Jɛrimaya 41:2 - Krio Fɔs Oli Baybul

² Ishmɛl we na Netanaya in bɔypikin ɛn di tɛn man dɛm grap ɛn chap Gɛdalaya we na Aikam in bɔypikin ɛn Shafan in grampikin wit sɔd ɛn kil am, in we di kiŋ na Babilɔn bin dɔn pik fɔ bi gɔvna na di land.

Jɛrimaya 41:2 Iomraidhean Croise

2 Samiɛl 3:27

Wɛn Abna rich na Ɛbrɔn, Joab kɛr am go na kɔna bay di domɔt lɛkɛ se i wan tɔk sikrit to am. We dɛn de de, Joab chuk am nain bɛlɛ fɔ we i bin kil in brɔda Asaɛl. Na de i fɔdɔm day.

2 Kiŋ 25:25

Bɔt insay di mɔnt we mek sɛvin mɔnt da vɛri ia de, Ishmɛl we na Netanaya in bɔypikin we semweso na Ilayshama in grampikin we kɔmɔt na kiŋ layn gɛda tɛn man dɛn ɛn mek ku. Dɛn kil Gɛdalaya wit di man dɛn we bin de na Juda ɛn di Babilonian dɛn we bin de na Mizpa.

Di Sam Dɛm 109:5

Dɛn de tek mi gud tɔn am to bad, dɔn mi lɔv, dɛn de tɔn am to et.

Di Sam Dɛm 41:9

Di wan sɛf we a bin se na mi bɛst frɛn we a trɔs we wi tu kin it togɛda, insɛf dɔn tɔn pan mi.

Jɛrimaya 40:14

ɛn tɛl am se, “Yu no se Bealis we na di Amonayt dɛn kiŋ, dɔn sɛn Ishmɛl we na Netanaya in bɔypikin fɔ kam kil yu?” Bɔt Gɛdalaya we na Aikam in bɔypikin nɔ biliv dɛm.

Jɛrimaya 40:16

Bɔt Gɛdalaya we na Aikam in bɔypikin tɛl Joanan we na Karɛa in bɔypikin se, “Yu nɔ go du da kayn tin de, bikɔs na lay yu de lay pan Ishmɛl.”

Jɛrimaya 40:5

Bɔt if yu nɔ de go, tɔn bak to Gɛdalaya we na Aikam in bɔypikin ɛn Shafan in grampikin, we di kiŋ na Babilɔn dɔn pik fɔ bi gɔvna fɔ di siti dɛn na Juda; go tap wit am wit di pipul dɛn ɔ go ɛnisay yu tink se rayt.” So di kapten fɔ di gyadman dɛn gi am it ɛn prɛzɛnt, ɛn lɛf am lɛ i go.

Jɛrimaya 40:7

We ɔl di kapten dɛm na di difrɛn fɔs dɛm na di opin kɔntri ɛn dɛn man dɛm yɛri se di kiŋ na Babilɔn dɔn pik Gɛdalaya we na Aikam in bɔypikin, fɔ bi gɔvna na di land, ɛn dɔn put di man, uman ɛn pikin dɛm nain kia, we na dɛm popoliopo dɛn na di land we dɛn nɔ bin kɛr go ɛgzayl na Babilɔn,

Jɛrimaya 40:8

dɛn go to Gɛdalaya na Mizpa – dat na Ishmɛl we na Netanaya in bɔypikin, Joanan we na Karɛa in bɔypikin, Sɛraya we na Tanumɛt in bɔypikin, Efai we na Nɛtofatayt in bɔypikin dɛm, Jɛzanaya we na da Maakatayt in bɔypikin, ɛn dɛn man dɛm.

Jɛrimaya 41:3

Ishmɛl kil ɔl di Ju dɛm we bin de wit Gɛdalaya na Mizpa ɛn di Babilonian sojaman dɛm we bin apin fɔ de de.

Jɔn 13:18

“A nɔ de tɔk bɔt una ɔl; a no di wan dɛn we a dɔn pik. Bɔt wetin dɛn rayt na Gɔd in Buk mɔs bi. Dɛn rayt se, ‘Di pɔsin we wi ɔl tu bin de it wan ples, dɔn de fɛt mi naw.’