Jɛrimaya 5:3 - Krio Fɔs Oli Baybul

³ E PAPA GƆD, nɔto di tru yu de luk fɔ? Yu dɔn bit dɛm, bɔt dɛn nɔ fil pen; yu dɔn kil sɔm pan dɛm bɔt dɛn nɔ gri tek kɔrɛkshɔn. Dɛn dɔn mek dɛn fes dɛn traŋa pas rɔk; dɛn nɔ gri fɔ chenj.

Jɛrimaya 5:3 Iomraidhean Croise

Jɛnɛsis 19:34

Di nɛks de, di big gyal pikin tɛl in sista se, “A lidɔm wit papa yɛstade nɛt; lɛ wi mek i drɔnk bak dis nɛt, so dat yu kin lidɔm wit am. Dɔn wi ɔl tu go gɛt pikin we go mek wi nem nɔ day.”

1 Kiŋ 13:33

Pan ɔl we ɔl dis dɔn bi, kiŋ Jɛroboam nɔ stil nɔ lɛf fɔ du dɛn bad bad tin dɛn, bifo dat i stil de pik ɔlkanaba mɔtalman fɔ de mek sakrifays fɔ pipul sin. Ɛnibɔdi we wan fɔ, i rɛdi fɔ mek am man we de mek sakrifays fɔ pipul sin.

2 Kiŋ 1:13

So di kiŋ sɛn di tɔd sɛt wit wan kapten ɛn fifti man dɛn. Dis kapten in naw go ɔp di il ɛn nildɔŋ bifo Ilayja ɛn beg am se, “E man ɔf PAPA GƆD, duya a de beg, nɔ kil mi wit dɛn fifti man yaso. Wi na yu savant. Sɔri fɔ wi, nɔ kil wi.

2 Kronikuls 16:9

Bikɔs PAPA GƆD in yay de de ɔlsay na di wanol wɔl, fɔ sho in pawa fɔseka di wan dɛn we dɛn dɛn at klin fɔ am. Na fulish we yu biev so; bikɔs as frɔm tide, na so so wa yu go de fɛt.

2 Kronikuls 28:22

Wɛn i de pan in trɔbul, na da tɛm de i kɔmɔt biɛn PAPA GƆD bɛtɛ bɛtɛ wan – dis sem kiŋ Eaz.

Di Sam Dɛm 51:6

Yu lɛk pɔsin we nɔ de mek ipokrit, ɛn yu go ebul fɔ tich am mɔ we go mek i gɛt mɔ sɛns.

Di Sam Dɛm 51:8

Tɛl mi se yu dɔn fɔgiv mi; mek a gladi ɛn nɔ pwɛl at igen

Di Sam Dɛm 55:20

Mi kɔmpin kɔmɔt biɛn in padi dɛn; i nɔ bisin fɔ brok di wanwɔd we dɛn bin gɛt.

Prɔvabs 21:29

Bad pɔsin kin lɛk fɔ mek drayay ɔltɛm, bɔt pɔsin we de waka tret na PAPA GƆD in yay no wetin i de du.

Prɔvabs 22:12

PAPA GƆD de kɔba udat de sho se i gɛt sɛns, ɛn pwɛl layman dɛn plan.

Prɔvabs 23:35

yu go de tɔk se, “dɛn nak yu, bɔt yu nɔ fil am; dɛn bit yu, bɔt yu nɔ mɛmba natin. Infakt sɛf wɛn yu wek yu go drink mɔ.”

Prɔvabs 27:22

I lɛk aw yu bit fulman na mataodo lɛk kanda rɛs, di ful nɔ go kɔmɔt pan am.

Ayzaya 26:11

PAPA GƆD, yu an de ɔp bɔt dɛn nɔ de si am atɔl. Lɛ dɛn si yu zil fɔ yu pipul dɛm mek dɛn go shem. Lɛ di faya fɔ yu ɛnimi dɛn, bɔn dɛn.

Ayzaya 42:25

So I put in ebi ebi vɛksteshɔn pan am ɛn in pawa fɔ fɛt; I put faya rawnd am, bɔt i nɔ bin ɔndastand; I bɔn am, bɔt I nɔ tek am mek natin.

Ayzaya 48:4

Bikɔs a no se yu traŋayes, ɛn yu nɛk na lɛk ayɛn rop ɛn yu fɔrɛd na lɛk bras,

Ayzaya 9:13

Di pipul dɛn nɔ gri tɔn to di wan we de pɔnish dɛn ɛn dɛn nɔ luk fɔ PAPA GƆD Ɔlmayti.

Jɛrimaya 15:7

A dɔn shifta dɛm wit shifta fɔk na di get na di land dɛm; A dɔn mek dɛn gɛt bɛrin, ɛn a dɔn nyakanyaka mi pipul dɛn; nɔ dɛn nɔ chenj.

Jɛrimaya 17:23

Pan ɔl dat, dɛn nɔ lisin ɔ pe atɛnshɔn to mi, bɔt dɛn mekɔp dɛn maynd so dat dɛn no go yɛri fɔ tek wetin a se dɛn fɔ du.

Jɛrimaya 19:15

“Na dis PAPA GƆD Ɔlmayti we na Izrɛl dɛn Gɔd se, A de briŋ ɔl di bad bad tin dɛn we a bin dɔn se go apin, pan dis siti ɛn ɔl in tɔŋ dɛm, bikɔs dɛn dɔn traŋayes bad bad wan ɛn nɔ gri yɛri mi wɔd.”

Jɛrimaya 2:30

PAPA GƆD se, A dɔn pɔnish una pikin dɛm te, dɛn nɔ gri chenj; na unasɛf tek una an kil una prɔfɛt dɛn lɛk layɔn we aŋri bad bad wan.

Jɛrimaya 3:3

Fɔseka dat, wan ren nɔ de kam, ren nɔ de kam ren sizin; pan ɔl dat yu stil yu gɛt rare gyal fɔrɛd, yu nɔ gri shem.

Jɛrimaya 32:19

we sabi plan wit sɛns ɛn kin du wɔndaful tin: I de si ɔl mɔtalman in we, ɛn de pe ɔlman bay in we ɛn bay wetin dɛn mek bi.

Jɛrimaya 35:13

Na dis PAPA GƆD Ɔlmayti we na Izrɛl dɛn Gɔd se: Go tɛl di man dɛm na Juda ɛn di wan dɛn we tap insay Jerusɛlɛm se, PAPA GƆD se; Una nɔ go lisin to wetin a de tɔk ɛn du wetin a se?

Jɛrimaya 44:10

Dɛn nɔ put dɛnsɛf dɔŋ te tide, ɛn dɛn nɔ rɛspɛkt mi, ɛn nɔ du wetin mi lɔ we a gi una ɛn una fɔstɛmpapa dɛn, se.

Jɛrimaya 7:26

pan ɔl dat, dɛn nɔ yɛri mi wɔd ɔ pe atɛnshɔn to mi, bɔt dɛn kɔk dɛn yes. Dɛn du wɔs tin pas dɛn fɔstɛmpapa dɛm.

Jɛrimaya 7:28

Ɛn yu go tɛl dɛm se, ‘Na di neshɔn dis we nɔ yɛri PAPA GƆD we na dɛn Gɔ in wɔd, ɛn nɔ gri mek i kɔntrol dɛm; di tru dɔn day; i nɔ de na dɛn mɔt igen

Jɛrimaya 8:5

Wetindu dɛn pipul ya dɔn tɔn dɛn bak pan mi ɛn nɔ gri tɔn bak? Dɛn biliv pan lay lay tin dɛn gud gud wan, ɛn nɔ gri tɔn bak kam to mi.

Izikɛl 2:4

“Pantap dat, di pipul dɛn rud ɛn traŋayes: a de sɛn yu to dɛm; ɛn yu go tɛl dɛn se, ‘na so Papa Gɔd we na Gɔd se,’

Izikɛl 24:13

Di rɔsti na yu dɔti dɔti rudnɛs. Bikɔs a bin fɔ dɔn klin yu, ɛn bikɔs yu nɔ bin klin kɔmɔt pan yu dɔti we yu dɔti, yu nɔ go ɛva klin igen te a dɔn satisfay mi vɛksteshɔn pan yu.

Daniɛl 9:13

As i rayt na Mozis in lɔ, na so ɔl dis wahala dɔn mit wi. Pan ɔl dat, wi nɔ tɛl PAPA GƆD tɛnki fɔ di sɔri we PAPA GƆD we na wi Gɔd sɔri fɔ wi.

Lɛvitikɔs 26:23

Ɛn if ɔl dat nɔ mek dɛn chenj bɔt kɔntinyu fɔ mek traŋayes,

Emɔs 4:10

“A sɛn bɔku bɔku waala pan una lɛk aw a bin du na Ijipt. A mek una yɔŋman dɛn day na wa ɛn mek dɛn kapchɔ una ɔs dɛn. Dɔn a mek una kamp dɛn de smɛl wit soso dedebɔdi. Pan ɔl dat, una nɔ klɔk mi.

Emɔs 4:11

“A nyakanyaka una lɛk aw a bin nyakanyaka Sɔdɔm ɛn Gomɔra. Una bin tan lɛk af tik we dɛn pul na faya. Pan ɔl dat, una nɔ klɔk mi. “Na so mi PAPA GƆD se.

Emɔs 4:6

“A mek aŋri de na ɔl dɛn siti. A nɔ mek wan sid rɛs sɛf de fɔ it, pan ɔl dat, una nɔ klɔk mi.

Emɔs 4:8

Ɔlman bin de wirɔn ɔp ɛn dɔŋ frɔm siti to siti fɔ wata, bɔt nɔbɔdi nɔ gɛt bɛtɛ wata fɔ drink. Pan ɔl dat, una nɔ klɔk mi.

Emɔs 4:9

“Bɔku bɔku tɛm a de mek bad sik dɛn pwɛl una greps gadin, it ɔl una fig ɛn ɔliv tik. Pan ɔl dat, una nɔ klɔk mi.

Zɛfinaya 3:7

I bin min se di pipul dɛn go fred am ɛn tek kɔrɛkshɔn ɛn nɔ go ɛva fɔgɛt wetin dɛn dɔn pas bɔt i tan lɛk na da tɛm de dɛn de bad mɔ ɛn mɔ.

Lɛta Fɔ Rom 2:2

Wi no se Gɔd de du di rayt tin wɛn i kɔndɛm dɛn pipul we de du dɛn bad tin ya.

Di Ibru Pipul Dɛn 12:9

Wɛn wi papa dɛn na dis wɔl pɔnish wi fɔ di bad we wi du, wi kin rɛspɛkt dɛn. So i go bɛtɛ fawe if wi put wisɛf ɔnda wi Papa we de na ɛvin, so dat wi go gɛt tru layf.