Jɛrimaya 7:3 - Krio Fɔs Oli Baybul

³ Na dis PAPA GƆD Ɔlmayti we na Izrɛl dɛn Gɔd se, “Una chenj di we we una de biev ɛn di tin dɛn we una de du, ɛn a go mek una tap na dis ples.

Jɛrimaya 7:3 Iomraidhean Croise

2 Kiŋ 17:13

PAPA GƆD tɛl in prɔfɛt dɛn fɔ wɔn Izrɛl ɛn Juda fɔ lɛf dɛn bad trik ɛn fɔ du wetin PAPA GƆD in lɔ we i gi dɛn fɔstɛm-papa dɛn ɛn ɔl di lɔ dɛn we i gi di prɔfɛt dɛn fɔ de tɛl dɛn.

Ɛzra 10:11

so wetin dɛn fɔ du, naw na fɔ mek dɛn kɔnfɛs dɛn sin to PAPA GƆD, we na dɛn fɔstɛm-papa dɛn GƆD ɛn du wetin i se. I se dɛn nɔ fɔ miks wit di fɔrina dɛn we tap usay dɛn de ɛn dɛn fɔ lɛf di fɔrina dɛn we dɛn mared.

Prɔvabs 28:13

Udat ayd in sin nɔ de mek am na layf; bɔt udat kɔnfɛs in sin ɛn lɛf fɔ du bad, PAPA GƆD go sho am masi.

Ayzaya 55:7

lɛ wikɛd pɔsin lɛf fɔ du bad, ɛn di pɔsin we nɔ de waka tret na PAPA GƆD in yay, chenj di we we i de tink; mek i tɔn bak go to PAPA GƆD, mek i go sɔri fɔ am, dat na to wi Gɔd, bikɔ i go padin am fɔ ɔltin.

Jɛrimaya 17:25

datɛnde, na kiŋ dɛm we sidɔm na Devid in tron, go pas de kam insay de rayd ɔs ɛn kariej, dɛm ɛn dɛn bigman dɛm, di man dɛn na Juda ɛn di wan dɛn we tap na Jerusɛlɛm; ɛn pipul dɛm go tap na dis siti sote go.

Jɛrimaya 18:11

Fɔseka dat, tɛl di man dɛm na Juda ɛn dɛn wan dɛm we tap na Jerusɛlɛm se: “Na dis PAPA GƆD se, a de rɛdi fɔ du ivul tin agens una ɛn a de mek plan fɔ una. Lɛ ɔlman chenj kɔmɔt pan in ivul we, ɛn chenj aw una liv ɛn wetin una de du.

Jɛrimaya 18:8

ɛn if da neshɔn de we a de tɔk bɔt chenj ɛn lɛf fɔ du bad, a go ripɛnt fɔseka di bad we a bin de plan fɔ du to dɛm.

Jɛrimaya 26:13

So fɔseka dat, una chenj una we ɛn di tin dɛn we una de du, ɛn du wetin PAPA GƆD we na una Gɔd se, dɔn PAPA GƆD nɔ go du di bad tin dɛn we i dɔn tɔk se i go du una.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Jɛrimaya 35:16

Jonadab in bɔypikin dɛn ɛn Rekab in bɔypikin kip dɛn papa dɛn kɔmand we dɛn gi dɛm, bɔt dɛn pipul ya nɔ obe mi.

Jɛrimaya 4:1

PAPA GƆD se, “E Izrɛl, If una tɔmbak kam, na mi una fɔ tɔmbak kam to. If una lɛf fɔ du ɔl dɛn bad bad tin dɛn we a nɔ lɛk, ɛn una nɔ dawt,

Jɛrimaya 6:16

Na dis PAPA GƆD se, “Una go tinap na forod ɛn wach, una aks fɔ dɛn ol rod, usay di gud rod de; ɛn una waka de, ɛn fɛn kolat fɔ una sol. Bɔt dɛn se, ‘we nɔ go waka de.’

Jems 4:8

Una kam klos Gɔd ɛn i go kam klos una. Una dɛn sina, una lɛf fɔ sin. Una dɛn ipokrit, una pul dɛn bad tin kɔmɔt na una at.