Jɛrimaya 7:4 - Krio Fɔs Oli Baybul

⁴ Una nɔ abop pan dɛn wɔd dɛn ya we dɛn de tek mek una fil se na tru tin dɛn de du: ‘Dis na PAPA GƆD in Tɛmpul, PAPA GƆD in tɛmpul, PAPA GƆD in tɛmpul.’

Jɛrimaya 7:4 Iomraidhean Croise

1 Kiŋ 9:7

a go pul ɔl di Izrɛlayt dɛn na di land we a dɔn gi dɛn, dɔn a go lɛf di os we a dɔn kɔnsikret fɔ de wɔship mi. Izrɛl go tɔn to rederaun ɛn nɔbɔdi nɔ go luk una wit bɛtɛ yay.

Ayzaya 48:2

Bikɔs dɛn kɔl dɛnsɛf di oli siti in nem, ɛn abop pan Izrɛl dɛn Gɔd; na PAPA GƆD Ɔlmayti nain nem.

Ayzaya 59:4

Nɔbɔdi nɔ de kɛr pɔsin go kot we i nɔ gɛt bakin, nɔbɔdi nɔ de kɛr pɔsin go kot ɔnɛs wan; dɛn kin abop pan ɛmti pli, ɛn kin lay, dɛn kin plan na dɛn maynd fɔ du bad, bɔt na sin dɛn kin kɔmit

Ayzaya 66:1

Na dis PAPA GƆD se: “Ɛvin na mi tron ɛn di ath na mi fut rɛst: uskayn os una go bil fɔ mi, ɛn uskayn ples a go tap?

Jɛrimaya 28:15

Nain Jɛrimaya we na prɔfɛt tɛl Prɔfɛt Ananaya se “Lisin, Ananaya, PAPA GƆD nɔ sɛn yu, ɛn yu dɔn mek dɛn pipul ya dɔn biliv pan lay lay.

Jɛrimaya 29:23

bikɔs dɛn dɔn mek dɛnsɛf fulish na Izrɛl, dɛn dɔn kɔmit adɔltri wit dɛn neba dɛm wɛf dɛm, ɛn dɛn dɔn tek mi nem tɔk laylay wɔd dɛm, we nɔto mi kɔmand dɛm fɔ du am. Na mi na di wan we no, ɛn na mi na di witnɛs. Na so PAPA GƆD se.’”

Jɛrimaya 29:31

“sɛn to ɔl di wan dɛn we de ɛgzayl se, ‘Na dis PAPA GƆD se bɔt Shemaya we kɔmɔt Nɛɛlam: Bikɔs Shemaya dɔn prɔfisay to una we a nɔ bin sɛn am, ɛn i dɔn mek una biliv in lay lay,

Jɛrimaya 6:14

Dɛn dɔn mɛn mi pipul dɛn wund af ɛn af, we dɛn de se, ‘Una gɛt kolat, una gɛt kolat,’ we wan kolat nɔ de.

Jɛrimaya 7:14

a go du di os, we dɛn de kɔl wit mi nem, ɛn we we na pan am una abop, ɛn di ples we a gi una ɛn una fɔstɛm-papa dɛm, di sem tin we a bin du Shilɔ.

Izikɛl 13:19

Una dɔn mek mi pipul dɛn nɔ rɛspɛkt mi, fɔseka koko ɛbɛ, de kil pipul we nɔ fɔ day, ɛn sev pipul we nɔ sɔpoz fɔ lib, wit di lay we una de lay gi mi pipul dɛn, we de lisin to di lay we una de lay.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Zɛfinaya 3:11

I se, da tɛm de dɛn nɔ go gɛt fɔ shem fɔ we dɛn bin mek lɛk rebɛl pan am, bikɔs in go pul ɔl di wan dɛn we bin de kak kɔmɔt midul dɛn. Dɔn di ɔda wan dɛn nɔ go gɛt chans fɔ de kak, bikɔs dɛn go de nain oli mawnten.

Lyuk 3:8

Una fɔ lɛf fɔ du dɛn tin we nɔ rayt na Gɔd yay ɛn du dɛn tin we go sho se una dɔn lɛf fɔ du dɛn. Una lɛf fɔ se, ‘Wi na Ebraam in grampikin pikin dɛm.’ Dat nɔ go sev una. A de tɛl una se Gɔd ebul fɔ tek pan dɛn ston ya ɛn tɔn dɛn to Ebraam in grampikin pikin dɛm.