Jɛrimaya 4:2 - Krio Fɔs Oli Baybul

² ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”

Jɛrimaya 4:2 Iomraidhean Croise

Jɛnɛsis 22:18

Ɔl dɛn ɔda neshɔn dɛn go gɛt blɛsin tru yu jɛnareshɔn bikɔs yu obe am.”

1 Kiŋ 3:6

Sɔlɔmɔn ansa PAPA GƆD se, “Yu dɔn du bɔku gud fɔ mi papa Devid we na yu savant, bikɔs i bin de fred yu ɛn raychɔs, ɛn i bin gɛt gud at. Yu kɔntinyu yu gudnɛs to am ɛn gi am bɔypikin we dɔn sidɔm nain chia tide.

Di Sam Dɛm 72:17

Mek in nem nɔ day; mek i de lɛk di san we de de sote go. Ɔlman na wɔl go pre fɔ gɛt blɛsin lɛk am ɛn tɔk bɔt in yon blɛsin.

Di Sam Dɛm 99:4

Dis kiŋ ya in wok big ɛn i de jɔj tret wan; i dɔn mek lɔ na Izrɛl fɔ sho se ɔlman na wan; ɛn mek dɛn no aw fɔ du tin dɛn we rayt.

Ayzaya 45:23

A dɔn swɛ wit mi nem, raychɔs wɔd dɔn kɔmɔt na mi mɔt, ɛn na wɔd we nɔ go tɔn bak; Na to mi ɔlman go baw ɛn kɔnfɛs,”

Ayzaya 45:25

Ɔl Izrɛl in pikin dɛn go gɛt viktri ɛn mek nem insay PAPA GƆD.

Ayzaya 65:16

So dat ɛnibɔdi we blɛs insɛf na di land go tek di Gɔd we de waka tret, blɛs insɛf ɛn ɛnibɔdi we de swɛ na di land go swɛ to di Gɔd we de waka tret; bikɔs a dɔn fɔgɛt di trɔbul dɛn we dɔn pas ɛn dɛn dɔn ayd pan mi.

Jɛrimaya 10:10

Bɔt na PAPA GƆD na di tru tru Gɔd; in na di Gɔd we de alayv ɛn di kiŋ we de sote go. We i vɛks, di wanol wɔl de shek, ɛn di neshɔn dɛm nɔ ebul bia in vɛksteshɔn.

Jɛrimaya 12:15

Ɛn afta a dɔn rut dɛm kɔmɔt, a go sɔri fɔ dɛm, ɛn a go briŋ dɛn ɔl kam bak, ich to in pipul dɛn, ɛn ich wan, to dɛn land.

Jɛrimaya 12:16

Dɔn, if dɛn go tek tɛm lan fɔ liv di we we mi pipul dɛn liv, fɔ tek mi nem swɛ se, ‘Wans PAPA GƆD de,’ lɛk aw dɛn bin lan mi pipul dɛm fɔ swɛ wit Beal in nem, na da tɛm de dɛn go ebul mek ɔp dɛnsɛf we dɛn de wit mi pipul dɛm.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Jɛrimaya 3:17

Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Jɛrimaya 33:9

Ɛn a go de gladi fɔ yɛri dis siti in nem. I go bi prez ɛn glori to ɔl di neshɔn dɛm na wɔl, neshɔn dɛn we go yɛri bɔt ɔl di gud tin we a de du fɔ dɛm: dɛn go fred ɛn trimbul fɔseka ɔl di gud ɛn ɔl di jɛntri we a de provayd fɔ dɛm.

Jɛrimaya 5:2

Ɔlwe dɛn kin swɛ se, “Wans PAPA GƆD de,” dɛn stil kin lay.

Jɛrimaya 7:5

“Bikɔs if una chenj una we ɛn fɔ tru tru lɛf dɛn tin dɛn we una de du, if una trit ɔlman di sem fɔ tru tru, ɛn gi udat gɛt rayt in rayt,

Jɛrimaya 9:24

bɔt le udat de bost, bost se in ɔndastand mi ɛn no mi, ɛn dat mi na PAPA GƆD we mi lɔv nɔ de shek, a de trit ɔlman di sem, ɛn a de waka tret na dis wɔl; bikɔs na dɛn tin ya de mek a gladi; na so PAPA GƆD se.

Ozie 2:19

I se in go mek Izrɛl in wɛf sote go; A go sho am wetin tret ɛn fia wetin tru lɔv min ɛn ɛn wit sɔri at.

Joɛl 2:12

PAPA GƆD se, naw naw, dɛn fɔ go bak to am wit ɔl dɛn at, dɛn fɔ fast ɛn kray, ɛn sho se dɛn sɔri;

Zɛkaraya 8:8

ɛn i go mek dɛn kam tap insay Jerusɛlɛm; da tɛm de, in go lɛ dɛn no se dɛn nain pipul ɛn in na dɛn PAPA GƆD. Ɛn i go sho dɛn aw i fethful ɛn de du tin tret wan.

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

1 Kɔrint 1:31

Na dat mek wi ɔndastand wetin dɛn rayt na Gɔd in Buk, dat is, “If ɛnibɔdi want bost, mek i bost bɔt wetin Gɔd dɔn du fɔ am.”

2 Kɔrint 10:17

Bɔt wi fɔ du lɛkɛ aw dɛn rayt na Gɔd in Buk, we dɛn se, “Ɛnibɔdi we want bost, fɔ bost bɔt di wok we di Masta dɔn du.”

Lɛta Fɔ Galeshya 3:8

Bifo i apin, Gɔd in Buk dɔn tɔk se, Gɔd go mek dɛn pipul we nɔto Ju bi tret pipul bikɔs dɛn biliv am. So wetin dɛn rayt na Gɔd in Buk sho aw Ebraam bin dɔn yɛri di Gud Nyuz lɔntɛm, wɛn Gɔd tɛl am se, “Na yu a go tek fɔ blɛs ɔlman na wɔl.”

Ditarɔnɔmi 10:20

I se dɛn fɔ rɛspɛkt PAPA GƆD ɛn wɔship in waŋren, sav am, ɛn yuz in nem fɔ prɔmis pɔsin ɛnitin.

Ditarɔnɔmi 4:30

Mozis tɛl dɛn se tɛm gɛt fɔ kam we di kayn trɔbul we go mit dɛn go mek dɛn kam bak to PAPA GƆD we na dɛn PAPA GƆD,

Ditarɔnɔmi 6:13

I advays dɛn fɔ rɛspɛkt PAPA GƆD we na dɛn PAPA GƆD; nain waŋren dɛn fɔ wɔship ɛn nain nem dɛn fɔ tek prɔmis pɔsin ɛnitin.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Ruth 3:13

I tɛl Ruth se mek i slip de da nɛt de, dɔn na mɔnin, in go go aks di man if i go gri fɔ mared Ruth. I se mek i mared am. Bɔt if i se nɔ, i prɔmis bifo PAPA GƆD se in di Boaz go mared Ruth.

1 Samiɛl 20:3

Bɔt Devid mek Jonɛthan no se in papa nɔ go tɛl am se i wan kil Devid bikɔs i no se Jonɛthan go fil bad, i tɛl Jonɛthan se in papa no gud gud wan se dɛn na tayt padi. Devid swɛ se in de tɛl Jonɛthan se wans PAPA GƆD nɔ day ɛn insɛf nɔ day yet, day nɔ de fa frɔm am.