Jɛrimaya 4:1 - Krio Fɔs Oli Baybul

¹ PAPA GƆD se, “E Izrɛl, If una tɔmbak kam, na mi una fɔ tɔmbak kam to. If una lɛf fɔ du ɔl dɛn bad bad tin dɛn we a nɔ lɛk, ɛn una nɔ dawt,

Jɛrimaya 4:1 Iomraidhean Croise

Jɛnɛsis 35:2

So Jekɔb tɛl ɔl dɛn wan we de nain os fɔ trowe ɔl dɛn tin we dɛn kin de wɔship, fɔ was ɛn wɛr klin klos.

2 Kiŋ 23:13

Josaya pwɛl di ɔlta dɛn we Kiŋ Sɔlɔmɔn bin bil na di ist pat na Jerusɛlɛm na Mawnt Ɔliv fɔ de wɔship da dɔti Ashtorɛt we dɛn Sidonian dɛn de wɔship ɛn da dɔti Kɛmɔsh we dɛn Moabayt dɛn de wɔship ɛn di ɔda dɔti Molɛk we dɛn Amonayt dɛn de wɔship.

2 Kiŋ 23:24

Josaya, fɔ mek shɔ se in go akɔdin to wetin rayt na di Buk we di lɔ rayt pan we Ilkaya fɛn na PAPA GƆD in os, i pul ɔl dɛn wan we de lukgrɔn, we de ple wit mɛrɛsin ɛn majik ɛn mek dayman grap, dɛn wan we de tɔk bɔt wetin go gɛt fɔ bi, dɛn smɔl smɔl gɔd na os ɛn lay lay gɔd dɛn ɛn ɔl dɛn tin dɛn we dɛn de yuz fɔ wɔship lay lay gɔd. I mek shɔ se i klin di wanol Jerusɛlɛm ɛn Juda.

2 Kronikuls 15:8

Wɛn Esa yɛri wetin i se, dat na wetin Azaraya, we na Odɛd in bɔypikin prɔfisay swɛ, i tek kɔrej ɛn trowe ɔl di laylay gɔd dɛn we de mek PAPA GƆD vɛks bad bad wan kɔmɔt na Juda ɛn na Bɛnjamin, ɛn di siti we i bin dɔn kapchɔ na di i kɔntri na Ifrem. Dɔn i ripia PAPA GƆD in ɔlta we bin de bifo di pɔch na PAPA GƆD in os.

2 Kronikuls 33:8

A nɔ go pul Izrɛl in fut igen kɔmɔt na di land we a mak fɔ una papa dɛm nɔmɔ if dɛn go pul in fut igen kɔmɔt na di land we a mak fɔ una papa dɛm, nɔmɔ if dɛn go tek tɛm fɔ du ɔl wetin akɔmand dɛm, ɔl di Lɔ, ɔl di Lɔ dɛm we rayt ɛn di Lɔ dɛm fɔ wɔship mi, we Mozis na im a gif o una.”

2 Kronikuls 34:33

Ɛn Josaya pul ɔl di abɔmineshɔn dɛm kɔmɔt na ɔlsay we blant di pipul dɛm na Izrɛl ɛn mek ɔl udat de Izrɛl sav PAPA GƆD dɛn Gɔd. In yon tɛm, ɔl in yon layf dɛn nɔ tɔn pan fɔ fala PAPA GƆD dɛn papa dɛn Gɔd.

Ayzaya 31:6

Una dɛn Izɛrlayt dɛn, una put at bak to di wan we una bin dɔn tɔn una bak pan ɛn nɔ gɛt natin fɔ du wit am.

Jɛrimaya 15:19

Fɔseka dat, na dis PAPA GƆD se; “If yu kam bak, a go tek yu bak, ɛn una go sav mi stil. If yu de tɔk soba tɔk ɛn nɔ de tɔk rɔbish, na yu go de tɛl pipul wetin a se. Dɛn go tɔn to yu, bɔt yu nɔ gɔ tɔn to dɛm.

Jɛrimaya 15:4

Ɛn a go mek di difrɛn kɔntri dɛn na di wanol wɔl fred dɛn bad bad wan fɔseka wetin Ɛzikaya we na kiŋ na Juda, in bɔypikin Manasɛ bin du na Jerusɛlɛm.

Jɛrimaya 18:11

Fɔseka dat, tɛl di man dɛm na Juda ɛn dɛn wan dɛm we tap na Jerusɛlɛm se: “Na dis PAPA GƆD se, a de rɛdi fɔ du ivul tin agens una ɛn a de mek plan fɔ una. Lɛ ɔlman chenj kɔmɔt pan in ivul we, ɛn chenj aw una liv ɛn wetin una de du.

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Jɛrimaya 25:5

se, “Una chenj, una ɔl lɛf dɛn una ivul we dɛm ɛn una lɛf di tin dɛn we una de du we nɔ rayt, ɛn tap na di land we PAPA GƆD dɔn gi una ɛn una fɔstɛmpapa dɛm lɔntɛm, ɛn fɔ sote go;

Jɛrimaya 3:1

PAPA GƆD se, “If man dayvɔs in wɛf ɛn in wɛf kɔmɔt to am ɛn go mared to ɔda pɔsin, di man go go bak to di uman? Dat nɔ go mek di land dɔti na PAPA GƆD in yay? Yu dɔn bi rare gyal wit bɔku lɔva dɛm, dɔn yu wan kam bak to mi?

Jɛrimaya 3:12

Go anawns to di pipul dɛn na di nɔt, se PAPA GƆD se, ‘Tɔn bak kam to mi, yu Izrɛl we nɔ gɛt feth. PAPA GƆD se, A nɔ go vɛks pan una igen bikɔs Mi na Gɔd we de sɔri fɔ pipul; A nɔ go vɛks igen igen

Jɛrimaya 3:14

PAPA GƆD se, una tɔmbak kam to mi bikɔs mi na una masta; A go tek wan wan pɔsin na ich siti, ɛn tu tu na ich famili ɛn a go briŋ una kam Zayɔn.

Jɛrimaya 3:22

“Una kam bak to mi, una dɛn bɔypikin dɛn we nɔ gɛt feth, a go mɛn una mek una go gɛt feth.” “Luk, we dɔn kam to yu; bikɔs yu na PAPA GƆD we na wi Gɔd.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Jɛrimaya 36:3

Sɔntɛm Juda dɛn go yɛri bɔt ɔl di bad bad plan we a gɛt fɔ dɛm, so dat ɔlman go lɛf fɔ du ivul, ɛn a go fɔgiv dɛm fɔ dɛn wikɛdnɛs ɛn dɛn sin.”

Jɛrimaya 4:4

Una sakɔmsayz unasɛf to PAPA GƆD, una pul di fɔs kanda we de ɔntɔp una at, Una di man dɛn na Juda ɛn una we tap na Jerusɛlɛm; if nɔto so, mi vɛksteshɔn go kɔmɔt lɛkɛ faya ɛn bɔn, we nɔbɔdi nɔ go ebul ɔt am, bikɔs ɔf di ivul we de pan di tin dɛn we una de du.”

Jɛrimaya 7:3

Na dis PAPA GƆD Ɔlmayti we na Izrɛl dɛn Gɔd se, “Una chenj di we we una de biev ɛn di tin dɛn we una de du, ɛn a go mek una tap na dis ples.

Jɛrimaya 7:5

“Bikɔs if una chenj una we ɛn fɔ tru tru lɛf dɛn tin dɛn we una de du, if una trit ɔlman di sem fɔ tru tru, ɛn gi udat gɛt rayt in rayt,

Jɛrimaya 7:7

a go mek una tap na ya, dis land we a bin dɔn gi una fɔstɛm-papa dɛm sote go.

Izikɛl 11:18

Ɛn wɛn dɛn go dɔn kam de, dɛn go pul ɔl di tin dɛm we PAPA GƆD et bad bad wan, ɛn ɔl di bad bad tin dɛn we PAPA GƆD nɔ lɛk.

Izikɛl 18:13

i de lɛnt pipul dɛn mɔni wit intrɛst, i de prɔfitia; da kayn pɔsin de go liv? I nɔ go liv. I dɔn du ɔl dɛn bad bad tin we PAPA GƆD nɔ lɛk; fɔ tru tru, i go day; in blɔd go de nain yon ed.

Izikɛl 43:9

So, lɛ dɛn put dɛn lay lay gɔd wɔship wansay ɛn pul dɛn kiŋ dɛn dedebɔdi kɔmɔt nia mi, ɛn a go tap wit dɛm so te go.

Ozie 14:1

Izrɛl, una kam bak to PAPA GƆD una Gɔd bikɔs una dɔn fɔm we una sin.

Ozie 2:2

“Beg una mama fɔ mi duya bikɔs in nɔto mi wɛf, ɛn mi nɔto in man– mek i lɛf fɔ rare, ɛn fɔgɛt bɔt di man dɛn we i dɔn kip.

Ozie 7:16

Dɛn tɔn fɔ wɔship Beal ɛn nɔ bisin bɔt wetin dɛn de du jɛs lɛk aw bo we de shut aro nɔba bisin bɔt usay i fɔdɔm; dɛn kiŋ pikin dɛn ɔl de day na wa bikɔs dɛn nɔ sabi tɔk, dɔn di Ijipshian dɛn go laf dɛn.

Joɛl 2:12

PAPA GƆD se, naw naw, dɛn fɔ go bak to am wit ɔl dɛn at, dɛn fɔ fast ɛn kray, ɛn sho se dɛn sɔri;

Zɛkaraya 1:4

I se dɛn nɔ fɔ tan lɛk dɛn fɔstɛm-papa dɛn we dɛn lɔntɛm prɔfɛt bin de tɛl se lɛ dɛn lɛf di bad tin we dɛn bin de du, bɔt dɛn nɔ lisin ɔ braskitul PAPA GƆD sɛf.

Ditarɔnɔmi 27:15

“ ‘Ɛnibɔdi we go mek ɛnitin wit tik, ston ɔ ayɛn de wɔship am na kɔna, lɛ PAPA GƆD mek bad bad tin mit am. ‘Ɔlman fɔ ansa, Emɛn!’

Ditarɔnɔmi 4:30

Mozis tɛl dɛn se tɛm gɛt fɔ kam we di kayn trɔbul we go mit dɛn go mek dɛn kam bak to PAPA GƆD we na dɛn PAPA GƆD,

Jɔshwa 24:14

So Jɔshwa tɛl di Izrɛlayt dɛn se na ɔl dat mek dɛn fɔ put PAPA GƆD nɔmba wan na dɛn at; dɛn fɔ trowe ɔl dɛn fɔrin gɔd dɛn we dɛn fɔstɛmpapa dɛn bin de wɔship na Mɛsopotemia ɛn Ijipt, sav PAPA GƆD wit ɔl dɛn at ɛn waka tret wit an.

Di Jɔj Dɛm 10:16

So di Izrɛlayt dɛn trowe di fɔrin gɔd dɛn ɛn bigin wɔship PAPA GƆD, ɛn PAPA GƆD vɛks fɔ di we we i si dɛn de sɔfa.

1 Samiɛl 7:3

So Samiɛl tɛl di Izrɛlayt dɛn se if dɛn wan tɔn bak to PAPA GƆD wit ɔl dɛn at, dɛn fɔ trowe ɔl dɛn ɔda pipul dɛn gɔd dɛn we dɛn de wɔship ɛn di Ashtarɔt dɛn ɛn gi dɛnsɛf wit wan at to PAPA GƆD ɛn wɔship in nɔmɔ, dɔn i go pul dɛn kɔmɔt na di Filistin dɛn an.