn go bigin du tiŋs lɛk udat blɛn bikɔs dɛn ɔl dɔn sin; dɛn blɔd nɔ go min natin igen ɛn dɛn dedebɔdi ɔl go skata na grɔn we nɔbɔdi nɔ go bisin.

Zɛfinaya 1:5

Ɛn dɛn ɔl we de klem go pantap dɛn os dɛn ruf fɔ wɔship dɛn tin dɛn we de ɔp klawd ɛn dɛn wan dɛn ɔl we de prɔmis am se dɛn go du wetin i want bɔt dɔn dɛn de swɛ bak to da fɔls gɔd we nem Molɛk.

Apɔsul Dɛn Wok 7:42

Dɛn, Gɔd tɔn in bak pan di Izrɛl pipul dɛn; i lɛf dɛn mek dɛn de pre to dɛn tin we de na ɛvin, lɛkɛ sta ɛn mun so, lɛkɛ aw dɛn rayt na da buk we dɛn prɔfɛt rayt, se ‘Una, dɛn Izrɛl pipul ya, di fɔti ia we una bin de na di dɛzat nɔto fɔ mi una kil dɛn bif ɛn sakrifays dɛn.

Ditarɔnɔmi 17:3

ɛn i dɔn go butu de wɔship ɛn wok fɔ ɔda gɔd dɛn, ɔ de wɔship di san ɔ di mun ɔ di sta dɛn na di skay, we PAPA GƆD bin dɔn se dɛn nɔ fɔ du,

Ditarɔnɔmi 4:19

A advays dɛn igen se lɛ dɛn tek tɛm lɛ dɛn nɔ kɔle pan di san mun ɛn sta dɛn ɛn ɔl di ɔda tin dɛn we de ɔp na di skay te dɛn at kɔmɔt pan PAPA GƆD ɛn bigin wɔship dɛn. I se PAPA GƆD we na dɛn PAPA GƆD put dɛn ɔlsay na di wɔl fɔ ɔda pipul dɛn fɔ wɔship bɔt nɔto fɔ Izrɛl.