Jɛrimaya 4:3 - Krio Fɔs Oli Baybul

³ Bikɔs na dis PAPA GƆD tɛl di man dɛm na Juda ɛn di wan dɛn we tap na Jerusɛlɛm: “Una dig una grɔn we nɔ de bɔn, ɛn nɔ plant midul chukchuk.

Jɛrimaya 4:3 Iomraidhean Croise

Jɛnɛsis 3:18

Na soso gras ɛn chuk chuk go de gro na di grɔn, ɛn yu go it dɛn bush plant dɛn.

Ɛksodɔs 23:11

bɔt di ia we mek sɛvin una nɔ fɔ plant ɛnitin, ɛn una nɔ fɔ go sɛf na una fam. Una fɔ lɛf ɔl wetin de de fɔ dɛn po wan dɛn fɔ it. Wetin dɛn nɔ ebul fɔ it, dɛn animal go it am. Dɔn una fɔ lɛf una vayn gadin ɛn ɔliv gadin dɛnsɛf fɔ di po wan dɛn.

Ozie 10:12

So udat plant sid we raychɔs go gɛt lɔv we nɔ de chenj fɔ in avɛst; tɛm dɔn rich we ɔlman fɔ tray no ɛn du wetin PAPA GƆD want dɔn i go mek bɛtɛ fala ɔlman.

Matyu 13:22

Dɛn sid we fɔdɔm midul chuk chuk bush na dɛn wan we yɛri di wɔd bɔt mi, bɔt di waala ɛn di jɛntri we dɛn want na dis wɔl kil di wɔd na dɛn at, dat mek dɛn nɔ du plɛnti tin fɔ Gɔd.

Matyu 13:7

Sɔm fɔdɔm na chuk chuk bush, di chuk chuk bush gro ɛn kɔba di plant dɛn.

Mak 4:7

Sɔm sid fɔdɔm na chuk chuk bush, di chuk chuk dɛn gro ɛn kɔba di plant dɛn so dɛn nɔ ebul bia.

Lyuk 8:14

Dɛn wan we fɔdɔm pan chuk chuk bush na dɛn pipul we yɛri Gɔd in wɔd bɔt waala, jɛntri, ɛn ɛnjɔymɛnt na wɔl kil di wɔd na dɛn at ɛn mek dɛn nɔ ebul du plɛnti tin fɔ Gɔd.

Lyuk 8:7

Sɔm fɔdɔm pan chuk chuk bush. Di chuk chuk bush gro ɛn kɔba di tin we bɔs.